P牌說故事
2020-07-13 00:45:25
就嘗試以休息五分鐘的空檔時間去拉近彼此之間的距離,與他們溝通一下。
「見大家都開始有啲眼瞓,我而加就放五分鐘break,比你哋休息下。」說罷,所有同學立即精神起來,有些在睡覺,有些與鄰座的同學閒談,有些對着書本發呆。
我把握時機,隨即與一些看來比較健談的同學傾談,而在對話開始前,我亦把其名字緊記,希望能夠表示誠意。
「Hello,我同你哋一樣都係新嚟㗎,我頭先會唔會教得好悶?見大家都無乜心機咁。」我向名為凌晉的男學生問道。
「唔係悶嘅,係平淡咗啲,但無心機都好正常,放咗咁耐暑假,都唔慣翻學上堂。」他爽快回應我。
「你哋而加放暑假會做啲咩?仲會唔會睇卡通?」我瞄到他於桌子上放置寵物小精靈的筆袋,雖然它早就改了名字,可我絕不會承認!
凌晉質疑道:「咩卡通啊?而加都係打機咋喎,唔睇卡通㗎啦。」
......已經開始有代溝了。
我尷尬地打圓場:「哈哈哈哈,係咩,我都有打開機。」
此時,我注意到旁邊的鄭佩欣同學欲言又止,不敢直視我。
故此,我主動問她:「佩欣,你係咪有嘢想講?」
她戰戰兢兢地抬頭望着我:「你、你叫我?」
我微笑:「係啊,你唔係有嘢想講咩?定係我叫錯咗?」
她緩緩開口道:「其實我數學一直都好差,頭先你講嘅我已經唔係好明,我怕之後會跟唔到......」
「唔洗擔心,我頭先講嘅都只係簡單介紹下今個學期會教嘅嘢,如果你遲啲有唔識嘅話,記得要舉手問我。同埋我上堂教會教慢啲。」
「好......」她害羞地低下頭來。
「你哋再慢慢休息,我去睇下其他同學仔先。」暫時我得知佩欣的數學能力一般,而凌晉則表示如今的讀書心態較懶散。
如是者,我分別與其他同學溝通過,雖然他們比較害羞,但幸好沒有抗拒我,願意說出心底話。
他們大多都認為我所說的語氣節奏可以拿捏得好點,趣味性方面較低,使他們無法投入。
了解到他們想法之後,我嘗試作出調整,語氣改為生動活潑,不像正常老師般的正經嚴肅,變成貼地及幽默的老師。
經調整後,班內的氣氛有着一百八十度的變化,從剛才的無聊沒趣,轉變成投入及充滿樂趣的課室。
不知不覺間,兩課節的時間眨眼過去。
我回到課室時,坐我對面的李程明老師好奇問道:「點啊點啊?第一次教書有咩感受?」
「幾好啊,佢哋都好投入上堂,而且都幾聽話易教。」
「但你lunch之後好似要去最難搞嘅B班?你搞唔搞得掂㗎?」B班?我剛才所去的為A班,所以都沒有注意其他班房。
「B班有咩事?」我帶點不安地問。
「B班基本上係F1入面最差最壞嘅學生,雖然我哋算係師生質素唔錯嘅中學,但始終都會有一班又麻煩又難搞嘅學生。
一陣就......祝你好運。」說罷,她就再次專注於工作之上。
「好......」被她這樣一說,使我剛才建立的自信心都擊潰,但我仍相信自己有能力應對。
接着,我亦到中二的其他班別進行教學,有了首次的經驗及改善過後,學生們的反應都不錯。
如今,我就只剩下最後一個課堂,那就是B班。
在這之前,我們就先享有一小時的午餐時段。
而我回到教員室之時,坐我附近的同學仍未歸來,到底他們已經外出吃飯,還是未下課呢?我應否要求加入他們呢?或是嘗試加入其他圈子?
A、等待及加入他們
B、加入年紀與自己相似的圈子
C、加入數學科的圈子
D、加入中文科的圈子
E、自己一人吃飯