(青春/甜)《一個書生既Player故事》

957 回覆
437 Like 13 Dislike
2017-04-24 13:14:07
今次真係憤怒了
2017-04-24 14:08:21
每個仆街男人/ player都係由一個更仆街更賤嘅女人迫出嚟

究竟d臭雞公廁幾時先死呀! 屌你老母林敏兒

同意 因為我都係咁樣變成左一個玩家
只怪自己當初乜都唔識 俾人玩左鑊當傻仔咁取笑我從此之後開始踏上玩家之路
係覺得如期俾人傷害點解唔可以係我玩番人呀
Btw 留名
2017-04-24 15:15:01
我以前都好中意花花同VW

仲有polo tote bag, mercibeaucoup袋, 心心tee

地圖袋
以前真係mk到打冷震
2017-04-24 15:56:08
每個仆街男人/ player都係由一個更仆街更賤嘅女人迫出嚟

究竟d臭雞公廁幾時先死呀! 屌你老母林敏兒

同意 因為我都係咁樣變成左一個玩家
只怪自己當初乜都唔識 俾人玩左鑊當傻仔咁取笑我從此之後開始踏上玩家之路
係覺得如期俾人傷害點解唔可以係我玩番人呀
Btw 留名


希望你玩果d都係賤女人 但如果遇到好女仔 要回頭是岸呀巴打
2017-04-24 16:12:19
在一次證實
2017-04-24 16:13:02
再一次證實

2017-04-24 22:32:30
2017-04-25 01:11:15
我帶住不安同憤怒返屋企食飯。

係床臨訓果一刻,我好唔爭氣咁打左俾林敏兒。

認輸啦我。唔嬲了。

準確D黎講,係我唔敢嬲。

我驚如果我再嬲,對你唔好,你就真係會跟第二個男仔走左去,係我最唔驚會發生既事。

「嘟嘟。。

嘟嘟。。

嘟嘟。。」

呢個時候佢一定未訓,但佢無聽我電話。

我沒有什麼失望,反正一早都預計到,不是嗎?

沒有接通既來電,又意味住D咩呢?

就好似我既心都無辦法接通到林敏兒既心。。。

佢連理我都覺得煩了。



係幾時開始變成咁嫁呢?

由無聯絡果個暑假開始。。。

一切都變晒了。

好後悔。。如果當時無咁做就好了。。。

咁何諾軒就唔會有機會安慰陪伴林敏兒,承虛而入。

我係你心入面既排名係咩呢?何諾軒既分數有比我高嗎?

。。。。

我:【聽日測驗加油】

我可以做既就只有留底SMS俾佢。



原來鐘意一個人既時候,可以變得咁卑微。

唔準你同佢去街。。。

唔準你同佢聯絡。。。

見佢要俾我知。。。

只要你唔嬲我就得,想點隨便你啦。。。



其實係我管住佢唔岩姐。

朋友之間見下有咩問題?

你信唔過林敏兒份人咩?

人地測驗仲要搵野黎搞,好明顯就係你唔岩啦。。。

一個人既對話,一個人既底線慢慢變低,到底可以低到去一個點既地步。。。
2017-04-25 01:14:20
我驚如果我再嬲,對你唔好,你就真係會跟第二個男仔走左去,係我最唔想發生既事。
2017-04-25 01:49:55
好sad啊書生
2017-04-25 01:57:20
都好難怪書生唔變player既
2017-04-25 02:06:41
遇著呢啲臭雞 緊係要玩返啲死女人
2017-04-25 03:19:03
書生將來可唔可以玩返林敏兒條八婆
2017-04-25 14:12:05
好撚好睇 一次過追曬 可唔可以加速
2017-04-25 14:30:05
等書生爆seed屌爆林敏兒
2017-04-25 16:09:06
臭雞
2017-04-25 16:57:24
push
2017-04-26 02:43:58
無野睇
2017-04-26 09:10:13
Push
2017-04-26 12:51:27
呢幾日好忙阿.. 今晚12點up
2017-04-26 22:12:42
幾時出啊
2017-04-26 23:51:40
一個人,最容易亂諗野。。。。

我無打算話俾肥傑佢地聽。

仲想保留林敏兒係羅嘉樂佢地面前既美好形象。

陣間林敏兒話我唱佢咪好煩!

我返到學校都扮到無事咁,放學仲同佢地一齊去網吧打機。

其實抆左校章就去網吧打機呢件事係好興奮同青春,可惜我今日無心情享受呢種快樂。

「喂,專心D啦!好廢呀你!」羅嘉樂大叫。

我心不在焉咁輸左好多場。屌,平時玩HP明明我屈佢機,今日俾佢嬴返次仲唔俾佢笑返三個月。

「你收啦,今舖等俾我炒啦。」

我:【敏敏,你今日測成點?】
我:【你同王家欣行緊街?】

我一路打機一路留意住部電話。

無。。依然係咩都無。。。

渡秒如年。。。

唔鐘意呢種不安既感覺。

不過我又可以點?好無助。。
2017-04-26 23:52:00
欣:【我今日同完敏敏行街】
我:【嗯?所以呢?】
欣:【我聽到你地鬧架件事】
我:【sad】
欣:【我見到敏敏同何諾軒成日msg,都幾close】
我:【我唔想知】
欣:【你小心啲啦】
我:【我可以點小心?去嬲佢呀?】
欣:【我都唔知。。同埋,個銀包係何諾軒送,唔係敏敏屋企人買】
我:【點解要同我講?】
欣:【。。我睇唔過眼】
欣:【我知既係得咁多】
我:【Thx haha】

沉默。。

聽完已經無乜反應。。

可能因為已經成日見到,習慣咗。。

我唔想知。

你係都要話俾我知迫我面對現實。。

事實係佢理何諾軒多過我。

結局會係佢同何諾軒一齊嗎?

會唔會佢只係貪錢先收何諾軒做兵呢?

林敏兒係啲貪錢既虛榮女人?

點解要咁隨便收人地貴重既禮物呢?仲要有心瞞住我?

會唔會我之前送唐老鴨俾佢,佢根本覺得好幼稚,係度扮鐘意?

心裡充斥住滿滿既無力感。

好似無論我點做,都改變唔到佢。

就咁樣睇住呢段關係慢慢凋零,再枯萎。

從有到無既感覺好差。有時我寧願從來無同你開始過,咁到失去果陣就唔會有傷心既感覺。



我都唔可以放棄,我要盡最大努力去挽救呢段關係。

我旁敲側擊周圍問女仔(其實來來去都係果幾個),佢地話而家平既就興Agnes b,貴既就興地圖袋。我決定買個地圖袋去送俾林敏兒。

我約咗王家欣放學陪我去揀禮物俾林敏兒。好似仲係我地第一次單獨約出去。我地都當大家係巴打,所以就算出黎都唔會有任何尷尬既感覺。

「你確定真係要買地圖袋?成千幾二千蚊喎?」王家欣表示疑惑。

「如果買個袋就可以令林敏兒返黎,好值呀。」

「如果佢因為你個袋先留底,仲值得一齊咩?」

「我唔知我係佢心目中仲有咩等價值。一段關係始終係要等價交換。」我沒有自信。

王家欣有點侮氣:「等價交換?你對佢就咁好,咁佢又俾到啲咩你?」

「開心囉。佢理我果陣真係好開心嫁。我地做過好多野,一齊行街食野影貼紙相,有佢係度,做呢啲普通野都好幸福。」

「但而家好明顯唔係呀嘛。你唔好曬心機啦。」

「唔試過點知唔得?」我堅持。

「我無氣再同你講啦!你鐘意點就點啦!」

「做咩咁嬲姐!又唔關你事!」

「我無嬲,淨係覺得你好蠢姐。」

「揀袋啦!仲嘈!」我指住一個「潮人必備」二千幾蚊地圖袋。「呢個點?」

「柒!」

「呢個呢咁?」我指住一個千零蚊既深啡色Patrick Cox 袋。

「一般啦。」佢答我。

「呢個又點?」我再指住唔夠一千蚊既黑色經典Agnes b袋。

「呢個好呀!敏敏應該會鐘意。」都唔知係唔係既。直覺係佢唔想我曬錢先話呢個袋靚。

「你唔好貪平喎!講真意見唔該!」

「係呀,啲錢又唔係我俾,又唔係送俾我。我呃你做乜?」王家欣勁不屑咁啤住我。

之後佢自己去睇個Super Lover化妝袋,眼都唔眨咁。拎起睇完又放返底,似係唔捨得買。

我同個店員講:「唔該我要果個黑色Agnes b袋同埋Super Lover化妝袋。」

「下?喂,林書生,我都無話要。」王家欣好焦急咁話。

「我無錢買呀。」王家欣同店員講:「唔好意思,個Super Lover袋唔要啦。」

「照包,唔洗理佢。」我話:「我本身想買三千蚊個地圖袋俾林敏兒,而家個Agnes b袋平咁多,你幫我慳咗錢,當係我多謝你陪我同對林敏兒啦。」

「但咁貴。。」其實都唔係太多姐,就黎新年又有錢啦。

「得啦。你拿黎做筆袋啦。」

王家欣帶住有點甜既微笑接受咗。今日既購買任務完成。
2017-04-26 23:55:44
好慘 唔想再睇落去
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞