［互動故］［打鐘放學］《Zoom lesson》 (4)

B

B

B

C

B

B

B

B

雖然我明白她的用意，但這可是我長久以來的生活習慣，並不能一時三刻改變，故此，我決定執拾放置在客廳內的雜物，把其地點改變至書房。

「你擺去書房小心啲，因為我放咗水晶喺自己枱，一推就好易推曬落地。」她向我提點道。

「放心，唔會搞到你啲水晶鏈。」就這樣，我們算是達成共識，每人都願意各自退一步去遷就對方。

也許我們曾有旅行同住的經歷，所以暫時都能相處得到，而且亦有遷就彼此的生活習慣，一同付出及打理家務。

再者，我也開始習慣有Janice陪伴的日子，由於每天見面的緣故，所以我們都甚少以手機傳訊息，直接就能面對面對話。

日子久了，漸漸就產生一種親人感覺，既不能失去她，但情侶的痴纏感覺慢慢磨滅。

這是否代表着，我們應該結婚呢？

但......同居的日子基本上與結婚後的生活無太多的分別，這樣的話，彼此還有結婚的必要性嗎？

以往有着這想法的原因為，想要每天與她在一起，然而同居都能達成此條件，那我都無需如此着急吧？

更何況，結婚需要處理太多麻煩事情，要不就持續同居罷了？

不過，這只是我個人的想法，也許Janice會有其他見解，讓我先問問她對彼此同居的感想。

「我哋同居咗大概一個月，你覺得點？」我問道。

「唔......都幾開心，但因為我係一個鐘意整齊，所以一開始會覺得你有啲求其同污糟，但同居就係要互相遷就，始終無可能大家嘅生活習慣會一樣。加上同你講完之後都有改善，咁已經好好，無咩好怨。

如果真係要批評嘅，就係你訓覺啲鼻鼾聲有啲嘈，同埋洗碟洗得唔太乾淨，但我都明嘅，始終你做嘢攰。」

雖然Janice間中會有脾氣，但她果然善解人意，值得我寵愛。

「真係嘈咩？我仲以為自己係睡王子添。至於洗碗嗰度......我下次會注意。」

「慢慢啦，而加先住咗一個月，做咩突然間問嘅？」

要怎樣開口好呢？直接了當地問她有沒有結婚的想法？這好像有點突兀，或是問她會否在意結婚的名份？

要如何去問呢？

A、「你想唔想同我結婚？」
B、「你點睇同居而唔結婚？」
C、「我哋一齊咗咁多年，你有冇咩諗法？」

C

B

C

C

C

B

A啦屌

C

A 好似急左少少
問左C會好D

C

想問下進度

進度應該10篇以內就完

ABC 都簡唔落手 btw 要簡 就C

C

「我哋一齊咗咁多年，你有冇咩諗法？」我決意直接了解她的意見，不再自行猜度，相信她都跟我一樣，有着長相廝守的想法吧？

「吓？呃，其實同得居都係得嗰個答案姐......你唔係要我講啊？」她意指結婚嗎？

「咁我又唔係你肚裏面條蟲，可能會估錯㗎嘛。」

「又係，我哋都好似無認真討論過將來。」

Janice緊接着說：「我哋咩都一齊做過，而加又同居緊，其實過多幾年之後......都可以差唔多結婚？」

「你真係覺得我可以？」雖然自己早就有着與Janice結婚的打算，然而直到她認定我的那一𣊬間，我卻開始質疑自己的能力。

「除咗你之外，仲有其他人可以取替咩？」她的眼神非常堅定，像是早就下定決心一樣。

向來自信的我，竟無故慌張起來：「但......但係我哋啱啱先出嚟做嘢，而且我份人有時又會鐘意搞gag，好似唔係好認真咁，你真係覺得我Ok？你唔怕？」

我害怕自己未夠資格成為她的終身伴侶，我擔憂自己未能給予她安穩的未來，我自覺自己仍有很多的不足。

「你冷靜啲先，又唔係即刻話結，定係......你唔想同我結婚？」

「我想！我由幾年前開始已經想，想永遠同你喺埋一齊，一開眼就見到你，但係我怕......我比唔到幸福嘅生活你，會因為自己嘅幼稚而令大家唔開心。」難道我患上婚前恐懼症？

她握着我的手安慰道：「唔會比唔到㗎，我想要嘅生活就係你，你就係我嘅幸福，有唔開心就一齊去面對，有咩唔開心就講出嚟，我哋呢幾年唔係咁樣過咩？」

「但錢方面......」說到底，錢才是我最擔心的問題，愛情或麵包之間可是要取得平衡才行。

「錢解決到嘅問題就唔係問題啦？我哋呢幾年努力啲就得，再唔得咪等到得為止，反正我又唔趕結婚，最怕你唔要我姐。而加知道大家諗咩就得。」她微笑道。

得知她的想法後，我有種安心的感覺，不再對彼此的未來感到迷惘。

不過，既然她有着結婚的想法，那就當然越早越好，總覺得以情侶關係同居太長時間的話，彼此就會失去結婚的想法，一直以同居的形式生活。

故此，我向她問道：「你想幾時結婚？」

「理想就兩三年到？我哋而家先同居一陣，想用情侶身份再相處耐啲先，而且事業上都想Chur下自己。」兩至三年亦是合理的時間，相信沒太大問題，只怕屆時未有足夠的經濟能力。

Janice補充道：「就算唔得都唔緊要，總之三十歲前就Ok，同埋我都會一齊掙錢，唔會要你一個負擔曬嘅。」

「嗯，我會盡力。」即使Janice 表示三十歲前結婚亦可，但我都希望可以在兩、三年內結婚。

由此，這就成為我目標之一。

休息及同居兩個月後，開學的日子再次來臨，彼此的工作再次忙碌起來，而為了我和Janice的將來，我都全程投入地工作。

同時遺憾地，我未能於新學年教導昔日的A及B班同學，希望日後能夠再次教導他們吧。

接着下來的日子都平平無奇，更平穩地渡過了大半年，然而，昔日經常向我請教數學的佩欣同學卻在某天的下午來找我，難得她想念我了？

「你又會突然嚟揾我嘅？係咪掛住我教書呢？」我親切問道。

「唔係。」我不喜歡誠實的孩子。

「呃，咁你揾我做咩？」

「我有朋友要揾你求救！」又是數學問題嗎？

她慢慢把事情的來龍去脈告訴我：「自從你教完我之後，我間中都會同其他同學傾拍拖嘅事，但係，我其中一個同學竟然話......」她說到一半卻停頓下來。

「做咩唔講埋落去？」我正聽得入神。

「呢度太多老師，行遠啲先。」

然後，我們到達自修室討論。

她繼續說：「佢話最近有個老師開始追佢，對佢又好、又會成日幫佢温習，成績真係進步咗唔少，但佢自己只係對對方係數學老師，一啲都唔鐘意佢。

不過佢唔敢拒絕對方，怕對方會針對，唔會再幫佢温習，而且撇除呢啲因素嘅話，個老師真係教得好同埋有料。

雖然佢好困擾，但一直都隻眼開隻眼閉，諗住唔理就算，點知個阿Sir竟然借啲嘢掂佢隻腳，仲想摸佢！

佢嚇到即刻翻屋企，驚到喊又唔知點算，係我問佢先肯講翻件事。

全間學校我淨係信你一個，我哋而家應該點做好？」

這......這可算是非常嚴重的指控，教員室內居然有着這種人？我更與對方共處一室？

「邊個嚟！你快啲開名。」我氣忿道。

然而，當她說出名字的一𣊬間，我整個人都愣住了。

「鄧Sir。」她回應。

「鄧......鄧Sir？你係話鄧廣祥老師？」

「嗯，就係佢。」

不會吧？他可算是我的主管，我的表現及升遷都會因他而受影響，這可不行......

「或者我揾其他老師？」

「唔得！佢唔想比其他人知，係因為我信你，所以先會話比你聽，得你可以幫我哋！」佩欣堅決地說。

怎麼辦呢？我應該幫還是拒絕呢？我還是賺錢結婚呢......

A、幫
B、拒絕

A
連登見

A，善用連登