（青春／甜）《一個書生既Player故事》

9xxx xxxx：【書生，好對唔住，希望你可以原諒我...】

你而家先黎道歉，所有咩都於事無補嫁喎！你又唔早D講！

學流星花園入面個道明寺話齋，如果道歉有用我要警察黎做乜野？

我嬲到將林敏兒既電話係電話簿度Delete左，加埋對所有既sms已讀不回，以作我對佢既懲罰。

直至。。。。另行通知。

只能說。。。女人真係信唔過。

即刻唱返首小心女人定一定驚先 Orz。

『你要小心女人～小心女人～』

講返正經野先。

林敏兒入左B女子中學。

肥傑同至王家欣都同我一齊入左A中學。

而丁丁就入左D中學。

個何諾軒都入左另一間E中學。Who fucking care啦。

簡直黎講，我地各散四方。幾間中學之間有著話遠唔遠，話近唔近既距離。

就算住同一條街都唔係成日撞到，更何況係幾個地鐵站既距離。

我同屋企對派位都無意見，無話要去上訴或者叩門呢D麻煩野。

畢業都係自己填既第一志願，都係Band 1英中，都差唔晒。

換個角度諗，佢都成功令我逃脫男校既命運。

幻想下每日都淨係見到成班男仔，好似當兵入伍咁你話生活幾枯燥？

交完留位費，過兩個禮拜就係學校Induction Week。

主要係上英文用埋基礎奧數既Course，係請出面既老師教。

而上堂係Random分班，小班教學，一班得十幾人。

但由於大家都黎到陌生既環境，氣氛又有D odd，上堂比較靜，唔會同人傾計。

加上見到D同學個樣都好薯好唔吸引（其實係人地眼中我都應該係個矮薯），

所以係Induction Week入面無乜特別話識到D咩人。

最後一日仲要全級既人一齊返黎做一個入學試。

呢間中學學習氣氛會好似呢個Inductino week一樣咁嚴肅嗎？

同小學玩玩下好似係兩回事，好Chur。



唔知林敏兒中學果邊點呢？

佢開頭都會日日sms我say sorry。

我無覆，慢慢佢都由每日幾十個sms報告下佢每日做D乜，變到每日臨訓一個早抖，到而家連sms都無埋。

我諗，罰佢去到開學日至覆返佢都唔係好過份姐。

即係我地其實由暑假開始到九月呢幾個月其實無好好對話過。

時間都可以過得好怏。

九月一日。

我興奮到前一晚都唔係訓得好好。

六點九起身，刷牙，極速食個包，換左全新既校服就返新學校。

純白色既恤衫，灰色既西褲；同小學夏季既純白色短褲好大分別，添上一層成熟感。

唔再係步行到返去既距離，而係要搭巴士（或者地鐵），大約廿分鐘就可以返到學校。

我七點九就返到學校。

簇新既裝修，鮮艷顏色既籃球場，貼滿poster既壁報版。。。

學生填滿左整個操場，好有人氣，三五成群圍埋一堆，或傾計，或大笑，感覺青春而有活力。

呢一日，同Induction week冷清既學校好唔同，的確有開學既感覺。

「喂～～～～～」我附近既一個女仔大叫，拍左另一個女仔一下。

「呀！！！！！BB～～」佢發出100dB既噪音。

「喂～～～～好耐無見啦～～～～好掛住你呀。」咩叫青春，咩叫活力？

我仲見到好多好高大既師兄，即係我要抬頭45角度先可以望到佢同佢對望咁高，佢地好Charm，行出黎整個人就是有型！

而師姐都好識打扮，唔似得小學得D all back大大隻卡通髮夾，而係好多齊陰、短裙仔，身形都幾好。間中會見到一兩個幾靚既師姐。我諗丁丁第時一定仲靚過呢D女仔。

我會評價呢間中學，比我想像中MK味濃過書卷味。

以上種種都令我對新生活有種實在既期待感。

嗯，呢間學校俾我感覺唔錯，要期待也是可以的。

加油 推

Lm 跟進

推

Pish

推啊推

加速

推

大學淫娃故讀者lm

「各位同學，大家好。今日係一個好高興既日子，因為久經一個暑假，終於都重返校園，可以見到咁多熟悉同埋簇新既面孔，唔知道你地有無好好利用呢段時間黎增值自己呢？物競天擇，適者生存，隨著時間既流逝，各位都向成為社會棟樑既目標一步一步邁進，就好似我地好多傑出既校友一樣，你地絕對有能力成為其一。新學期，希望各位一定要持之以恆，勤奮學習、多讀書、批判思考、多元發展。多謝各位。」留意返，以上係用英文講既。。

操場早會，校長說著一堆令人眼訓既演講，我試圖認真聽下，不過真係無聊又廢話到我無意慾聽落去。

全級一共有5班，每班35人。根據上次分班試既結果，我被分到1C班。代表住係級上我係屬於中等既水平，有待進步。


房班同桌椅都比以前更大更新淨。純白同淺藍既既牆身令人感覺舒服。

班主任叫Mrs. Lee，係一個年約50幾歲既短髮女人，身型偏瘦削，聲音沙啞，著住套Polo加半截及膝黑裙，吸睛度說不置予評。

我地上到課室就隨便坐，然後就係老掉牙既跟高矮掉位，最後每個人都要企起身自我介紹。

我被調左係近門口既第二行。

「我係1號陳詩詩。」細粒可愛型既一號同學有D尷尬講完，全場靜咗幾秒。

Mrs. Lee一呆，問：「下？講完嫁啦？」

陳詩詩：「係呀。」佢好似唔諗住講多句。

場面既老尷又搞笑。

Mrs. Lee：「陳同學呀，我地想了解你多D，你試下講多D介紹自己？例如我地可以點叫你，你邊間小學升上黎咁樣？」

陳詩詩免為其難咁講多幾句：「我係XX小學升上黎。大家可以叫我阿詩。」

全班同學都係一個忍笑既狀態，氣氛唔錯。

跟住其他同學都開始講多幾句：「Hello，我係羅嘉樂，大家都叫我寶馬山羅嘉良，最鐘意聽歲月的童話。」呢個羅嘉樂幾搞笑，有一對眼仔碌碌既笑眼，外表少少MK，係云云毒撚髮型入面，佢竟然留住一Pet斜陰，走在潮流既尖端，夠晒厚面皮，應該幾好玩，我想認識下佢。

「我係25號林書生，係YY小學度升上黎。如果羅同學係寶馬山羅嘉良，咁我一定係北角林志穎。我平時鐘意係屋企玩下Online game，例如跑Online咁，如果有同好可以搵我一齊玩嫁。」我故意拉埋落羅嘉樂度，R下Frd子。大家聽完我句咁唔知醜既說話，都笑左。

「我地好注重閱讀。林同學適時放鬆係好，但切記沉迷玩樂，閒時要多D睇課外書，增進知識呀。」Mrs. Lee笑住都不忘勸喻我。

「大家好，我係30號溫梓柔，係ZZ小學度升上黎既。」

呢個叫溫梓柔既女仔係我既新鄰居，正常樣，人如其名，係斯文悶騷型，一睇就知係個讀書悶撚。

「鈴鈴鈴鈴鈴。。。。」十一點，學校打鐘了。

「今日就去到呢度。聽日大家八點前返到黎就係班房等，唔洗集會嫁啦，學校逢禮拜一先集會。」

Mrs. Lee話：「Good bye class.」

眾人：「Good bye Mrs. Lee.」

我無野執，轉身就準備走。

我同鄰居溫梓柔對望左一眼，我主動同佢講野：「我走先啦。聽日見啦。」

溫梓柔對我微笑一下：「拜拜。」

一放學，我就去左1D班搵肥傑一齊走。

「林書生，你果班啲同學點呀？」肥傑問我。

「都無咩特別。。有個叫陳詩詩細細粒既女仔，幾可愛。坐我隔離個女仔叫溫梓柔，係斯文Type，一齊坐應該會幾悶。你果面呢？」

「我同你個frd王家欣一齊坐喎。啲同學好似幾好玩。感覺唔錯。」

「乜原來你同佢同班？佢好鬼煩嫁，肥傑你大獲啦。」作為王家欣既前鄰居我已經知道晒係點。

「你地唔一齊走既？」我問肥傑。

「佢自己走左喎，可能有Frd掛。放學有咩做呀你？」

「我諗住去林敏兒屋企樓下接佢，俾個驚喜佢。自從Last day我俾左張Hea貨紀念冊搞到佢嬲左之後，我同佢都無好好傾過計。到佢填左B中學做第一志願，就換我嬲左佢兩個月。而家我差唔多嬲完啦。」摺左好耐無同肥傑吹水，順便Update下佢。

「下？Last day係五月喎。而家已經九月。你地真係咁耐唔傾計？」肥傑碌大對眼，難以致信。

「係呀。好出奇咩？」

「嬲四日係推拉，嬲四個月係戇鳩。。。大佬，你俾D Sense好喎。」

「咁真係鐘意，永遠都會鐘意嫁啦。區區果四個月改變唔到我對佢既感覺嫁。」

「係好兒戲。好似朋友咁，你唔keep就無嫁啦。林敏兒都多人追！你因住一個唔小心佢就俾人追走咗！到時你喊都無用！」肥傑呢個愛情專家又發表偉論。

「邊有咁易，我係林書生喎。」唔知我那來的自信。

「你正正經經同人表個白，問人地做你女朋友，有返個名份咪可以cool住佢唔洗驚佢走囉。」

「表白」？到底乜野係表白？點解要表白？

有無試過成日聽某一啲字，但當突然用係你身上，你會覺得好陌生，唔知想點咁。。

例如：「自信」

好毒既毒男就會問自己，自信？乜野叫自信？點樣先做到有自信？

而家聽到「表白」既我就係有呢種奇怪既感覺。

女朋友？所以林敏兒可以係我既「女朋友」？

女朋友到底係一樣點既野？。。。

「肥傑。你拍過幾多次拖？」

「。。我無拍過拖。。只不過成日聽啲女仔講姐。。」

幹，原來都係紙上談兵。

開學亦都係結束我對林敏兒不聞不問作懲罰既時候。

應該講D咩，做D咩？唔理啦，我都係去林敏兒屋企樓下等佢見咗佢先。

羅嘉樂MK意想圖
請原諒我係泡菜狗..





肥傑王家欣溫梓柔呢D本地薑..諗唔到邊個明星似

加速

書生我反而學得張彥博樣match少少

羅嘉樂MK意想圖
請原諒我係泡菜狗..





肥傑王家欣溫梓柔呢D本地薑..諗唔到邊個明星似

樓主識嘢

feel到有唔好既野去到樓下之後
如果話依個係純愛故我會好開心

加速啦

肯定已經錯過左林敏兒 跟住去搵丁丁 跟住

加速

林敏兒讀果間學校既位置比我果間遠，放學時間又差唔多，所以我一定會早過佢返到屋企。

我一放學就狗衝去林敏兒屋企樓下。

等呀等，一個鐘過去，又一個鐘。。。。

我就好似個傻仔咁企起個大廈門口度呆等。

好多住客出入，我兩頭望好尷尬，又唔知有咩可以做。

終於，等左兩個半鐘，都俾我等到佢返黎。



不過我唔係見到林敏兒一個人返黎。

佢身旁仲有一個熟悉既身影－－何諾軒。

兩個人暢談甚歡，俊男美女，原來佢地都幾襯，兩人一齊竟然有點粉紅既氣氛。

果種好融洽既氣場令我感覺到前所未有既威脅。



我地三個好Odd咁互望左一眼。

林敏兒同何諾軒講：「我同林書生傾一陣呀，你返去先啦。」

何諾軒：「好啦。咁你返到去話俾我知。」說罷佢同林敏兒揮手講拜拜竟走左。



一轉頭，林敏兒就用佢既招牌無辜表情望住我：「點解你係度既？」

「等你囉。」

「下。。。」林敏兒既表情有點不屑：「咁點解我搵極你都唔覆我呢？係一句都無。唔知仲以為你死左添。」

「對唔住，因為我太嬲，所以一直都唔想覆你。到開學，我冷靜完覺得嬲夠啦。」我解釋。

「嗯。。算啦。。」林敏兒接落去：「我都有唔岩，你係應該嬲我既。」

「我地可唔可以好返。好似以前咁樣，我會履行返之前既約定，日日接你放學。」我問。

「唔洗啦，學校咁遠。」林敏兒竟然拒絕我：「況且我地都未必日日準時放學啦。」

。。。你變左啦。

「你今日又會同何諾軒一齊返黎既？」

「撞到。」

「真係？」我望實林敏兒，佢既眼神有一絲閃縮，直覺話俾我知佢講大話，一定係何諾軒特登黎接佢。

「嗯。」

「咁。。岩時間既時候我黎接你啦。。」我並無放棄。

「哦。咁好啦。」林敏兒勉為其難咁應成我。「咁我返去先啦。拜拜。」

說罷佢就轉身就入大廈。。。



好似四個月前一樣，

同樣地頭也不回，

而我就企起同一個位置，依依不捨咁望住佢既背影。。。

心情患得悲失。。。

當下，我真係好想喊。

傷心唔係因為我同林敏兒唔可以入到同一間學校。

亦都唔係因為佢同何諾軒一齊放學。

而係，

原來四個月可以改變咁多事。

原來我係咁容易俾人取代。

原來我係林敏兒心入面既地位係咁？

口裡講幾咁想同我一間中學，幾鐘意我，都係假既。。。

事實係佢無擺A中學做第一志願，事實係佢好快就會同何諾軒一齊，做以前我地一齊會做既野。。。

我覺得自己既存在價值係零。。。