(青春/甜)《一個書生既Player故事》

957 回覆
437 Like 13 Dislike
2017-03-11 00:37:45
Player格現形啦開始
2017-03-11 19:00:38
2017-03-11 20:19:02
唔知第一個係王家欣定敏敏呢
2017-03-11 20:53:32
唔知第一個係王家欣定敏敏呢

我覺得係王家欣
2017-03-11 22:30:24
呢個書生好pure好true
2017-03-12 22:28:49
2017-03-13 07:58:38
2017-03-13 21:20:24
推推推
2017-03-14 00:25:26
2017-03-14 00:55:07
2017-03-14 10:59:38
冇文
2017-03-14 13:48:01
快啲同王家欣扑野
2017-03-14 14:02:10
文呢
2017-03-14 16:35:34
push
2017-03-14 19:52:23
lm
2017-03-14 21:31:10
有日上上下堂,王家欣無端端係枱底拎左包蛇仔糖出黎,向我打左個眼色。

「唔好玩啦。認真d上堂啦。」我同王家欣講,老細有時你都幾煩。

「一齊食啦。自己食邊好玩嫁。」佢講完就塞左舊糖係我手度。

「我地等Miss一另轉頭係黑板寫野果陣就一齊放入口!」王家欣好興奮咁講,搞到我都心郁郁覺得幾好玩。

等到蚊都訓,Miss講左成五分鐘先另轉頭。

我同王家欣即刻掉粒糖入口,極速o趙完吞落肚。

我地一路食,一路對望,瘋狂忍笑。



上堂偷食呢件事實在太好玩。

「我地挑機食晒成包佢!」王家欣提議。

「哈哈。好呀。」我鐘意向難度挑戰。

其實我地笑得有D大聲好張揚,我諗後面D同學都見到晒,一齊食我地花生。



果然,Miss Chan一另轉頭就叫我地:「林書生、王家欣,你地嘈夠未?」

而我即刻坐得端正,笑笑口咁話:「無嘈呀。我地好靜嫁。」

王家欣碌大對眼係咁點頭。個情景超好笑。

「你兩個同我擘大口!」哎呀!俾佢發現左我地偷食糖!

我微微張開個口。

「再擘大D!」我唯有死死地氣擘大口,俾Miss驗下係我口腔入面果粒糖。

王家欣係側面極速o趙粒糖舌落肚,口入面好乾淨,不過你以為眼利既Miss會睇唔到放過你咩?少年,你太年輕了。

Btw,「你兩個同我擘大口!」「再擘大D!」呢兩句對白大個左聽返既話,都幾香艷。。。

「其他同學咁認真上堂,你兩個同我係度食糖!林書生,一調走你就曳返啦。你兩個同我罰抄中文默書範圍五十次。」Miss Chan話。果然,本性都係難移,再勤力既林書生本性都係好動活潑,無論邊個都改變唔到我。

講完之後我同王家欣頓時放鬆晒。罰抄姐,好輕鬆,仲可以溫埋下次默書,一舉兩得。



我同王家欣都留低左,諗住抄晒果50句先走。而林敏兒就同何諾軒係度等我地放學。

林敏兒一臉不悅,好似老師咁加多把嘴:「做乜上堂食糖咁曳嫁你,搞到俾人罰抄,係咪呢。」

「唔食都食左。咁可以點呢。」我問林敏兒。

「可能人地好鐘意罰抄呢。」何諾軒係度單單打打。

「唔緊要啦,咪當溫下默書。我地好快就抄完嫁啦,你地等多陣丫。」王家欣一路抄一路講。

「啊!!!!!!!!!!仲有五句咋屌!!!!!!!!!」

「最後一句啦!!!!!!!」王家欣大叫。

「搞掂!!!!」我大叫。「Yes!!!!我快過你!!!」

「咩呀!!!!明明就係我先過你嫁!!!」王家欣好大聲咁講。

「而家大聲就係嫁啦?你地評下理。」我話。

「好似同時寫完。」林敏兒打完場。

「唔係喎,我覺得王家欣寫得快少少。」何諾軒條粉腸話,都唔知特登定點。

雖然俾人罰抄,不過我覺得都好開心。
2017-03-14 21:31:25
到左交選校表既前夕。

「我講左啦,我要擺A中學做第一次志願!」我好串咁同呀媽Bargain。

「仔呀,你聽我講啦,以你成績入B中學真係卓卓有餘。」

「我而家成績有好表現,做左俾你睇,你應該遵守承諾!」

「我話睇下點咋嘛,都無應承過你。」你好野!

「有無搞錯呀你!唔好再賴貓D!」

「你唔應該為咗其他人而改變你自己既選擇!萬一有一日你地分開咗或者唔再frd,又萬一入咗唔同學校,而呢間又唔係你心儀既學校,咁會點?」

「我自己負返責任。」我拎住張選校紙,無理到媽媽就自己填咗A中學做第一志願。

紙就得一張,你精我都唔笨。

「林書生,你咁樣好無禮貌喎!你起碼都要得到我批準呀。我唔簽名都得嫁喎。」呀媽話。

「除咗我自己,無人可以支配我既人生!」

於是係半推半就既情況底下,媽媽都敗俾我要聽我講。
2017-03-14 21:31:51
有時會呻下,不過我仍然想同林敏兒一齊入同一間中學、拍拖、結婚既。經過我每日好囉嗦、厲鬼咁煩住呀媽要求改志願,加上我真係考到好既成績俾佢睇,佢都肯退一步,俾我揀A中學做第一志願,名校C中學就放左向第2位。林敏兒都將A中學擺做最頭,B中學就擺第2。我地第二志願仲難入過第一懿願,照道理點都入到第一掛?(神邏輯)

入唔入到同一間中學,就聽天由命,睇下我地既緣份啦,我都唔敢想像跟住落黎既發展。就算入到同一間中學,都唔保證第時大學、出黎返工會一齊啦係咪?我係可以改變既範圍內盡左力,結果係點我都無悔。

「書生,如果我地入唔到同一間中學,你仲會唔會對我咁好嫁。」少女Mode既林敏兒係電話度問我。

「會呀。我日日都會黎接你放學見你嫁。」日日接都有D難度,睇下間學校遠唔遠啦。。。

「真係?」

「嗯。」

「最近你好似成日同王家欣玩,整少左我咁。」林敏兒話。又關王家欣咩事。

「無俾我虐待唔慣呢?之前仲成日話我煩。」林敏兒都係有D被虐傾向。不過最近真係無咁想整佢,可能要諗花款太麻煩。

「嗯。我有少少呷醋。」

「傻瓜,你諗多左啦。唔好亂諗啦。」我同王家欣只係哥兒們係度打鬧,我真係當佢男人咁。明明你兩個係好朋友,點解要呷自己朋友醋呢?

「應承我喎。要永遠都淨係對我一個咁好。」點解女人咁鐘意迫人做承諾?

「得啦,我林書生應承你。」而男人只好作出連自己都唔肯定做唔做到既承諾。
2017-03-14 23:28:03
快D有甜
2017-03-15 00:13:25
之後同王家欣一間中學
唔覺意就
2017-03-15 01:22:51
之後同王家欣一間中學
唔覺意就

2017-03-15 17:08:52
之後同王家欣一間中學
唔覺意就

王家欣同林敏兒絕交啦要
2017-03-15 17:46:48
應該係黃敏兒為左激書生扮同何諾軒行得埋

然後書生同左王家欣一齊報復
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞