[長氣多圖][無限期] 香港staycation之旅

支持原post繼續寫

好啦
希望到時仲推得番上黎

支持 有繼續睇架

okok
唔開新po

支持

DAY7.1 1881 Heritage

九月
晚市解禁
食飯人數限制亦都由兩個人變成四人
不過所謂既法制都係自由執法
好似LUNCH哥咁樣一人睇報紙都係會有問題

武肺之下
好多大菜廳包括五星酒店
米芝蓮餐廳都有做點心放題
之前都曾經去過灣仔一間叫做川流既餐館食放題
而今次
就係去肥鳩L佛話唔錯既九龍酒店龍逸軒食呢個點心放題
星期日中午時段
係九龍酒店eshop有賣緊九折優惠
兩個人連茶錢加一571蚊

九龍酒店就係半島酒店身後
都算係間幾古舊既四星酒店
地下大堂好似番左去我細細去富豪酒店食自助餐既日子咁

因為係假期中午時段
都幾多人排隊入席
而我就一早被告知話龍逸軒已經無晒位
要轉坐自助餐既倚天閣

不過坐正窗口位

而且坐張六人檯就真係幾舒服
而窗後面正正就係半島酒店

岩岩之前出左個連嘉麟樓既三餐package
十一月尾就終於有機會入去呢間由細聽到大既豪華酒店
不過就只係一間中庭景客房

今次架餐就簡陋過逸東軒好多


似足普通酒樓

呢碟野仲好撚難食

兩個鐘放題既點心紙


一共兩大張都算多野揀

不過我就柒下柒下以為乜都寫一碟
結果點心全部同我黎一件




後尾先識叫番正常





其實樣樣叫過一碟都已經食得好飽
質素雖然一般般
但都算抵食既
仲有得點就咁係自助餐拎過黎既甜品同雪糕

最後仲有九龍酒店既月餅試食

夠鐘雖然無得再叫
但因為落場時間無下一輪檯所以可以係度坐耐D都得

因為預左去嘉頓山睇日落
食完三點都仲有大把時間就周圍行下
去到格離既1881
即係舊水狗基地



以前行過淨係見到大埋支那人係度唔知做乜鳩
而家見到就係淨番D姐姐

無晒支那人而家就淨番呢班人種做我地對手

呢一座前基地

而家已經成為左一棟得十幾間房既酒店
由李澤楷既富衛擁用
而酒店就唔知點樣先book到
上佢官網搵唔到任何booking既資料
不過見有啖好食之前有住過
所以應該係對外開放既


上兩層係酒店
地下就有幾間新開既餐廳

附近有D同風球有關既建築




都係比D姐姐霸佔晒



咁其實地方就唔大
舊水狗基地即係酒店就無得參觀
淨番既就係商舖
話就話係法定古蹟
但其實就無乜可以參觀既地方

1881既正前方就係文化中心

鐘樓

同埋巴士總站

如果作為遊客既話
應該對呢度都唔會陌生
坐天星小輪渡港應該都係一個必經既景點

之後去左誠品hea到五點左右
就終於坐車去深水步了

續


聽日終於住第一間五星酒店
諗住既然都定左住下套房同食米芝蓮餐廳
不如就拍埋vlog自娛下
之前應該會放埋出黎
不過身邊機器唔多
又唔識剪片
張就下

Lm

住四季？

btw 連半島都book埋

帶新女住四季半島

今晚住文華東方
四季月尾先去

半島今次有得食嘉麟樓
雖然個set頹頹地

拎D旅行洗費去用下

DAY7.2 嘉頓山

今年其實已經係第二次黎嘉頓山
不過上一次無帶相機上黎
今次就專程過黎睇日落

黎嘉頓山
當然會經過下面地標既嘉頓中心

嘉頓中心係屬於二級歷史建築
而佢後面既美荷樓都係一樣

係好耐好耐好耐之前
我曾經係白田實習過一個月
過左咁多年
呢一帶都已經唔同晒

上去嘉頓山既路段
會經過呢間藍店



係美荷樓後面上山

對我黎講
平山同嘉頓山總係近在眼前
又遠在天邊遙不可及既地方
估唔到係因為一場武漢肺炎
令我係短時間之內去晒呢兩個地方

嘉頓山應該比起平山矮好多
所以行上去都唔算太過辛苦
而且近城市
人流亦都近好多

同圍都係上上落落既人

今次無帶腳架
所以就無話停係邊一個位影相

經過一段努力

終於上到平台
感覺上好似少人過上次
上次三四月黎到呢度係一字排開全部腳架



今日天氣唔算好
一直都係陰陰地
無乜日落可以睇到


慢慢休息下
聽到狗吠又已經入黑


上次黎時時候仲係曖昧關係
今日成為左情侶再次上黎
時間雖短
仲未有得去旅行
但感覺已經經歷左好多了
而鬧交日子不斷
我每一日都係度懷疑人生
但尤幸我想去邊佢都肯陪我

無腳架


今晚D相真係影得好麻麻

而且以城景黎講
我覺得呢度個景唔算話好好
係會比平山比下去既



因為開番晚市
出名既黃店通常都會好full
今晚plan左食素年
即使早左幾日book都要成八點半先有位
暑假都過去
以月份黎講係已經入秋
六點左右就已經開始日落
結果無野做
唯有係山上面好無聊咁等時間過去

可能因為肥鳩L佛都有介紹
所以仲多左人黎
而家夜晚食飯都係要早D book位比較好


呢間係素食餐廳
其實就唔係好岩我
不過偶爾一兩餐都算係可以接受

menu都算多野揀

價錢亦都唔算貴

叫左吉列豬扒意大利飯同芫茜意粉


有凍飲送加埋都唔洗兩舊水
其實睇過L佛都見到份量係好大份
而且lunch先食完咁飽
其實都真係無咩戰鬥力
所以最後都打包左走

另外門口個卡片盤幾得意

又結束一個回合

DAY7 完


前日就終於試左真正既酒店staycation
人流只可以話係極多
不過個體驗就真係好唔錯
頂級五星雖然係一樣係會做到唔夠人
但同之前去既cheapcheap四星簡直係差天共地
真正係有放假養豬既感覺
住一晚雖然未必感受到太多
但去埋酒店餐廳食多兩餐就可以感受到更多
開始可以明白到酒店餐廳可以收咁貴既價值
以前去開日本住溫泉都係玩開一泊二食
所以就算而家staycation黎個一泊三食都唔算好過份
不過新手借左人地支osmo pocket拍片拍到支離破碎
仲花左唔少時間係呢件事上面
睇黎我都係唔適合拍vlog
都係簡簡單單寫下遊記算數

lm

香港啲top 5星酒店都俾你住晒了

我目標都係住晒呢三間先
第時應該好難再出呢d優惠
之前半島個生日優惠連早餐都唔肯跟

自己住過東京半島香港半島睇片唔係太吸引
文華黎緊會去，有機會都想試埋四季同其他高級酒店但下下幾千都幾肉赤

都係住個風情
即係細細個已經聽過半島同成日行過尖東都會見到
但又覺得自己好似永遠都住唔起咁
而家仲要有得食埋嘉麟樓

Between
好似打個左個大門咁
以前去旅行都係揀平酒店住
第時去可能都會住番一兩間福布斯五星

細路仔唔識野嘉麟樓是咪好撚好食的

真 已經睇緊其他地方既文華呀 四季咁

嘉麟樓d叉燒用匈牙利鬈毛豬