（青春／甜）《一個書生既Player故事》

957 回覆

437 Like 13 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁

花小姐 2017-02-16 21:31:34

多謝各位對小妹上一個故既支持。。。

比想像中多人睇呢件事令我受寵若驚。。。

未睇過上一集既你，記得睇左佢先呀，呢個前傳係為左俾各位瞭解書生呢個角色而寫既。

（連登附上巴絲精彩留言：https://lihkg.com/thread/33005/page/1）

（紙言刷數據：https://www.shikoto.com/i/Ejg）

今次個故同上一個故風格唔同。

用書生第一身角度，記載住佢既童年。

節奏會相對慢好多、情節都偏平淡，甜既部份好後好遲先會出現。

如果只係想睇甜故，呢個故就唔岩你啦。

另外，有個好消息係，為左增加書生既能力值，我決定增加佢既身高去到180。

廢話唔多講。。去文啦。。

花小姐 2017-02-16 21:32:42

序

『你呀，小心D唔好俾佢個靚仔樣呃到呀！痴埋佢度，因住渣都無得淨呀。』

『正一賤人，我未見過D男人好似你咁仆街嫁。』

『咁耐以黎，你對我真係一D感覺都無？你當我係咩？玩具呀？鐘意就搵我搞野，唔鐘意就掉底我。你係咪冷血嫁？』

『如果日日都可以俾你扑就好喇，你真係好正。』

人人都話我係一個Player，扑過幾多條女基本上係一個謎。

唔。。。連我都數唔出到底自己扑過幾條女。。。

如果用一個人扑女數量黎judge佢為人，真係好膚淺。。。

你真係以為自己好了解我咩？

好，咁你講下你有幾了解我？

生得高？個樣斯斯文文文成個書生咁？屋企有d錢？食女王？

就憑你對我片面的認識？

你確認你所見到既，就係我既全部嗎？

世人都係好膚淺，佢地只會相信用眼睇到最表面果一層既野。

但事實係，好似小王子所講：

「最重要的東西只用眼睛是看不見的。」

所以，唔好再神化我。

我只係一個普通人。

普通到無得再普通既人。

用心感受下我係一個點樣既人。

我就係林書生。

花小姐 2017-02-16 21:33:38

『那時的我還不懂什麼是愛情。』

我比而家既小朋友幸運，我有一個正常既童年，無被父母迫瘋狂補習學野，日日放學返屋企睇下數碼暴龍、柯南，Hea做下功課咁又一日。上堂串下Miss，落堂就同班男仔玩下爆菊、猴子偷桃。小學唔睇AV，都唔會特別諗拍拖，係一個真‧Pure既年紀。

最初對「鐘意」呢樣野有認知，係o係我小學六年級既上學期。

咁耐既事要我講返起，真係好考驗我既記憶力。

時間返到去小六既開學日。

我一直都唔係用功讀書，靠小聰明考試過骨就算，得過且過既類型。

上個學期負負碌碌成功係全級180人入面考到第35名。

以全班最後一名既姿態碌左入精英班。而由廢班升到精英班既我，基本上大部份同學都唔識。

六年級要行六層樓梯，啊，諗起以後每次上去都要行到氣喘喘咁，好討厭。

係熟悉又陌生既課室入面，我遇到一位可愛既女同學，佢皮膚白皙，留住中長既黑色頭髮，扎起兩條孖辮仔，俾人感覺好似隻白兔仔咁乖巧，用清純黎形容就最貼切不過。

「哈佬，你係咪10號呀？」呢個女仔問我。

「係呀。」我好似個傻仔咁戅居居咁答佢。

「我學號係9號呀，我叫林敏兒，你都可以叫我Sally嫁！」說罷，佢就坐左響我前面個位。

其實你數下個座位咪知坐邊，唔洗特登問我囉。蠢。

「我叫林書生。」我禮貌地答佢。

林敏兒，我心入面重覆默念呢個女仔既名。

其實，正話係操場排隊集會既時候我已經不停望實呢個女仔。

第一次見到佢果陣，個心呯一聲好大力咁跳左一下。。。

唔係，係好多個一下。。。

我眼睛好似唔能夠係佢身上移開。。。

只能說我好想認識下呢個女仔。

班主任Miss Chan：「你地男左女右跟高矮企啦。」

係未認識晒全班同學既時候，跟高矮調位就係最好既方法。

全班同學開始好嘈吵咁移動，有講有笑。Friend既人三五成群咁走埋一堆，你地班人真係好唔誠實囉！有D男仔會特登吉高對腳扮高，希望可以坐到後排一D既有利揸流攤既位置。

林敏兒生得好矮，幾乎係全班最矮果幾個。

好彩我生得唔高，同佢坐既機會又大左一步。我呢個誠實既孩子一定要跟返我既實際高度去排呢條隊，好樣衰咁企返係頭幾個度。

「林敏兒，你坐老師枱前面果個位啦。」好衰唔衰，係要掉係老師枱前面既。睇佢個乖女樣，Miss Chan調佢係度，功能似係用黎邪住D問題學生。

「第三果個。。。林。。。呀林書生，你坐最左果邊第二排啦。」大獲啦！我同林敏兒既距離又遠左！

點算好呀。望一望格離個短髮女仔，唉，我真係好想坐係佢格離。

「同學A、同學B你地林書生後面啦。。。」佢地就黎左我後面。

我靈機一動，另轉面大大聲咁撩後面兩條友講野：「哈佬，我叫林書生呀。舊年係5B班嫁，你地都係5A升上黎？」

「係。。係呀。。。」男同學A個表情好無奈咁。

「Miss Chan望實你啦。你快D望返去前面啦。」女同學B好怕醜咁講。

我仲拎住張紙巾擅自出位去掉垃圾，今次Miss Chan實忍唔住掉走我啦掛。

我一路R水吹到完場，終於，Miss Chan就將我鎖定做左班上既麻煩份子。

如我所願，我被Miss Chan掉左去林敏兒格離。

我同林敏兒既故事就係我刻意安排下開始左。

呢個人，成為左我小學生涯既重要記憶。

基本上，係我小學有限既記憶入面，記得既所有野都係關於林敏兒。

倚霸天莫敵 2017-02-16 21:38:16