[長氣多圖][無限期] 香港staycation之旅

平平地食餐飯過晚夜係ok既
不過唔好預計會好好食

有個club字純粹入得lounge姐
Grand字頭果d就係corner room
或者揀套房

飲得到真係勇者黎

DAY35 南豐紗廠 韓閣

話咁快已經黎到新年
多謝武漢肺炎
今年好似真係我活左咁耐人
第一次無年拜既年初一

自從去完瑞吉之後
已經減少左再book酒店
往後大概一個月都未必會再去一次
可以回復初心
去番遊歷香港呢條路
而呢個年初一
我地就去左荃灣
南豐紗廠

由黨鐵站A4出口落

一直向前行就可以見到呢架免費既穿梭小巴站

假期大約二十分鐘一班


可能因為紗廠同地鐵站距離唔遠
就都幾少人坐

shuttle堅係真小巴黎
不過係完全免費既
車上面都有黃店廣告

幾分鐘車站就去到紗廠停車站

小巴車身都係紗廠廣告

南豐紗廠位於愉景新城對面
地點唔算好偏遠
我成為記錯以為係BMW格離果個廢廠
紗廠50年代建成
高峰期年產3000萬磅棉紗
08年轉完全停止產業轉為貨倉
直到18年活化成為一個類似商場既建築群
另設有展覽館CHAT六廠
不過因為武肺關係暫停開放
另外類似商場既南豐店堂就照常開放

店堂平面圖

算係樓高三層

店堂指南

都幾多舖頭

期間限定新年擺設

由五百個汽水膠箱組成
場中間有棵大桃花


仲有唔少人帶埋寵物黎溜狗

正宗狗咬狗

因為年初一
原本想食既koko都食唔到


都幾多舖頭落晒閘



另外都有d活化既介紹




洗手間


經活化既玻璃橋



呢度係比黃店包圍
總有一間係左近


不過想飲既木衛二就無開到

呢間就話立場有爭議

果時唔識野
原來L佛介紹老細唔鍾意蕃茄既honbo都有係度開分店

另外地下戶外條直路都係打卡位


由本地藝術家畫既牆畫

亦有外國勢力既創作

其名叫做無名英雄
令我諗起火鳳既無名軍師
另一個打卡樓梯

好似番左去細路仔時代既屋邨咁



綠色樓梯上到天店平台都係個打卡位

仲有綠色耕作


周圍都係工廠大廈

坐係度都幾優閒

另外除左懷舊樓梯
其實仲有一條純白樓梯


直上到chat六廠
不過因為肺炎停左展覽

坐番小巴番黨鐵站
去宜家買左d肉丸


年初一當日就仲係禁晚市既
不過後來晚市解禁
我都去左荃灣附近一間黃店食飯

韓閣

晚市解禁既條件係迫人用安心出行
但窮撚如我仲係用緊3310既就可以填紙仔既
晚市解禁之後都食過幾間黃店
間間都會好專重私隱唔會睇大家寫乜
就唔知係咪真係會有藍店倒自己米淨係比高智能人仕掃QR code呢

咁晚市解禁有好有壞
四人限聚就係得番半張檯可以坐

迫到hihi

今晚叫左芝士條同紫菜卷


泡菜飯

呢個飯我幾乎無掂過咁濟

仲有個魷魚芝士板

加右十五蚊年糕都係少得可憐
完全食唔飽人
咁樣過百蚊一個魷魚筒我覺得性價比都幾低
但條港女就話邪惡拉絲好正

埋單175

普普通通街坊餐廳咁啦

DAY35 完


新年無去酒店
過年後去左南丫島同東平州
都係多人到仆街
感覺香港人習慣左武漢肺炎之後都向郊區外島出發

另外聽日會去半島
但之前book gaddi's都係得waiting list
到今日仲未收到電話睇怕都危危地
希望聽日會有驚喜啦

Push

push

d阿姐好混亂

普普通通
又未去到難食既

屌係老母鄭若驊陷家產
痴撚柒閪線
721果班撚樣咁撚耐都未判
你就窮追住班無可能有罪既人





DAY36 南丫島 牧羊少年咖啡館

年初三
同一日亦都係情人節
一早去左哪裡只塞駿業里

去拎訂左既保鮮花

我自己就覺得幾靚既

然之後出發
曾經有一日
我係以香港四極為目標
希望去下香港既外島
所以最初係想去香港最東既東平洲既
但東平洲既船期係太痴線
要一早九點去到馬料水
所以都諗住輕輕鬆鬆去番個南丫島就算

南丫島
作為香港第四大島嶼
其實做左幾十年人
又係一次都未去過南丫島
我講真架

咁南丫島有三個碼頭
除左榕樹灣同索罟灣
其實仲有個模達灣
不過果邊就只有行山所以就無去

係中環四號碼頭
就有齊去晒榕樹灣同索罟灣既船

原本我打算你先去索罟灣
睇完隻文化船
再行過去睇風車
最後係榕樹灣走
一次過行晒南丫島
但事實係
索罟灣既船期係好梳既
要等成個半至兩個鐘先一班
所以最後係上左榕樹灣隻船
而且因為太多人
船期原本半個鐘一班
後尾都加班至三個字一班

情人節
又年初三
亦都係赤口
今日我就同碼頭職員開左波

雖然已經三個字一班船

但事實係班班船都係full晒
去四號碼頭之前經過其他碼頭
見到長州果條龍係長到痴撚線
後尾睇番keyman張相真係笑出黎

南丫島雖然無迫到咁
但其實都有d辛苦

船程大約半個鐘

住酒店見到既海同呢d海係完全兩回事黎

公眾假期單程21個半


碼頭都有新年氣氛

由碼頭已經可以望到發電廠三枝香

仲有好多艇泊


南丫島圖書館


南丫全島地圖

原本就係諗住行橙色呢條路
行程只係大約個半鐘
以為好輕鬆
但我發覺帶住條港女係根本邊度都去唔到既
睇怕如果將來有機會去旅行
真係一日得一個景點
可能去一次日本旅行淨係去到一個縣

南丫島好似無正式既酒店
想黎渡過就要住呢d渡假屋


呢度都分開好多村

行幾步路又會變左第二條村

郵局

今日無開

個環境其實OK

但感覺好密密麻麻

海鮮酒家第一印像就係湯遊客


沙灘仔

榕樹灣大街

周圍都係渡假屋同餐廳
但呢個位真係無乜渡假feel
又嘈又雜
大澳感覺就比較舒服
可能比較遠掛

步行至索罟灣一直都講緊80分鐘

如果我地行既話應該三個鐘都去唔到


睇過南丫島都有幾間黃店
呢間評價麻麻既龍江川係其中一間

但係入去係無人招呼
檯面d食物殘渣又無人執
價錢又唔平
坐低左一陣淨係聽到個疑似老闆娘既聲音不斷係度大叫做唔切呀起碼要等九個未之類既野
最後條港女又發皮氣就走左去格離食泰國野

仲有個炒河
相都唔撚想影

仲有間幾出名既黃店叫南島書蟲

但太多人排隊了

再上路



其實中間就無乜風景

就算已經遠離大街
求其一間有野食既都會排晒長龍

始終係長假
又禁晚市
同尋日去南豐紗廠個情況差好遠

係度見到楊光
100毛有佢訪問
好有心仲係度吹奏願榮光

哈 情人節分手 開心~


路上只有呢d廁所


行去發電站係都要上斜既

唔算高難度
但都要流下汗

終於見到南丫島既終點

風車

都幾多人

全名叫做南丫風釆發電站

一直以為風車只係外國先有
到plan南丫島先知道原來香港都有
2006年開始啟用

原本係每日開放既
雖然唔知入去可以做乜

不過武肺關而家落左閘無開放

附近都有個補給站

同埋有個觀景亭

行幾十級左右就到

不過個觀景亭人又多

個景又鳩流流
同圍都係雜草
得果一忽仔可以望到對面海

有介紹風車

但其實同下面差好遠
仲有對面個三枝香都係咁樣一忽仔


出番去已經開始日落


因為過完情人節今晚仲要走兩場拜年
所以就放棄左索罟灣
番榕樹灣走人



番轉頭經過呢間都出名既強糕店

就黎六點無得堂食

招牌豆腐芝士強糕賣晒
個店員就叫我買巴斯克芝士強糕

分離組織我就有聽過
聽完都唔知係乜黎
都要成六十幾蚊
離島風味
酒店價錢

番到碼頭真係不得了

個個都企係個沙灘影夕陽

條人龍仲不得了

好在船期都算密
一班接住一班船


番到中環碼頭邊望住IFC食件強糕


再過去親戚已經太遲
人地已經食完
留番份單品盆菜比我


未完

話說之後年初七晚市解禁第一晚
約左舊同事係屯門食飯

壽司郎而家應該已經開左

牧羊少年咖啡館

當日第一日開番晚市
七點鐘三個人都唔洗點等位就入到

話說呢間算係一間連鎖店
餐牌menu係成本小冊子咁
入面有寫晒呢間舖頭既timeline
記錄左餐廳既興衰

而家有成七間店舖
而屯門呢間係上年十月先開


以一間商場舖黎講
我覺得裝修真係好靚

呢幾個月都食左唔少酒店米芝蓮餐廳
我覺得呢度唔會差太遠
氣氛一流

仲有個開放式廚房
完全唔似商場餐廳

雲石檯

同埋張梳化都坐得舒服
仲有小盆栽

完全係高級餐廳格調黎

main menu係意粉

仲有pizza或者其他小食
我地就叫左兩個意粉同pizza

芝士汁長通粉

大板燒pizza

泰式意粉

位舊同事就大讚食物幾好味
事實真係好少見佢咁樣讚法
我自己就覺得OK既
大板燒pizza口味幾特別
感覺而家多左好多特色意粉
之前去左佐敦一間cafe revol
有個紅燒牛肉既貓耳粉印像好深刻

埋單三百五

每人百二蚊左右

之後轉場去左鮮芋仙飲糖水

一人一碗

我碗豆腐花入面係一大舊芋頭
飽到嘔

DAY36 完




岩岩前個星期去左半島
個體驗係幾乎滿分
坐勞斯萊斯
in room checkin
upgrade左間千三尺既套房
仲有得上直昇機坪影相
住宿方面簡直係完美
只係餐飲方面就唔算特別好
被稱為全港第一間fine dining既gaddi's上菜上得好急咁
同埋職員都比較機械式
呢方面反而係嘉麟樓仲比較熱情
最後佢仲無比到petit four我地
你話我自悲乜都好
硬係覺得佢地係有d白鴿眼既
起碼我之前食過咁多間都無呢種感受

最尾糖水張相條女隻手好靚

唔好ff

-直昇機坪影相
真係吸引咩聽講半島食物差左好多？

多謝樓主

可以去埋個侯機室
當博物館咁行下
有人帶有人講解我覺得幾好

從未去過半島
唔知以前點好法
我覺得兩間餐廳食物都ok既
都係服務問題
gaddi's就都有齊餐牌同上菜介紹
但全程都冷冷淡淡咁
而嘉麟樓就幾乎一次過上晒全部點心同菜
同埋無我想像中果架茶車出現

如果book RC stay & Dine應該揀天龍軒定Fritz好
想海景房但要上到5k

Lm