[長氣多圖][無限期] 香港staycation之旅

指標黎姐
咁的確餐廳同其他硬件都係酒店既一部份
我有時真係覺得餐廳仲重過間房
所以得一間西餐廳真係會扣分

又追曬希望樓主同女女開心 繼續寫落去

巴打，我由你日本遊記已經有睇開
希望遲下你如果心情靚啲會繼續寫

Thx
希望可以寫到落去

應該已經好耐無旅行去

不過配套對酒店黎講都係真係好緊要，

香港人住香港酒店一晚hea下就無咩所謂，

商務旅行/上流人士，
如果簡左間住間酒店房靚到痴咗線，
但無野食/得一間餐廳、無自家泳池、無spa、etc，
都未必覺得自己住緊高level d嘅酒店，

最多係住得舒服 係好住宿，
但未必稱得上叫好酒店

個人意見

利申番先，覺得奕居好正

其實岩岩去完ritz carlton
因為個體驗實在太好
無論係餐飲
景觀
定還是係性價比
都係去過咁多間最好既
因為怕個感覺會唔同左
私心係想寫左先
不過最後都係決定按番個次序寫左大澳先




DAY26.1 大澳

話說有一日
見到1881間酒店住唔起
就醒起大澳有間一模一樣既歷史酒店
以前都試過睇下但永遠都唔會有房
咁就無無聊聊click click下突然間比我見到12月31日竟然仲有一間房淨
而且仲要係一樓既套房
慶典套餐包早晚兩餐
雖然價錢要成四千三
絕對係福布斯五星既套房價黎
不過諗起以往可以去到日本或者瑞士過新年
而今年又無得去旅行
都想試下係香港搵個特別既地方過下年
無咩點諗就book左了
然後
就有個機會可以去下呢個離遠市區既地方了

但係好景不常
原本已經請左假既女朋友份19工臨時有野做
要夜晚先入到黎
結果
就變成左一個人獨遊半日大澳
諗起一齊左之後無咩咁既機會
都未嘗唔係一件好事黎
算係有d重拾番舊有旅行既感覺

而家諗番
對旅行失去左興趣
或者係因為根本就無機會
人可能係真係需要熱身既
希望
將來我會有番呢種熱情啦

離開上次去昴坪360大約都係三個幾月時間
但果次之後基本上已經再無離開過市區
變成純粹staycation既生活
今次將staycation同旅行搞埋一齊
都應該係件唔錯既事

一早坐E車入東涌

見到人地拎住一大埋波波慶祝
我就做唔到呢種羞恥play了

唔洗一個鐘已經落車行到東涌站

東涌巴士總站入面有一角係for大嶼山巴士既
坐11號巴士就可以入到大澳
由總站去總站

單層旅行巴

下層可以放行李

不過沿途係凳到仆街
去果程還好
唔知係咪大澳小食唔太乾淨
回程果時凳到我好想嘔好唔舒服

呢個係一個叫做長沙既泳灘

呢種畫面真係去旅行先有
都叫有幾個乘客會係度落車

最後會經過石壁水塘
如果坐車既右面會見到水塘
好似我咁坐左面既話就會係見到石壁監獄

兩種唔同味道

大約凳左45分鐘
就會到達終點站大澳

係旅遊巴既感覺
對上一次就係坐住呢種車去到白川鄉睇點燈
然後
就沒有再然後了
無左旅行
就變左住酒店
都係一種心態轉變黎
活係呢個地獄
人係需要及時行樂
香港隨時快過馬爾代夫消失
再唔睇
將來就未必再有機會了

落車既第一個感覺

嗯
呢度真係好漁村feel

由巴士站到酒店
大約都需要廿分鐘步程
而我今日就係咁樣不斷咁來來回回
行到個人都痴痴地線

大澳基本上就係一個小島
島上有兩條橋連接住外面
係呢兩日
島上大部份有路既地方基本上都行過晒
連google map無顯示既路都行埋

落左巴士會經過碼頭

除左巴士之外
仲可以係屯門或者東涌坐小輪過黎

不過班次唔多
時間比較難就

海既對面係大澳島路既盡頭

係盡頭既小山坡上面
就係今晚會渡過一晚既大澳文物酒店

平時呢度好似會有船直達對面碼頭
索價每位二三十蚊
但今日就乜都見唔到

大澳海濱長廊

對比起島入面人流唔多
背山面海
仲有個紅樹林
有人打魚
呢度真係幾特別

大澳貞節牌坊


大澳地圖

仲有個宣傳係30蚊出海睇海豚
就算無限聚其實都唔會睇到d乜野

係入島之前
會經過條永安街
呢度有間幾出名既大魚蛋同大墨魚

我就無幫襯

大澳景點

基本上除左文物酒店
大澳唯一既景點就係虎山

乜遊物乜今日全部都暫停


最大路最多人入大澳既就一定係橫水渡大橋

無時無刻都係人

想停低影張相都有d困難

天氣好影乜都靚
今日話就話最低得七度
但其實入到黎大澳就唔記得會比較凍
而且日頭太陽猛都算曖

歡迎進入大澳


黎到大澳
都會睇下黃藍地圖
唔好以為旅遊區就只有藍店
其實大澳都有唔少黃店
好似係橋格離就有一間

不過台式飲品就同呢度傳統無咩關係

入到去係街市街
同出面永安街差唔多
呢度仲開左間東亞係度

冰冰


街市街既盡頭係一間湯客味好重既福滿林
轉右就係比較多大澳名物好似沙翁之類既吉慶街
而轉左就係前往酒店
所以我就轉左行

間小學唔知仲開唔開呢


沿路都有路標指向酒店

其實路就得一條
基本都唔會行錯

離開左大街就開始比較少人
可能今日始終唔係假期

大澳除左魚蛋沙翁
仲有茶果糯米糍
不過要搵茶果財
就唔可以信google map
因為我就比佢坤左
以為係蝦醬廠果邊
其實佢係舊消防局格離
門口只有一堆木材好唔起眼

茶果同糯米糍都係8蚊個

咬落去好軟好綿


舊消防

入面有間郵局同食環既office

呢頭d民宿仲好有特色

又有聖誕新年氣氛
又有貓屋圖案

仲有精品賣

過埋大會堂同健康院
就會去到少林
少林側邊就係上虎山既入口
不過我個plan就係先去酒店
然後出番大街醫肚
最後上虎山睇日落
再出番去接囡囡
所以就一直沿海行

紅樹林

以前小學讀就有讀過
但實際都只係大尾篤見過

大澳特有既棚屋


仲有好多村民係度擺擋為生

見婆婆咁辛苦都幫襯左佢兩次

許願樹?

好搞笑掛左好多公仔

差唔多去到蝦醬廠就會開始多貓

唔知同咸魚有無關

d屋好鄉下feel
仲好廢墟感


呢度有兩間蝦醬廠
鄭祥興同勝利

賣既野都應該係差唔多
不過我見勝利多人
所以第二日都幫襯左鄭祥興

d蝦膏同咸魚就咁放係度曬

但又唔見有貓貓會過黎偷食

大澳都有唔少呢d壁畫


呢條路叫石仔步街


呢隻貓就係廁所附加成日都見到

好多妹妹都搵佢影相

路既盡頭就係文物酒店

有條電梯可以上去
但1100-1800係會停用
叫你行番正門斜路
事實係我真係好憎行果條路
兩日加埋行左五次來回
真係想死

酒店下面有棵大樹

學名叫做檸檬桉
無寫年份

石仔步街盡頭

呢度打卡都唔應該唔錯
不過今日我一條撚

大澳文物酒店

側邊就係上去既斜路

文物酒店前身係狗屋
超過一百年歷史
係二級歷史文物
12年改建成為酒店
政府出支翻新
由信和集團經營
屬於非牟利性質

以前d狗火力好猛
而家仲有保留住三副火炮

如果而家仲有狗

應該會拎射燈去射村民

入門口第一間房就係reception

呢兩碌野無論幾時都唔會搬走
我都比佢kick過

正式checkin時間係三點
而我到步既時間係兩點頭
結果都係唔比上房
只可以放低行李
咁事實留係度又無咩意思
所以都係繼續我個行程

酒店日頭係開放比人參觀
而唯一有睇頭就係呢副巨型國際象棋


因為限聚令今晚無得係餐廳食
其實外賣都幾抵

仲有75折
可惜我地book既係包餐飲既package

酒店內部唔開放參觀
但係外部就係任人魚肉
reception主樓

另外餐廳樓層

上面就係幾出名既玻璃屋餐廳Tai O Lookout
而下面就已經係客房
所以先話打開窗簾隨時都會比人裝到

有個盲人地下平面圖

全間酒店總共有9間房
4間套房
5間客房
平面圖見到地下有6間房
reception格離有兩間地下套房
而餐廳下面四間都係客房
另外我地間房就唔係呢個平面圖入面
上層得兩間套房同一間客房
我地就住係最近餐廳廚房既套房
夜晚送餐好方便

話說呢度九間房都係寫話海景
但事實由自己間房係望唔到既
要出左門口再行開去先可以見得到個海景

而一樓既景就會比較開揚

即使黎到上層

都係坐唔到架lift落番去既
lift格離有條樓梯
不過都幾斜我就行番正門口落番去

又原路行番出去
所以我先話咁樣不停係咁來來回回

呢度有個牌話可以call船

十蚊位
但問過酒店職員
話而家限聚令隻船最多坐兩個人就唔會開
就算有都唔係呢個價

今次去到福滿林果度繼續直行

就有個好大幅既壁畫

吉慶街應該係大澳最多野食既地方
不過今日經過都摸左唔少門釘
無得食蝦膏餅

黃店棚屋cafe蘇廬又無開


而因為有間野叫東京士多
佢出面就起左個東京碼頭


大澳仲有好多貓屋


幾樣名物都要排隊先有
好似沙翁咁

佢每次整四件
差唔多每個食客都要再企係門口等多陣

熱辣辣就真係好好食既

格離就有間大澳小食

賣香妃卷既

三十蚊一底
都算大塊
不過袋住散晒就食得有d困難



吉慶街行到尾就見到新基橋

之前果條藍色
呢條紅色就無咁多人


係度影棚屋就一流


不過就聽到有廢老大大聲睇CCTVB

咁食完野四點左右就差唔多時間上虎山睇日落
我無番到去少林果邊上
因為睇地圖
虎上應該係兩邊都上得既
咁我沿住吉慶後街一直行

呢條路就幾乎完全無人
有一度我都懷疑自己到底係咪行錯路

而家去緊既係虎山
而係對面果座就叫做獅山
擺明就係再勁d
好似可以一路去到昂坪
我就完全無興趣去行

呢條路都叫做有個景點
叫做楊侯古廟


附近都係得d釣魚友
仲有個阿婆
問左阿婆確認條路無錯就繼續行

個觀景亭其實並唔係指向虎山

而係個淨係望到港支澳橋既垃圾觀景亭

咁我就無理佢繼續行
黃色呢間叫做聖士提反大澳之家

應該都慌廢左好耐

港支澳橋

繼續行就好似唔係幾對路

點解一直都係平路既呢
去到盡頭見到座咁既野

再望下自己個地圖

都唔知去撚左邊

咁岩有個緩步跑緊既阿嬸經過
問完佢先知原來條路就係頭先經過黃色果間學校邊

之前行過都望到但心諗唔會掛
點知原來真係呢條路
佢寫住只供維修用
但既然個個住民都咁講就頂硬上啦

上完樓梯連路都無埋

側邊樹身見到有條繩
要拉住先行到上去

好在囡囡今日遲黎
如果唔係今日我帶左佢行條咁既路
比人屌死都似

唔經唔覺已經行到喘晒氣
好在耐唔耐都見到有人落山
如果唔係都有d驚
再望下山下面

不嬲都聽講虎山應該唔難行
但我點解會搞成咁呢
強烈建議唔好行呢條路
因為另外果邊真係好行好好好好多

我原本只係想輕鬆行


無那那好似行緊上富士山咁
永無止境咁拉住條繩上
小弟自從去完富士山之後就無再操過
而家就唔好話富士山
連上個小小地既虎山都行到想死

港支澳既盡頭

好似係隧度入口黎

終於望見家鄉

但係呢一帶竟然見到咁多垃圾

真係唔明點解可以咁無公德心

大概無咩人好似我咁樣上山
反而係呢邊落山既都見到有少少
一入眼簾既反而係其他人當係終點既觀景台涼亭

標誌性既紅色扶手

同埋因為大澳幾乎係香港既最西
所以可以望到日落
而且今日天氣唔錯
可以見到好大個太陽

紅色扶手


但其實扶手既另一邊係山墳黎


之前睇youtube片已經覺得呢度睇日落好靚
好日本feel
如果可以一直係度睇到日落就好


但可惜電話打黎
囡囡話已經在途上
咁我又要加緊步伐落山checkin再出去巴士站接佢

回程路先見到呢個虎山既標高點

字已經睇唔到
查番維基見到呢度只係得75米高
咁點解我頭先會行得咁撚辛苦架

個個都上黎左睇日落

但我就要落山了

中華白海豚都比你班撚樣消滅晒

仲好意思整個象出黎

呢條落山路就真係輕鬆過我頭先果條路好多

不過一路都係山墳

然之後
就落番去少林

要趕緊時間番酒店checkin拎房先

續





本身諗住一次過寫埋酒店
但原來淨係大澳都有排寫
所以一日分量都要分開兩part

修修補補亂世中一起蒼老
沿途在 修理著熄了的曙光
祝你在亂流下平安

係架
而家無泳池
無野食
我有時都覺得無咩feel

好正，終於寫大澳

不過大澳唔係一個島，成個區域包括巴士總站同海傍長堤一直行到尾都重係大澳範圍

而家限聚令隻船最多坐兩個人就唔會開

唔係話公共交通工具豁免咩

祝快啲和好

好似幾正我有女女都想同佢去個大澳一泊兩食

隻船唔係公共交通工具

私人船做收費服務架咋

係
因為唔知點樣講解島內同島外
所以我叫佢大澳島

好似船隻就無乜規例
開船p都係得警告
不過個職員咁講我就咁聽

又睇下今次可以好幾耐

間酒店其實無乜特別
只係可以過一晚唔走有d渡假feel
同埋真係堅貴
我都算係半獨遊大澳

兩人相處都係學問，過到關既，就會修成正果。