點睇每個人所謂既賭運
會唔會有人天生係賭方面係好彩啲, 所以佢贏既錢in average 多左? 假設技術一樣
賭一次半次,一鋪兩鋪,我咁講賭運佔70%,當然有啲人天生係好彩啲例如21點入面攞20點,再hit隻煙士我都見過。(飲醉左)但你要將賭博/撲克變成興趣甚至工作,我覺得運氣佔30%,技術含量20%,心態佔50%。好似我上面講過,你成日都會見到有啲人一開始好好彩連贏十幾鋪,但係承受唔到連輸兩三鋪嘅壓力,最後一鋪輸晒。運氣來講佢哋係贏10鋪,輸五鋪絕對好運架,但結果卻是total loss。
咁應該點判定自己天生算唔算有賭運 (即係你所指既天生好彩啲)
如果知自己無咩賭運係咪唔應該從事同賭有關既行業?
偏財運呢啲嘢睇吓你由細到大抽奬有冇中奬啊,買馬買ball買六合彩有冇收穫。
至於有冇賭運同撈賭冇乜直接關係嘅,例如賭場派牌(澳門人only)同admin Office work/ Marketing 你都唔需要真係落場賭。