［互動故］［打鐘放學］《Zoom lesson》 (4)

C

C

B

c

C

C啦

C

C

既然沒甚麼好幹，那就犧牲自己去跟兩老對話。

「點啊，今日有人服侍你，開心啦？」我對媽媽說。

「車，我夠服侍咗你二十幾年，你開唔開心？我唔煮嘅話，點知會唔會餓死你同你阿爸？」她不屑道。

我本想狠狠地反擊，可Janice要求要使媽媽高興，故此我只好温柔道：「唔會餓死，我之前學識咗煮嘢食，所以唔會有事。」

「咩話？幾時嘅事嚟？點解你會學識？」她顯得非常驚訝，也對，我一直都沒有將此事告知她。

「之前去外國嗰時學，學你咁講，唔識煮就會餓死㗎嘛，加上Janice間中都會煮嘢比我食，我想自己都可以煮翻比佢。」

「你......真係有咁鐘意佢？」她懷疑。

「唔鐘意就唔會對六年咁耐啦，我仲想同佢一生一世，所以你唔好再叫我分手，我愛嘅人就只有佢一個。」我認真道。

「我知道啦。」這次，她居然沒有發脾氣，或是反駁我。

「你真係明？」我重複問一次。

「得㗎啦，我以後都唔會再迫你。係呢佢叫......Joyce？」

「佢叫Janice.......」未等我說完，她突然朝着廚房的方向走去，「你去廚房做咩？」我着急地問，「我想去斟杯水。」

「我幫你啦，唔好行嚟行去啦。」為免她阻礙Janice，我決意主動請孆。

「你幫我？」媽媽似乎不敢相信，「係啊，有咩問題？」我反問，「哦......」

說罷，我就趁此機會到廚房，順道查看Janice的情況，她表示自己起初未算是熟悉廚房的一切，但現時經已越煮越起勁，相信很快就能完成。

「加油！」我鼓勵她。

果然不消一會，Janice就表示可以開飯，我連忙為她準備好碗筷，並且取出飯餸，「食得啦！」我於客廳正中央通知全家人。

爸爸慢條斯理地從露台走進來，看樣子，他應是把香煙當成飯前小食，這總是戒不成煙的廢物。

「食夠煙啦？洗乜食飯。」我諷刺他，而他則無視我坐下：「賣相都唔錯喎。」媽媽卻毫無表示，只安靜地坐在一起。

「我今次特登整健康啲，少油少鹽，希望你哋鐘意。」Janice介紹，「你整嘅一定會鐘意，廢話少講，都係快啲食！」

然後，我們所有人就動筷品嚐Janice的菜餚，說實話，味道可稱接近餐廳的水平，可是......好像差點甚麼。

「你知唔知我個仔鐘意食咩？」媽媽突然開腔。

「呃......通常我哋出去都係食西式、越式，泰國嘢嗰啲，好少食煮家飯。」Janice有點不知所措，我隨即為她解話：「Janice煮嘅嘢我都鐘意食！」可Janice馬上以眼神示意我住口。

媽媽逕自說：「雖然啲嘢食唔錯，又幾健康，但少咗一樣嘢。」

「有咩？我覺得幾好食。」這次換爸爸插嘴，媽媽隨即以眼神怒瞪他。

Janice如學生般問道：「差咗啲咩？」

「屋企嘅味道。」的確好像是......有時在外吃太多味精等食物，確實會有點厭倦。

「不過你第一次煮已經算好，得閒同個衰仔上嚟，等我教下你。」媽媽温柔道。

「一定會！」

晚飯完結後，我就被迫分配為洗碗，而她們兩個則在客廳竊竊私語，似乎非常投契，可惜我無法加入。

當我處理好碗碟時，時間經已為十時多，Janice亦差不多要回家。在媽媽的催促下，我就把她送回家。

「頭先你哋講咗啲咩？」我好奇道。

「講你壞話。」

「車，我咁完美，點會有缺點。」

「係啦，不過我哋同居一排都要翻下屋企，我會掛住佢哋，你都翻下啦～」

「到時先算。」我不太在乎他們。

「始終都係屋企人。

「Okok，唔好講佢哋啦，我哋遲啲新屋見！」一想到快要開始同居生活，心情就馬上雀躍起來。

「一講你就咁。

好啦，遲下再見。」

回家以後，我發現媽媽默默地為我收拾好一切，我以往去海外交流，她都不曾為我打點。如今居然如此主動？

「我幫你執好咗七、八成，你得閒就同Janice上嚟食個飯啦，你鐘意食嘅炒白菜仔、滷水雞翼、蒸水蛋，仲有其他你平時食開嘅餸我都教咗佢點煮。

總之有咩事嘅，隨時翻屋企，幾時都會有飯食。」語畢，她就返回房間。

原來，媽媽一直都有牢記我喜愛的餸菜，昔日的我還以為她厭麻煩，懶得想出新的菜式，現在我才知道她的真正想法。

她這番說話，難道是害怕我不再回來嗎？

「我兩星期後先走，咁急做咩？想趕我走？我得閒就一定會翻嚟啦，唔洗旨意掟曬我啲玩具。」

「你話㗎，你唔翻嚟嘅，我會掟曬佢。」她回話。

「好。」 雖然我不太喜歡他們，但.....至少他們曾照顧我好一段時間，就當是回來吃免費晚餐吧。

//

這天就是新居入伙的大日子，我和Janice早就組裝好一切，現時就差我們入伙。

「而加......做咩好？感覺好唔真實，好似去咗Party room咁。」Janice說。

「做翻你平時屋企會做嘅嘢。」

說罷，Janice隨意地躺臥在梳化上看手機：「呢個係平時會做嘅嘢。」

我走上前，並且讓她的頭睡在我大腿上：「呢件事，將會係我日後會做嘅嘢。」

休息過後，我們準備分配日常工作，包括打掃、洗碗、洗衣、煮食及購買日常用品等雜務。

「到底一人負責一樣好啲，定係輪流？例如隔日買餸咁。」

而且，花費同樣為問題，我們購買時應各自出錢、平分，或是共同建立一個類似基金的東西，日後所有開資就於哪裏花錢？

家務分配方法：

A、各自分配
B、輪流負責

開資來源：

A、誰負責就誰付錢
B、平分
C、基金

今次係獨立問題
答嘅時候以 1.A 2.B嘅形式就可以

1B 2C

1A2C

1B 2C

1A2C

1A 2A

1b 2c

1b 2c

1a 2c

1B 2C

「我覺得輪流負責會好啲，大家可以輪流做，至於洗費嗰度就整個類似基金嘅嘢，得閒放啲錢入去，然後有嘢買就喺基金拎？」我表達自己意見。

「好啊，就聽你講。我放一千入去先，之後唔夠再加。」

「一千咁多？」我本想注入五百多而已，視乎情況再遞增或減。

「無話多唔多嘅，屋企係大家㗎嘛。

加上而加物價比較貴，而且多咗嘅就留返下次，積少成多，反正最後都係我哋用。」

「你又啱，咁我放一千。」

「咁家務嗰度，我哋就隔日做？例如星期一三五你負責洗碗同清潔，二四六就我煮嘢食買餸？星期日就洗衫，可能出去食咁，我暫時得呢個Idea。」Janice 問道。

「掂曬，就照你咁講。咁聽日就由你去買餸？」

幸運地，彼此很快就達成共識，沒有太多的分歧。雖說已經有與Janice同居短時間的經驗，但我仍擔心會跟她會有生活習慣的衝突。

「咁今日星期日，我哋出去食？」她疑惑。

「我哋第一日喺度住，不如一齊煮嘢食？」我建議。

「好啊，咁我就煮你最鐘意食嘅白菜仔。」

「咁你鐘意食咩？」我反問。

「我鐘意食菜心。」我現時才得知她最喜愛的蔬菜為菜心。

同居賦予我們的，不僅是測試自己跟對方能否於日常生活磨合，以及更加了解對方的真實生活。

現在，就讓我們真正地了解對方，互相展出最真實的自己。

「咁我哋兩樣都買！」

晚餐過後，我們都懶洋洋地坐在床上看Netflix ，既享受追劇的樂趣，更享受彼此生活在一起的每分每秒。

「今晚要早少少訓，聽朝要坐車翻工。」她對我說，「係喎，而加搬遠咗，好啦唯有係咁。」

「啊，未訓得住，差啲嘢。」難道她想......？

接着，她從背包拿出一本簿，簿上更有鎖上扣，就像小時候的日記。

「日記？」我好奇它的作用。

「啱一半，係夢日記嚟㗎，我會有記夢習慣，每朝訓醒就會寫，你唔準偷睇㗎。」有必要這樣神秘嗎？

「okok，夢咋嘛，我點會想睇。」

未幾，我倆就雙雙入睡。

天光之時，Janice 果真在埋頭苦幹地書寫夢境的內容，不過由於我們新搬家，故此出門時都比較匆忙，甚麼都不理會就趕上巴士。

直至我回到家中，才發現Janice 的夢日記沒有上鎖，加上這天她負責購買食材，所以回家時間會較晚。

要否趁着這空檔來偷看幾眼呢？為否她要如此神秘？到底有甚麼秘密？

A、偷看
B、打消想法

B

B

B