我係一個 80 年代出世既人 , 等我講下我記憶中嗰十三年英屬香港人生

好多歐洲少數民族本身有自己語言，慢慢流失之後想追都追唔返，而家先有呢啲保存文化嘅意識，其實呢啲係現代世界主流認為應該嘅，移民當然要入鄉隨俗，移民就係有雙重身份，呢個係事實，啲圍爐風氣就真係唔應該，世界上根本唔應該有唐人街之類嘅種族隔離意識產物

呢啲就係劣幣驅逐良幣
至於拉車仔，其實九十年代香港各地已經有呢個文化，多數係買餸，變嘅係而家個政府on99做啲嘢令到好多人要跨區買餸

因為嗰果時代呢個商業行為保證賺

以前嘅香港精神真係：“我地大家…..…

唔止呢樣，現實仲有好多變種出現咗
以前讀書係講主權移交後喺所謂「一國兩制」下，支那只管軍事同外交，其餘政務一概不管，香港稅收無需上繳中央，聲稱五十年不變
結果所謂不管政務就有人大釋法同西環治港，前者唔多講，至少製造咗每日150蝗同議員被DQ事件；後者就喺西環出聲時特首就自動跪低，唔肯跪嗰個就坐咗花廳
稅收方面的確冇直接上繳，但就出現咗鐵、港豬奧、三跑等等大白象工程，絕大部分同支那公司有關（例如支那製鐵列車、負責嘅支那建築公司、賣沙填海嘅鄰國省份等等），泵哂香港人啲錢去支那

講真我哋呢一代見到嘅現實，同細個學到嘅嘢相比完全係詐騙，唔失望唔嬲就假

利申：89

都唔係去人地國家保留嘛
要走，走得就唔好返轉頭，唔好再諗自己係香港人

細個嗰時乜撚都好㗎啦
過多廿年00 後咪又出嚟出呢啲post

要 , 隔個星期六返

一代人嘅無力感係來自沙士時期，00代唔會明，80代出身後都有鄰國日本窮忙族呢啲共鳴，當然係講緊大多數，唔計少數精英又好幸運又好嘅成功人士，70代都食得應，因為係大多數買樓結婚生仔嘅人生階段，詳細搵返啲新聞，search負資產，80代眼下睇住咁嘅景況，又自己搵埋唔夠食，根本係一個冇希望嘅時期，一去十年，然後00代就出嚟反洗腦，中間呢機代人消磨完光陰睇到「被時代選中嘅少年」都唔知仲有乜好講，除咗表示支持，出嚟擋喺學生前面，真係仲有咩好做？又take down唔到啲50代同佢哋啲二世祖，冇本錢做唔到00代嘅運動後盾，一味人多，而又好多「返工不了」之徒，肯企出嚟嘅只係少之又少嘅極少數，後面講吓都有嘅，但係公開表態都要諗過先，諗幾日，最後又係「不了」

灣仔站側邊仲有十個八個係度打躉

有句好on9，打倒李鵬！鵬！鵬！鵬！

睇返其實中間好多機會，只要你喺某啲時候唔係做最好嘅選擇，之後就會點知反而掂咗，因為太多唔正路嘅情況令原來更好嘅選擇得出唔好嘅結果

當年停課，好似係因為罷工罷市，其實有冇罷課？停課期間成個社會愁雲慘霧，只係對住電視，生怕唔知幾時又有特別新聞報告

其實都危險，只係率低，大家都好彩，又或者有啲出事唔講，就好似一面倒好咁，當然呢代個環境相對安全過之前，但係搶嘢係有，道友乜都做，多數為錢，打單獨大人主意，同埋夜晚多，所以小朋友好少會知，大人知咗又未必有同細路講

果欄味…個腦即刻load返啲味出嚟
變咗有味post

我都係80後但我未聽過

79年香港出世, 住長沙灣

1. 住
細個時屋企堅窮, 5歲前仲住緊土瓜灣板間房(即係而家劏房), 一屋4伙人share廁所廚房. 以前一日就係拎個西瓜波去廳玩, 因為其他幾伙人都返晒工, 日頭放學後就係自己顧自己. 好記得住頭房個婆婆, 有時晚飯時間見我屋企又未有飯開, 就成日請我食野, 我最記得有次佢請我食咗隻豉油雞翼好好味. 隔離就住咗三個馬蘭奴, 見我當時細個, 有時會買d雪條放公家雪櫃請我食. 其實當時大家都係窮, 但到而家就快40歲我都仲好記得當時d人情味. 當時我屋企第一個電話係6位數字

之後搬咗去長沙灣私樓, 隔離鄰舍見到最多都係打聲招呼, 加埋同層又冇細路, 我又變返自閉生活. 而屋企電話就變成7位數字

2. 食
住土瓜灣時, 會有d阿伯阿婆擔兩桶豆腐花上樓賣, 當時係5毫子一大碗, 記得有次老媽子擺低五毫子入碗叫我去買, 個阿婆一下手快冇拎起個銀仔就成殼畢咗入碗, 佢仲話算數當請我食, 不過我老媽子都即刻拎返錢比個阿婆. 之後搬去長沙灣, 因為近蘇屋村有幾間士多, 小學放學同同學玩完後, 就去士多買汽水飲, 當時好多古怪零食, 不過冇錢冇得買

另外, 細個可樂仲搞蓋掩換搖搖, 不過細個冇錢買汽水, 但有晚屋企去食飯比我搵到條絕世好橋, 當時發現酒樓開完支裝汽水個蓋掩原來係冇人要既, 於是問個阿姐拎咗幾十個返去慢慢開, 一野比我開咗個雪碧版搖搖, 開心到我痴肺, 仲拎返學校同同學晒命

3. 玩
住土瓜灣時, 附近得個海心公園, 有時放學老媽子會帶我去玩一陣, 但因為住嘅地方品流複雜(自己GOOGLE下益豐大廈), 所以通常大部份時間都只可以留響屋企. 搬去長沙灣後, 屋企放寬咗管制, 有時可以放學同同學去踢波, 一個爛鬼膠波已經好開心

我老豆有鋪睇戲癮, 有時收工食完飯會帶埋我去睇戲(長沙灣京華, 深水埗凱聲同樂聲), 佢為咗塞住我把口, 通常入場前都會買包鹽水花生, 水煮粟米之類比我, 廢事我響度嘈喧巴閉, 戲完門口好多小販檔, 次次睇戲都會好開心

4. 返學
小學我讀上晝班, 仆佢個街6點半已經要起身返學. 我讀屋村小學(6層高單棟嗰隻), 學校基本上冇體育設施, 但又點會阻到生性好動既男仔呢, 班男仔就會響樓梯玩捉, 唔想跑呢, 就留響課室玩天下太平. 但我而家都唔明, 星期六長短週返去托柒, 上嗰3堂然後就散水, 但又白白要早起身, 真心多鳩餘

因為係屋村學校原因, 學生都係來自附近公屋(元洲村, 蘇屋村, 麗閣村), 家境大家都唔會好得去邊, 所以大家都冇乜物質野可以晒命, 反正大家都係窮, 但又實在係窮得開心wor

最終感想
講真, 以前英屬香港年代係窮, 但會覺得社會係有未來, 好似我老豆咁, 肯捱肯搏, 令全家人由草根階層(土瓜灣劏房)慢慢去到中產(長沙灣私樓後搬去美孚), 全個社會氣氛係充滿活力, 因為你肯做的話點都可以有瓦遮頭唔洗餓死

而家? 我自問可以保持到, 但仲有冇可能上? 我已經睇唔到任何可能, 我見識過80年代安貧樂道既日子, 亦見識過90年代經濟起飛日子, 我會多謝英國同麥理浩爵士後嘅港督留低嘅香港. 但淪陷後, 我都見盡共匪同港奸破壞香港嘅醜惡

我本將心向明月, 奈何明月照溝渠

生咗幾個，因為生活需要先做
佢又真係紮起條大辮㗎喎

唔講或者好多人唔知 , 香港亦係一個曾經充滿歧視既地方 , 而歧視既唔係窮 , 而係大陸人 , 你可以從以前既電影睇到 , 依度唔多講 ~ 而喺我讀小學既時候九成九既都係英屬香港人 , 而剩番嗰個 , 冇錯就係大陸人 , 當年我地個個人都係排斥新移民 , 可以話講普通話既我地都會排斥 , 我好記得當年同我同班個新移民之後一年好努力學廣東話 , 之後先至叫做有同學受佢玩 , 而當年喺地鐵有大陸人大大聲講大陸話 , 真係會全車人用歧視既眼光望住佢 , 而家 ...

香港既鐵路系統亦係高質既代表 , 以前由英國人策劃設計到施工建造 , 都展現佢地對將來既遠見 , 反觀馬時亨條死垃圾 , 喺度做啲加建工程 , 起多幾個站當正地鐵係佢一手策劃咁 , 真係𨳒佢老母 ! 提外話 , 以前九廣鐵路 (東鐵線) 九龍塘站同埋車箱係有熟食賣 , 站裡面賣既鼓油雞髀係世界級好食 , 而車箱係有啲阿姐偷偷賣野食的

啓德機場 , 我細個既時候去過幾次 , 但已經印象模糊 , 剩係記得當時用好多黃色既燈箱 , 依個機場既特色好多人都知 , 就係喺市區 , 每次去九龍城你個頭向上望就會見到飛機喺你頭頂經過 , 真係好近同好嘈 , 所以以前好唔鍾意去九龍城 , 啲居民仲要日日對住 , 真係人都癲

唔知你識唔識我啊爸呢

騙局嚟，書冇呃人，係共產黨嘅騙局，泛民又好，英國又好，有冇枱底交易就唔知，但係都係輸咗我哋個香港

可能係地區問題
我細個都唔識虎豹別墅

廿年後？真係仲有機會發表？

細個無離開過觀塘區

我都係大個聽過虎豹別墅
聽嘅時間已經要拆

真係好滄桑 眼見一個輝煌隕落