我係一個 80 年代出世既人 , 等我講下我記憶中嗰十三年英屬香港人生

咁你地6年日日睇幾套卡通
我地6年日日睇粤語殘片

其實電視台都知有下晝班呢樣物種
真心唔明點解下晝D卡通片第朝唔重播

社會科無咁多叫你守法個D，但就教你好多歷史，香港同英中兩國之間關係，小量中國歷，香港歷史，各種節日來由，政府既角色係乜野有D咩部門負責做D咩最多叫你唔好玩999咁樣。

以前D書唔會咁HARDSELL叫你做乜唔做乜，好中立。

我都係80後... 仲記得細個有一年返小學無端端要唱國歌

合做一科變左樣樣野都教得唔多，仲要加上大量無用既野同洗腦內容

我都係95，中學教三權分立 互相監察

我85年12月 都係97升中一

03年孵化既蟲卵已經16歲
仲有兩年就有得投票

傻啦,香港人咁多年個個都利欲熏心
只係呢度啲人講緊佢哋細個嗰陣時梗係冇咁多心計

86年出世
講到以前啲外國人
其實真係普通人咁
應該7-8成遊客，2-3成做外資或政府
遊客都係正常觀光
唔會好似啲大陸客咁搞到污煙瘴氣
又唔會好似最近有啲鬼佬咁街邉乞食

政府機構嗰啲都係高層
當時仲讀緊小學無乜機會接觸
不過好記得細個放學行經中環去天星碼頭條隧道
當時我揸住把遮個遮身打橫嚟揸
跟住側邊有個金髪阿婆用英文話佢係旅發局做
中環多人咁樣揸遮容易篤到人，又會影響遊客
要保持香港形象叫我揸好啲同留意下周邊啲人

當時社會嘅公民水平真係同而家差好遠
如果無回歸應該去到而家及得上日本

屌 呢個post睇到打晒冷震
點解香港會變成咁 周圍都係用錢堆砌出黎既繁華 但背後無晒人情味

英國佬先係有自由但無民主，班撚樣就去玩67暴動被人打就話無人權好專制，佢地真係痴線，仲有D警察好惡乜乜乜，咪又係自己D同胞，而家個D就突然變晒好人?

英國佬既管治方針好簡單，係培養人材，唔係佢一早踢走晒班偷渡者，接收得佢就係有本事導向你班人正常生活，而唔係中共只顧既係自家利益，除時食左D小民補血。

有
我細個住果座十五層高，一層有五十戶左右? 我住十四樓，部lift只係去到十三樓，所以我果層嘅lift口位又大又空。
小學果陣成日同d隔離鄰舍踢波，放膠飛碟，玩一二三紅綠燈/狐狸先生幾多點，踩兒童三輪車，篤康樂棋，四驅車…
d冷行又長又闊，大我少少讀中學果班飛仔會踩roller, 滑板，開到部cassette 機大大聲扮break dance
以前冇冷氣，家家戶戶日頭開住木門，又唔會鎖鐵閘，行過望入人地屋企見到都會打招呼 雖然冇乜私隱，但大家都好close, 會關照大家

你講得冇錯，70、80真係冇就政事做過咩，唔係話搵藉口，呢兩輩人嘅成長時期，係84俾班「社會賢達」落咗閘，89俾中共打破幻夢，大英最後留下伏筆嘅時代，仲有美帝橫行天下，輸出「消費」意識，成個格局就係太平盛世，歌舞昇平，理想主義當道，到70啲出身就係葉榮添時代，又遇到科網爆、911等世界事件，一下子掂嘅「政事」就係世界性，又其實得關心而做唔到啲乜，好左膠，之後就沙士，然後就cepa，呢啲又係50、60把持話話權，本來23條時期係開始萌芽，但係帶頭嘅做唔出咗咩，朱凱迪之類嘅吸收養分到近年跑出嚟，陳巧文之類嘅唔使多講，而其他冇做啲咩嘅一般人，依我睇，其實港豬格已成，我唔反對現年講嘅港豬絕大多數係呢兩輩人

最緊要係，嗰時你喺可以用時間去做一件事，做好佢，一樣有代價換返嚟嘅嘢，你有時間consume佢，物質？依我睇而家啲人講嘅物質其實都係淘寶質素，不論你係俾緊咩價錢

Beyond , 一隊屋邨仔組成既樂隊 (唔係想貶低佢地) 我冇記錯佢地細個都係好窮 , 正正係七八十年代年青人既縮影 , 我記得有報道講過黃家駒結他喺自學 , 同埋佢第一支結他係執返嚟 (唔記得有冇記錯) , 唔知大家知唔知道 , 以前 Beyond 係去到非洲用歌聲去宣揚愛與和平 , 一首 Amani , 歌詞表達世界和平 , 唔想再有戰爭 , 早排先喺 youtube 睇到一個非洲人唱 "光輝歲月" (雖然 Beyond 既歌喺雨傘革命被膠化 , 但始終無損佢喺我心目中既地位) Beyond 既感染力係曾經去到世界每一個角落 , 強烈建議上 youtube 睇返佢哋 91 年個演唱會 , 你會發現黃家駒雖然唱歌技巧唔係最高超既一群 , 但佢詮釋一首歌既感染力我覺得到而家香港都冇一個歌手做得到 , 佢既歌會令你跟住佢去感受喜怒哀樂 ...




夜啲再更新 , 會喺 6/9 前講晒我想講既野

細個新年果陣屋企人一定帶我去睇周星馳同成龍，破壞之王 紅番區 家有喜事我係係戲院睇架！紅磡間寶石戲院都仲健在手，大家得閒幫襯下啦

亦都好懷念果陣好多茶樓同酒樓，細個好鍾意企係報紙檔出面睇下有冇公仔書，有時會有咸蛋超人打怪獸，五蚊一本，次次都會買黎睇，好記得有一次拎左本蠟筆小新黎睇。笑到我仆街，果陣亞視又播，成班同學係度扮小新

以前香港仲可以坐船周圍去，深水埗都有個碼頭，對00後黎講可能係不可思議，細細個果陣已經好鍾意自己四圍去，試過坐飛翔船由皇后碼頭去屯門，坐火車去羅湖唔落車返轉頭，離島特警播果陣自己去坪洲，佐敦道碼頭即係而家既高鐵站都有船去ifc果邊


我其實到而家都好鍾意飲茶，到而家比老婆笑我成個阿伯咁都成日去

當年屋企人返嘅工，上司幾乎都係鬼佬
某啲短週禮拜六或者有咩特別event，都俾員工帶小朋友返公司玩
印象中啲鬼佬都好nice，公司個氣氛好過而家好多公司，時不時有活動玩，我仲記得有個鬼佬由得我用花名叫佢，都基本上識哂屋企人同一個部門嘅同事上司，而家係無咩可能嘅事
到而家退哂休都有鬼佬同屋企人有少少聯絡，有次喺街撞到佢都仲會記得我叫咩名

再數早幾十年，我太婆係喺鬼佬屋企做馬姐，佢哋對我太婆好好，仲請埋我婆婆讀書讀完小學，嗰個年代讀完小學基本上係少得好緊要，婆婆到80幾走之前都日日睇蘋果，政治取向偏向泛民甚至接近本土
鬼佬全家同我哋全家都有交流，鬼佬個孫同我媽差唔多年紀，到而家都仲每年有聖誕卡喺外國寄嚟

港英年代啲鬼都當香港係自己另一個屋企，對香港人都係當係自己友咁款
而家就算香港人之間都好冷漠...

我記住以前係唔興全日制, 基本上大部分小學都係上下午班
又可能因為果時好多細路, 唔分上下午班根本唔夠位讀
諗起自己童年, 雖窮但好開心, 對將來充滿希望同期待
直至畢業出黎(07年)就覺得同以前想像差好遠.....(可能讀書始終無諗咁多野)
自此香港慢慢步上死亡之路

其實以前大家都會叫香港唔會強調英屬

其實港島、九龍，對當年大部分地區人來講，係冇必要唔會往來，因為兩邊各自有完善整體配套，而啲人嘅社交亦好在地，九龍人唔係因為唔妥港島人而唔來往而係冇必要，港島人亦然，當然係有兩邊cross嘅，例如為工作，呢啲就好個人，例如老竇過海返工，都唔會成日成家過吓海，例如探親，都只係去返親戚度，特登過海唔係為乜事係相對較少，尤其在學，冇乜跨區嘅，啲人大部分時間都係留喺生活圈之內

以前住臨時屋，好記得以前大陸人落黎，第一時間問隔離左右有冇工介紹，唔理幾多人工，最緊要有工開。
當年好多都肯捱，一人2-3份工唔出奇，老豆當年都係一日做3份工夜晚返黎我地都訓哂。
依家班大陸哩落黎就問點申請公屋、津貼成個廢柴咁唔明政府仲俾佢地落黎做咩撚