滄海肥豬
2020-09-10 21:22:03
8票A
8票Y
5票+1力+3敏捷+5智慧+1幸運
——————————
你決定把一切都告訴雷金,山洞奇遇、靈魂連結以及陰之石的來歷。
雷金坐在年代感十足卻精緻無比的鐵製椅子上,沈思不語,消化著你說的東西。
即便是飽經滄桑的雷金也需要些許時間整理你的奇幻歷練。
雷金化了好幾分鐘才憋出一句話,途中你不敢多語,舉手投足亦格外小心。鐵匠鋪內剩下烈火熊熊燃燒的聲音,卻令你更是放鬆。
雷金:「唔...靈魂連結,確實係一個大機遇。人獸長久對立,可以搵到一個心甘情願同你進行靈魂連結嘅異獸,可以話係萬中選一,屬於天選之人嘅機遇。而家你要好好思考嘅問題係,你下一次突破究竟要獵殺咩異獸好?要以技能做主導,定係武技做主導?畢竟到目前為止,你都未加入任何一個武技學會,亦未有任何攻擊性技能,可塑性依舊非常大,呢方便你就同你嘅拍檔好好商量下啦。」
「至於陰之石方面,如果真係好似你噉講,隻百寶袋鼠係喺內外圈交界位置搵到嗰個礦洞,而且附近有偽靶衛峰嘅出現,噉就有啲麻煩了。」
你不解的問道:「點解?」
雷金把水杯內的清水一飲而盡,及後解釋道:「偽靶衛峰,百獸榜排名第九十八位,係茂密的彩虹之森內圈甚至核心地帶築巢。成年偽靶衞蜂體型有一個人頭般大,主要狩獵大型異獸為食,發射強而有力的貫通型追擊尾針攻擊目標,可以精準攻擊五百米以內嘅目標要害。天生身上染上非常鮮明嘅紅白色斑紋,發射前以尾針瞄準目標,由目標角度望向偽靶衞蜂,會啱啱好見到由其紅白色斑紋構成嘅射靶圖樣,個名亦係咁樣而得嚟。偽靶衞蜂只會係蜂巢附近活動,姐係話見到一隻偽靶衞蜂,就可以肯定附近有一個偽靶衞蜂巢,如果係連群結隊出現,高一級嘅異能者亦會被亂針刺死。」
「基本上以你而家嘅實力,係冇可能靠自己去嗰個礦洞。陽之石,我知道你非常急切噉想得到佢,因為佢係修補格拉墨嘅其中一物,但我想你應承我,唔好衝動。俾兩日時間我準備,禮拜三,我哋一齊出發,將陽之石帶返嚟。」
你想了想,這星期的實戰訓練在星期五,瑟坦特約定了你星期四對戰一場,時間並無對沖,便點點頭答應了下來。
正當你準備離開時,雷金出言提醒道:「今個禮拜日有一場拍賣會,聽講當中有好多珍奇寶物,據說仲有一個可以加快煉丹速度爐鼎......」
腳步稍停,你點點頭,很快就明白雷金話語中想表達的意思,揮手向雷金道別,剩下雷金孤身一人在炎熱的鐵匠鋪內沉思。
《續》
——————————