[長氣多圖][無限期] 香港staycation之旅

想睇酒店staycation分享

滯港消費po

果日全日淨係食左個烏冬

Book埋fs
不過下個月先去

Rich到

而家想起碼住一晚五星+一餐米芝蓮咁玩

DAY4 觀塘海濱花園 平山

時間已經去到八月
咁食肆已經比班垃圾搞到去左寒冬
連晚市都收埋檔
所以好多食肆為求自保都推出左唔同既優惠
咁之前睇BOB叔有介紹過呢間玄鮨

食夠八舊減三舊都算幾抵玩
而家個優惠都有繼續做到十月尾
不過都曾經發生過食物有蟲既事件
咁都事隔左一年
而且有BOB叔加持
所以我地都決定去試下

餐廳位於銅鑼灣
個位都算比較入
差唔多去到行入大球場果條山路

餐廳曾經連續幾年米芝蓮推介

不過由2019年已經再無推介

LUNCH SET有十款

我地叫左2同3
連加一都仲差30蚊先夠800蚊
所以叫多左件單點壽司

前菜同湯就無乜特別

不過個盤刺身同魚生丼就好豐富



兩個人食呢個價位轉番日元既話大約都係7000YEN
我覺得就算係幾唔錯
餐廳仲有得食omakase
不過就唔係我地窮HI食得起既價錢了

咁為左湊夠數其實之前都去左尖沙咀一間米芝蓮一星既法國菜
叫做epure
之前見過lunch用支聯卡可以買一送一
不過我地book既係下午茶時段

今次真係人生第一次去食法國菜
處男下海

成件menu好簡單
乜柒廢話都無

下午茶set總共五度菜





每樣都係迷你到爆炸
都算好乎合我心目中既預期

不過呢度環境真係好唔錯





同埋小二會好配合
港女黎到應該會好開心
小弟鄉下仔出城
可能呢d就係傳說中既米芝蓮氣氛啦

話說小弟對米芝蓮餐廳從來都唔係幾感興趣
但自從睇左木村套grand tokyo maison
直頭係對呢D餐廳一百八十度改觀
第時去日本
真係想book木村間餐廳既原型Quintessence去食番餐

咁以上講咁多其實都係湊數用既姐
話說去完玄鮨
我地又鬧左場交
唔知點解就轉移陣地去左觀塘

觀塘海濱公園

呢度又係我另一個回憶
話說岩岩落成果陣我又因為工作關係黎過
當年呢度無乜人就幾優閒
最大印像當然就係果舊抄鳩人地既塔樓
而家就變左細路仔玩車既地方

咁呢一期既太陽真係太過猛烈

成個公園都因為限聚令淨係開放呢D暴曬凳

所以我地為左遮陰

只可以坐係地下

雖然幾多蟻
但坐坐下又幾舒服
咁樣三十幾度既戶外都訓得著

漫無目的咁樣恰左陣
又出番黎行下影下



仲有我最憎既雀仔可以睇




呢件就係抄鳩人地巴塞既建築

真係由佢開幕笑撚到而家

最後行左番去工廠區買番杯野飲就走

咁繼續為左湊字數
有晚終於去左屋企附近既平山睇日落
之前連嘉頓山都未去過
不過係武漢肺炎之下
今年去左既地方好似仲多過人生加埋既總和咁

條路就係彩盈邨行到入
搭升降機上彩禧路公園
再行到彩榮里既盡頭
就有條好似嘉頓中既樓梯咁行上去
話說人到中年
行呢D路真係好辛苦
所以我行到半路就已經SET定個腳架算數


呢度個景可以望到獅子山
諗番起上年香港之路既情況
都有D感觸




DAY4 完


岩岩BOOK埋FS
再加碼食龍景軒
呢個時間我想住晒香港三大酒店先
之後再試下香港其他既福布斯五星酒店
配合下米芝蓮餐廳
暫時係無得去旅行之下就有咁既規劃
既然無得去旅行
輕量咁揮霍下都無壞

另外見st regis個24小時staycation可以去到聖誕
唔知book唔book埋好

Rich到又文華又四季又St Regis

唔好睇小樓豬
佢去親日本都住5萬yen/晚房
遲D仲要住10萬yen晚添

講下姐

去登別住唔只十萬一晚

lm

等更新

DAY5 梅窩

其實去完最南既蒲台島之後
我係諗住去埋香港最東既東平州
咁樣就可以堅玩香港四極
不過搞下搞下
就變左去梅窩
其實我印像中呢個地方根本就無乜好行

時間又番到十幾年前
當時同班同學原本黎到梅窩只係想搵條郊遊徑行下
點知越行越難行
原來行撚左去鳳凰徑
咁自此我對梅窩既印像就只有係行山既起點
根本無諗過係呢邊可以有乜好做

話說黎梅窩既方法都有好多種
咁我就先一朝早黎到黃埔食番個早餐
試下新開既sukiya

其實我係日本都只係食過一兩次
對呢間野就無乜特別感覺
不過作為香港人
都唔難明點解咁受歡迎既
係呢一年幾以黎
完全無去過扑野家食牛肉飯
咁今次都叫做終於可以重溫舊夢

食完就去左碼頭坐船到中環
再轉船去梅窩
中間轉船都唔需要花太多時間
只係無諗過原來假期都有咁多人黎到梅窩

碼頭出面就係巴士總站

細細果時就係同屋企人黎到呢度轉單層既大嶼山巴士係咁UN過去大佛
諗番起都係個幾辛苦既經歷
而家昂平360無開
想去果邊都而家都係靠巴士過去
一直想等吊車開番先去
咁就可以用番上次係大富翁樂園得到果張免費飛
不過到而家有效期就黎完都未開番
生日優惠又過埋
之後去可能要比正價了
感覺上第三波之後好多野都唔再出優惠了
好似睇天能咁
而家睇2D IMAX都可以貴到要140張飛
無晒之前乜野買一送一既優惠了

仲有個綠色郵筒


碼頭

呢度有間餐廳叫支那熊
好撚多西人係度飲油

法國D鬼佬入黎離島就並唔係為左參觀
只係想入黎坐低飲枝油咁就一日
sorry
坐到戶外咁樣熱辣辣曬住飲
我真係理解唔到

一路沿住海邊走就係銀礦灣

好多人都會係度租單車玩
條港女就唔撚識踩
我話租架三輪車比佢坐佢又唔撚肯
咁就齊齊暴曬

梅窩其實都比想像中方便
有巴士
有泳池
有街市圖書館
仲有居屋
其實都已經可以算係一個城市

銀鑛灣

當日沙灘仲未開番

不過都仲會有少量人會落水玩

銀礦灣酒店

可以揀係度住一晚
不過八月無沙灘又無晚市
留係度都真係無野好做

除左中式午餐
仲有三層塔下午茶
出面烈日當空
入面有冷氣嘆
其實都算幾吸引架

頭先行過黎條路都仲有D渡假屋

個沙灘唔細
其實都幾難圍封得晒


就咁望D海水都算清既


BBQ一樣唔開


行到身水身汗
其實都只係想行過去今日唯一既目的地
銀鑛瀑布

沿路都係D村屋同草地
其實睇住google map就一d都唔難去

瀑布就唔係個指示牌上去
而係另外有個單丁咁手寫痴出黎

一路都係山路



但就唔洗點樣上斜
所以條路都算好行

行過有間村屋有大塊田係門口
放左隻稻草人出黎
而隻稻草人就好似賣衫果d model公仔咁
見到都真係個心離一離

過左文武廟見到呢兩個JJ唔知點解

不過條路就無行錯

話說梅窩景點唔多

主要都係瀑布同山洞
另加一埋廢廟

轉眼就已經到達銀鑛灣瀑布

簡介竟然係仲有日文

599G

呢度全部人都有共同目的

可以報狗

瀑布真身

唔敢話去過好多瀑布
但去過d地圖上面有顯示既瀑布
好多都係鳩流流滴滴仔
但今次呢個銀鑛灣瀑布真係有驚喜
而且仲可以近距離欣賞

不過要行過去都有少少危險性既

要小心D


撚完個瀑布
原本就想去埋個銀鑛洞
但港女話驚唔想去
就係度打道回府了

過左中午
仲多左人係沙灘玩


餓餓地就係碼頭附近解決埋
求其入左間La Pizzeria



個寬條麵幾好食
而且份量都算多

坐船走經過呢個青洲燈塔幾型

不過就應該無得上岸參觀

未完



話說我地兩個都係八月出世
所以都諗住係八月入面book番兩間酒店黎慶祝生日
點知柒婆就搞政治
全面禁晚市
原本book左既海洋公園萬豪同埋沙田萬怡都比我取消晒
預定想去既海洋公園同昂平360都無得去
咁景點無得去
就索性拎假去食個lunch

係佐敦
有間黃酒店
叫做逸東酒店
呢間酒店都算係由外黃到內

國安法之後已經改左另一張一樣有政治意味既掛畫

而佢地既中菜廳逸東軒仲係米芝蓮一星
咁生日果日就去左食
張臺好大張

而係限聚令下每張臺最多只可以坐兩個人
係勁多位擺野食

逸東軒係武肺期間一直都做緊38蚊籠點心
不過就只限星期一至五

其實都有D48蚊同78蚊既點心
不過相比起好多五星級酒店既點心都平好多

細路仔真係唔識野
平時淨係去開19酒樓飲茶
第一次見有得保暖


一次過都叫左十一籠點心
食到死為止



質素係比起酒樓好少少既
同埋賣相好D咁
但又唔算話特別好食

米芝蓮小二面口就冷冰冰咁
不過都算有求必應
拎盒同紙袋都好細心

可惜出面打緊三號波
驚唔知幾時會掛八號所以好早就走
如果唔係好似坐到六點收工都得
本身仲想叫籠金錢肚
但都無食到了
埋單加埋廿八蚊茶錢
兩個人五百零蚊都算係可以接受既水平

咁再之前未有限聚果時
我地成家都去左逸東既普慶餐廳食自助晚餐
原價618
果時優惠做緊第二位半價
不過我地兩老本身就只需要448
即係半價左都唔係話平好多

咁個位同逸東軒比就已經差好遠

係海南雞飯果邊D檯就更加迫
完全無人權

野食就認真好麻麻
得個海鮮拼盤叫做好少少


雪糕係movenpick
好似好多地方都轉晒呢隻雪糕咁



整體黎講就以成人差唔多七舊水黎計真係好唔抵
兩千蚊拎去食逸東軒好過

而原本呢個牌就寫晒721831101等數字

不過比人投訴完都縮左
都可以理解既

咁樣食兩餐都叫介紹左酒店呀
係差無上房姐

DAY5 完



聖誕最後book左upper house
呢排好似有D走火入魔咁
不過仲有11月既空檔
再睇下有咩優惠

瀑布黎講梧桐寨都唔錯
第一次見到都幾震撼

唔錯

有禁晚市堂食唔係更加要book酒店咩

好似要行到好入咁
搵次有機會睇下先