靠玩poker賺過百萬 你問我答

華哥都已經比人拉左

空穴來風

路過想問下點睇gto?

Game Theory Optimal? 我自己覺得佢係新派poker嘅基本功，有啲似而家功夫個個都要學巴柔。如果仲係想靠打啤搵食就算唔用都應該了解吓。我最近都係睇Master Class上面Daniel N開班聽佢講過。不過以我自己經驗個人感覺呢啲技術/概率/分析用嚟打tournament有用過cash game好多（尤其係super high stake)。起碼跟住呢啲招數唔係話你一定入到Final table，不過其實入到錢圈都已經叫有賺。

我都想學

巴打係賭界英雄。
唔係個個沉得住氣, 至少我做唔到

想請問點解7 Q，8 K都唔俾錢睇下牌？
就係因為無A直接放棄呢一局?
原來你揸住以上是但一pair牌型，你small blind又會唔會繼續去呢?

其實冇話一定唔得，你鍾意2-7off suit都可以all in，因為poker技術去到最尾根本唔係打牌，係睇人打。

但正路來講要睇你打幾人局，如果隻揪heads-up，7Q 8K同花呢啲牌係可以去睇吓，操作吓。但如果9人桌而又成日用呢啲牌入局，好容易bleed死，買到花又唔係nut flush，買蛇好大機會要Runner runner，中pair又有機會輸kicker，會令到自己好尷尬，不如一早fold解決呢個問題。

明白，學到嘢了
因為其實我只不過玩過幾次
近幾次都係同朋友小賭怡情打下衛生牌，人數約６人左右
然後呢幾次全部都贏最多嗰個 贏多幾百咁（本都係幾百）
但我諗我地好新手啦，個個揸親牌個風氣都一定會俾chip睇頭三張牌
但我尋日九成時間都係揸2﹑5﹑7個啲垃圾牌（有五至六局直頭揸2﹑3，我直接放棄）
揸單支公仔（講緊j同q我都想跟）我已經心雄咁，覺得自己想好好學嘢玩上去，可能要調一調整心態

我自己就唔算係高手，不過呢啲新手family friends friendly 局因為玩家大多數都會flat call，好少preflop 2 3 4bets，你用2-5, 5-7, 8-10, 3-7,呢啲牌call會好過 公仔加單數牌。一來你call/pot 賠率夠（假設有三四家都call），二來如果air或者開出嚟好唔關你事你可以好爽手fold，中牌人哋又未必信覺得你偷雞。

好簡單
去玩online poker玩微額poker
少少玩幾萬鋪睇下自己係咪盈利玩家咪知

都係推薦用N8

樓主，我從你個賭場十年Post開始追到而家，見你最新係呢個Post，有啲題外話想問你。

1）百家樂真係冇路可以睇？但你又話見長庄/長閒就過三關，咁係咪代表長庄同長閒已經係一條路呢？

2）你話最好速戰速決，假設我有$100，直接100-> 200 -> 400 走人？

3）如上題，如果我第一口/第二口/第三口就輸呢？咁又reset返 $100-> $200 -> $400?

4) 我知道長賭必輸呢個原理，咁我贏咗三關之後，應該隔幾耐再戰賭場呢？

謝謝回答🙏🏻🙏🏻🙏🏻

1) 無路的，過三關嘅意思其實係以小博大，而唔係啲人賭纜以大博小。長莊長閒純粹比較容易啲，根據個人喜好你都可以單跳一莊一閒，啪啪痴2莊2閒。

2）係如果你嘅目標係$400。當你有$100可以玩，一鋪過嘅贏面絕對係好過分開10,000鋪玩，假設沒有最低投注。

3）唔係，你呢一種叫做賭纜，以大博小，多多身家都唔夠你輸。如果賭場沒有最高投注額，你呢個方法係贏緊，可惜賭場有限額同埋賭仔唔可能係無限金錢。

4）正常來講應該以後都唔好賭，唔輸就係贏！全職賭徒今時今日我估只可以喺啤牌poker/鋤大D/鬥地主，麻雀甚至捉棋呢啲against其他玩家嘅遊戲先有可能生存到。賭場嗰啲table game其實唔使諗，全部都係負EV。

第三個問題我唔係指用負追法，而係如果過三關入面斷咗一關應該點做。
例如我 100（贏）-> 200 (贏）-> 400 (輸），斷一關即刻走人？

呢個要睇你準備嘅本錢同埋心裏預算嘅回報。 $100本想贏$100，呢個最簡單嘅例子就係一鋪過贏輸都走。例如你有$1000本想贏$200-400，用$100過關例子講就係斷一關就reset，直到達到目標或者輸晒為止。

以前澳門最風光最好景嘅時候我玩百家樂因為有差唔多2%碼糧回佣+積分+餐飲房間等優惠。我都會賭下樓梯纜kill time。

多謝樓主，btw 而家你過成點
之前話學哲學進修

依家同啲朋友仔搞咗個網店賣A5和牛，如果親戚朋友有興趣遲啲可以支持下。 叫和牛學院。唔知呢度咁樣賣廣告法會唔會俾Admin ban

想問下巴打 假設200-300bb stack
其實拎住99-jj 3bet完比人4bet
如果oop既話係咪偏向fold多？而ip就call多d？
成日拎住呢類牌打4bet pot都唔知點做好
如果唔中set就好辛苦