一個輕鬆互動種田文

唔知咩斗羅 剩係知樓豬好快啲出文

我唔係想睇個故都要論資排輩
更加唔希望趕走樓主嘅讀者

不過其實樓主一路都寫緊同一個世界觀嘅故事
最初嘅版本今年一月已經開始喺連登連載
斷斷續續寫咗大半年
到今個Post多咗好多新讀者我都為樓主開心
咁但係一嚟就覺得樓主係「參考」或者「抄」人係咩意思我真係唔明。

－－－－
有屬性、殺同屬性怪會增加「經驗值」、怪越老越勁同「唔殺都有獎勵」
樓主第一個故已經有
如果咁樣就係抄嘅話 咁所有有Level嘅故事都係抄DnD
「動物原來識講嘢」都有版權我更加係
一路追到上去嘅話 其實大家都係抄考古代人類嘅神話
再送多個Hero's Journey
所有故事其實都係一樣嫁 唔使睇喇

「校園」「啲人以為主角係廢柴」同「屈機老豆」都只係依個故咁啱有嘅
之前樓主寫咗咁耐 都唔見咁多人睇
如果係咁樣嘅話 會唔會係大家其實都好鍾意咁樣嘅打飛機設定呢

天下文章一大抄，根本唔使介意一唔一樣，我一直都冇話樓主有咩做得唔啱，介意既話我就唔會一路追啦，同埋我係話setting一樣唔係劇情完全一樣，兩樣野黎，唔明做咩突然比人訓話

幽靈絲都係緊張海巴先咁
因為一個作者 俾人話同邊個故好似 一樣
都好hurt佢地㗎


睇咗少少 鬥羅
講真 真係唔多似喎

大家唔洗爭論。

首先好多謝幽靈絲幫我解釋，幽靈絲的確係我最早期嘅讀者，一直支持我到而家，衷心感激你咁緊張呢件事。

但係我亦都想多謝獨立巴點醒咗我一樣嘢，我開始寫文大約半年，依然算係一個初哥，一直好緊張「原創」呢件事，因為我想建立一個獨一無二嘅世界觀，所以一開始見到你哋話篇文似斗羅我有啲低落（睇晒斗羅1-3）。但你有一點講得冇錯，setting類近，劇情唔同，又有何不妥？更何況係無意之為，思想稍微轉變，就可以睇到另一面。天下文章一大抄，如果我可以成為一個例外，咁會唔會又係一個指標？我會繼續努力，希望各位讀者繼續督促我，唔好畀機會我拖更。

話時話今日呢更聽日先出好冇，好眼訓做嘢做到想死

只可以講樓豬每晚都好勤力更新。寧願訓少啲都唔想拖住大家。 你地既支持對佢好重要

樓豬出現了
既然樓豬咁講 咁就算啦

不過我會覺得「設定」同「劇情」同樣重要
（甚至某程度上可以話「設定」先係Define一套作品嘅地方。）
而去講「設定一樣」再加上「天下文章一大抄」依啲說話
其實係一個幾嚴重嘅指控嚟。

攰就瞓教先啦
聽日先都唔緊要

但有趣嘅係，我嘅原創故遠遠不及呢一篇興起之作，取捨，一直都係我努力學習嘅課題，睇下我點樣搵到個平衡啦。

但其實睇得足夠多同類型小說就會發現，總會有啲相似位，呢一點我真係唔否應。思緒入面或多或少都會畀舊有記憶影響，到下筆入文嘅時候，就可能會有似曾相識嘅感覺。話說，呢一篇本身真係諗住輕鬆同舊讀者傾下計玩下，估唔到會吸引到咁多新讀者，樓豬已經好開心。

歷史都會重複啦，點解作故就唔可以睇開d呢？
要完全唔一樣係好難做到，就算斗羅都有唔係原創既部分，山海經都有唔係原創既部分，我呢d唔係accusations係講緊一個事實，係講緊文明既發展本質，冇人借鑒前人個社會唔會進步，重點係要make it better instead of make it worse，只係講緊呢個道理啫

咁《祈天世界》又有個幾大限制性嘅問題嘅...
同步更新嘅《亞當》雖然畀我哋玩爛咗
不過亦都開始咗「揭示世界嘅真相」
而小白個故亦都承接落去

我會覺得依個故「進化」咗嘅位係 喺劇情選擇之外
加咗能力配點同用幸運值兩個額外嘅選項位
咁樣令到讀者互動嘅空間大咗好多
而投票發動幸運值更加係幾大嘅創新嚟
甚至喺外國嘅Quest都係未見過
（相對地佢哋偏向模仿Tabletop Games咁用虛擬擲骰決定）

其實「相似位」依樣嘢
外國直情有人開咗TVTropes依個類似Wikipedia嘅網站去記錄

而頭先我亦都輕輕講咗Hero's Journey依樣嘢
（話說連登有位巴打開咗個學術Post討論依個概念）
其實就係講緊古今中外嘅故事神話 好多時都係循著依個「套路」去行
如果咁Reductionist 咁拆骨去肉咁睇一個故事
咁其實每個體裁入面99%嘅故事都係同一個故事嚟

相對地有好多「設定」「元素」其實已經滲咗入我哋嘅流行文化入面
甚至可以話係一種「集體回憶」嚟

即係例如有獨角獸 有龍 有聖劍依啲嘢
其實都係由古代嘅傳說同神話轉化出嚟
不過已經喺幾十年前畀人玩爛咗
「地水火風」依啲「元素」更加係「古代科學」嚟

而隨著有『fate』依類作品出現
去搜羅一啲以往唔係咁流行 世界各地嘅傳說神話
將來就會有更加多嘅元素同情節畀人玩爛

近代由Tabletop RPG演化出大為流行嘅MMORPG之後
有「經驗值」「等級」「一招招嘅技能／天賦」甚至係「儲物欄」
都漸漸成為一啲好「標準」嘅Mechanic

而我會始終堅持 Plagiarism「抄襲」唔應該係一樣咁輕易作出嘅指控嚟
「致敬」「模仿」「改編」都係可以接受嘅創作形式
但係「一模一樣咁抄」我相信唔係正常人可以接受 更莫講欣賞嘅做法
「天下文章一大抄」依句來歷不明嘅「名言」
有意無意地將「用典」同「抄襲」混為一談
難聽講句真係好有某國人嘅特色。

respect

希望樓豬唔好介意我騎劫你個Post講啲無聊嘢

最早其實係咪薯皮

所有由《再一次抗爭》開始睇嘅讀者都算早期

純故事推進升級。而個人數據方面，前期唔夠先會有明顯影響，但當你三項數據都係正常以上，自己就唔會覺得有特別，因為冇人會特別留意一個正常人（有一話係智慧不足所以逼你哋用咗一點幸運值㗎）。

諗住幾十個回覆實有文啦，點知係無聊撩交嗌