後傳
成功求婚後的一段時間,我和Janice都在籌備婚禮的安排,我倆都忙得不可開交。
為了讓親朋戚友見證彼此的愛情,我們都邀請好友前來,其當然包括於奧克蘭認識的Cathy 及James。
正當我向Janice提出邀請Cathy來港的提議時,她卻對我說:「佢前排嚟咗香港啦,我哋有見面,佢仲送咗本書比我。」
她又接着說:「係喎,前排太忙唔記得話比你知添,原來佢靜雞雞咁寫咗本畫,叫zoom lesson,最近仲出埋書。
好得意㗎,我一口氣就睇曬。」
Zoom lesson......?難道她把我所敘述的經歷當作故事去描寫出來?
「講咩㗎?」我問道。
「自己睇先正,我放咗喺袋入面,未得閒拎出嚟。」聽罷,我把書本從袋子取出,並且馬上翻閱。
當中大概的內容都有八、九成相似,包括遇上小丑講師的點滴,某部分她則加上自己見解,以及為我變成樹力的角色增添獨白。
「你搞掂未?一陣要去試婚紗。」說過了,我倆的時間都快要因結婚事宜而被搾乾。
「Okok,而加嚟。」我只好放下書本。
前往婚紗店途中,恰好有一對男男情侶在我倆面前手拖手地走着。
Janice突然向我問道:「如果我哋9月13號結婚,你會唔會唔想?」
「無所謂啊,但你唔係話要睇吉日嗰啲?」我不解她為何會這樣問道。
「問下姐~唔知佢哋而點樣呢?仲會唔會勇敢去面對其他人嘅眼光,勇敢去做真正嘅自己。」
「你講咩?講緊邊個?」我完全摸不着頭腦。
「無啊,突然諗起啲嘢姐。不過話時話,你幾時對同性戀唔反感?」
「吓?無、無啊,我無反感。你做咩咁問?」
「見到前面有對Gay couple,所以好奇問下姐。」
奇怪,我未曾向她講過自己對同性戀反感,她又怎會知道?難道是我遺忘了?
......難道是那本書?她知道Cathy從我的夢境取材?
或是,她仍有着Zoom lesson的記憶?
不會吧......
「你做咩發夢?我哋就遲到,行快幾步啦。」Janice 催促道。
「哦......」
到達目的地後,我也慢慢把此事淡忘,沒有再深究下去。
待我倆處理好一切,準備回家時,卻發現一個神秘的郵寄包裹,對方沒有寫下自己的名字及任何回郵地址,只顯示其寄出地點為美國。
「我無識朋友喺美國喎。」Janice說道。
「我都無......」
那到底是誰把包裹寄給我們?
「開唔開好?」她緊張地說。
「開嚟睇下......」
其後,我倆小心翼翼地打開包裹,生怕內裏會有甚麼危險物品。
怎料,那只是精美的禮盒,內有一支歷史悠久的紅酒,以及一套酒杯。
禮盒的正中央更有一張卡,其寫上祝新婚快樂、白頭到老的字句,唯獨字體皆為電腦打印,故此無法推斷出為何人。
「睇嚟佢識我哋喎,但點解唔寫名咁神秘?」Janice同樣感到迷惘。
「我都唔知,但既然送得比我哋,應該無事嘅。」
然而,我有件事沒有對Janice坦誠。
只因這牌子及此年份的紅酒,都是我前陣子在網上搜尋,但由於價錢過於昂貴的緣故,我才忍痛放棄。
那麼,
到底是誰呢?