[長氣多圖][無限期] 香港staycation之旅

一睇個menu同the tai pan差咁遠真係
Rc都話有得對住個景食
Murray對住匯豐食

唔知係咪開禁咗晚市事
依家去啲米芝連餐廳食飯
上菜節奏急咗好多 食得好唔舒服

咁我覺得食西餐都問題唔大
係中餐成日都唔知咩事無晒節奏

有次係逸東軒
同我15分鐘內上晒所有野

點心定晚市？
之前食過點心真係幾快

DAY30 嚐囍煲仔小菜 心經簡林 Involtini Italian Cuisine

難得有一個星期無住酒店
就繼續去遊下香港
其實香港仲有好多出名食肆我地未去過
尤其係晚市又就黎禁左成兩個月
好必須去懲罰下佢地
當係贖罪乜都好

咁一野就搭過海巴黎到堅尼地城
呢個地方雖然之前黎過食楚撚記
但就無乜點逗留
淨係見到原來有間香格里拉旗下既JEN
其實今日都係一樣
純粹為左食野而黎

今次黎到一間米芝蓮黃店
係必比登推薦既嚐囍煲仔小菜
餐廳原本由三人創立
不過後尾拆夥其中一位走去開左兩間叫做嚐喜大不同一樣都係做煲仔飯小菜既
最正宗既始終都係西環呢間嚐囍
有晒商標注冊晒
單喜果間只係為錢而生

去到見唔到紅色招牌

反而見到個黑色既

話其實岩岩尋日先開番堂食
唔知係裝修過定點樣

煲仔小菜格離仲有間點心皇外賣

我十一點黎到
無論係堂食定外賣都已經好多人排緊緊


其實門口就好混亂既
因為根本就無小二負責登記
問下現場街坊大家都係得個等字乜都無

終於入到去企左陣問到個阿姐
佢又終於出黎登記派飛仔

張飛仔全手寫就咁得個number
咁我就繼續坐門口繼續等

因為平時都慣左排隊
真係好耐無遇到過呢種咁混亂既情況
嚐囍應該係一間比較老牌既食肆
由內到外都係咁既味道

等左唔係好耐就有位

不過二人檯都真係幾細張

雖然一心黎試下個煲仔飯
但其實呢度應該算係一間茶樓

好耐未試過餐具要自己洗

8號檯


久違了既點心紙

岩岩公佈左2021既米芝蓮
而家係連續四年米芝蓮比必登推薦了
6蚊茶錢
最貴最頂點32蚊
標榜無落味精
呢度無寫廚師推介
我都係點左最大路果幾樣點心

另外有火山石煲仔飯同砂鍋煲仔菜

其他小菜

原本都係晚市時間先有
疫情之下禁晚市就全日供應
呢樣野都係格離檯話我知
阿姐已經忙撚到唔鳩理我

反而係落單就幾爽手

其實阿姐有時又會好nice
內藏幾種唔同人格

無幾耐已經上埋點心
蝦腸

叉燒包

馬拉糕

燒賣

蝦餃

小籠包原本四件既
我食左件先影

珍珠雞


最後上既係火山石既白鱔滑雞煲仔飯


都叫做可以起到個飯焦出黎


我覺得就普通茶樓質素
無話特別好食同唔好食
不過真係唔應該叫珍珠雞

食完個煲仔飯係完全食唔落

七籠點心加個煲仔飯

唔洗加一
埋單278
就唔係特別抵食
不過都食到好飽

呢度服務就無架啦
阿姐都忙到大部份時間都唔會理人
而客人都係街坊廢老多
落錯單亦都時有發生
不過無收加一就搞手只求打個和
另外茶樓環境都一般般
無乜特別吸引
試過就算

其實今日就無諗住係堅尼地城行
純粹都係番黨鐵站中途行下睇下

成日以為西環呢邊都係舊樓

其實都有新樓

仲有間阿元來了


一樣都係米芝蓮必比登推薦
個情況有d似嚐囍
不過佢地就比較慘
比支那伙計偷晒秘方起左間九份飽出黎
今日就唔會食了

第一次黎到港島最西既黨鐵站

堅尼地城站

轉左東涌線就黎到東涌


因為上次買左fila pass
pass可以坐兩次昂坪360
而為左格硬用埋果一次
又要格硬再買多一張來回纜車飛
不過今次個優惠勁過上次
雖然一樣都係65折來回188蚊
但係今次可以去程坐得到水晶吊車

因為疫情繼續可以獨佔車廂
不過人流比上次多
同埋水晶車廂比普通車廂少
所以都要排一陣隊先上到

個景同上次一樣


不過腳底下就有所不同

可以見到下面有船經過

以前睇running man見過以為水晶車好嚇人
但其實實際坐上去係一d感覺都無
純粹比較特別

360來回纜車飛同單程既水晶車手帶

水間車只限去程使用
所以回程大家都要迫坐普通車廂

除左向下望有海有船之外
仲可以見到行呢條棧道既人

真係見到都辛苦

今日特別多人
同幾個月之前差好遠

上次去到大佛塔頂維修去唔到

但今日一見
係成個大佛都已經圍住晒更加睇唔到

昂坪中午氣溫13.5度

唔算特別大風

市集已經唔見晒fila既野


好似冷清左好多
不過人流就多左

原本係諗住上次去大澳之前就係坐360黎到市集轉巴士可以用埋果一次機會
不過女朋友臨時有工事就無得用


去到大佛已經搞成咁

而且上次都去過
就無再上去了

今次要去既係心經簡林

上次唔知點解無去到
可能就係為左今日既到黎

由大佛邊既公廁一直行過去就係

入口開始行大約三四個字左右就會到
沿路都係平路
唔難行

心經簡林

基本上就係一個毒蛇陣
用黎整死香港

廣場

再向前行就係全香港第二高既鳳凰山了
不過其實呢度都已經四百幾米高
所以都只係要爬升五百米左右就可以上到山頂
聽落去就好似唔係太難
實際我就唔清楚了

心經簡林就係有38條花梨木柱形成一個無限形狀插係山上面

其中37條木柱上面印有波羅蜜多心經既句子


而最高果條木柱上面並係任何刻字

無論係任何地方都有呢d周圍亂丟垃圾既陷家產

係度轉一個圈
行完一圈無限就落番去
大概岩岩好畫完一個鍊成陣
可以出大絕

簡簡單單就走回頭

兜兜轉轉其實已經五點

而最後坐纜車時間係六點
我地係行度都排左超過半個鐘隊
回程既時候
太陽已經落山了

感覺呢一段日子成日都見到呢個日落

未完

話說大概一個月前
終於去左一間好想去既黃店
involtini italian cuisine
第一次識佢係係yellopenrice
兩位大廚都係三星米芝蓮bombana走出黎
淨係食個名都夠
而且仲要係黃店
不過呢間野從來都book唔到檯既
永遠都係full house
就算係屯門開左間姐妹店都係一樣
直至
禁晚市之後
原本既落場時間收變成照常營業
係三點鐘後可以walk in
其實好多餐廳都係咁樣玩法
終於可以黎試到一次

餐廳位於銅鑼灣the L. square

呢座大廈都幾多餐廳


一出電梯就已經係餐廳

除左yellopenrice

餐廳由開業第一年就已經係米芝蓮餐盤推介
直到而家

我驚多人
兩點八已經上左黎
不過係完全無人排既
結果企足四個字
佢真係三點先比入去坐

餐檯

同yellopenrice果時張膠墊已經唔同左
堅係有聽杜生意見
個廁所仲已經裝修左
但係只限女廁
男廁都幾差下

餐牌

其實本身已經諗好左食果兩款招牌意粉


開放式徐晃

今日就好似見唔到兩位腦細

呢度唔大
位亦都唔多
都只係係角落放左棵聖誕機裝飾下


麵包幾好食

如果叫野菌湯佢話會分湯
我地叫左是日餐湯既蕃茄湯

就比左個碗我地自己玩

兩個意粉並無一齊上
首先上既係卡邦尼幼麵

用強漿既先叫做卡邦尼
就無話正唔正宗
用忌廉就應該叫第二個名先係
而用強漿真係比較好食既

佢地意粉全部都係自家手造
好煙韌好好食
絕對唔係普通餐廳可以相比
仲有成品可以買得走

另外仲有個紅蝦意粉

個醬用紅蝦蝦膏同海鮮湯整
係完全無得輸
不過小二介紹話可以自己玩下個蝦頭膏撈埋意粉食

我整極其實都係乾淨淨無野出既

每個意粉都有一杯餐飲跟


一個湯
兩份意粉
無點到甜品
連加一埋單612

價錢唔平
不過係值得既
咁高質既黃店真係無幾多間
之前講過話黃店好多服務都好一般
呢度小二專業有禮貌
上菜仲有介紹
唯一可惜係食左兩款同一樣既意粉
應該試下唔同類型會更加好

全香港就只有八間意大利菜入到米芝蓮
有星既更只得三間
咁樣都已經食左四份之一了
繼每間中餐廳都可以去試下叉燒蟹蓋之外
可以試下去每間意大利餐廳都食個紅蝦意粉都好

不過餐廳由2021年起開始裝修一個月
二月先會再見

之後就去左時代廣場轉左個圈


DAY30 完


過幾日去瑞吉
原本一早就book左L'envol
而家未食已經升左上做兩星
好似賺左咁
仲有book左gaddi's同嘉麟樓
希望下個月真係住得到半島啦
有得上停機坪打個飛機同有唔知係咪勞斯萊斯接

lm

lm等L'envol

半島一定係勞斯萊斯接

btw 我一開始睇你食嘗囍都想問你叫咁多食得晒架啦？點知真係食淨

去到比人笑唔識英文

見佢生日package除左勞斯萊斯仲有款平d既多用途休旅車

其實點心都唔會食得太飽
係個珍珠雞礙事姐

你都叫左馬拉糕又叉燒包

馬拉糕諗住當甜品食
其實都唔多
唔計珍珠雞都係六個點心
之前去逸東軒都食左十一款

lm

但ritz carlton係upgrade先有維港景
W唔洗up都有marvelous

Rc個pes有浴缸景
但對正格離房
Wow suite大d
但rc 又chill d

佢拎嚟出門，有浴缸都享受唔到架啦

可以佢老婆enjoy