我係一個 80 年代出世既人 , 等我講下我記憶中嗰十三年英屬香港人生

文筆唔太好 , 有錯請細力啲插 , 本人比較長氣 , 所以可能會好長 , 只係想畀一班 90 年代或之後出世既人了解下其中一個見證過英屬香港既小故事 , 我所講只係我既感受同所見 , 並不等於全部

我出生於 1984 年既英屬香港 , 正正屬於 80 年代出生既一群 (唔係 xx 後依啲共產中文) 我細個喺觀塘秀茂坪長大 , 冇錯 , 就係三五成群套戲入面嗰條邨

秀茂坪正如套戲入面所講 , 係一個品流複雜既邨屋 , 其實當年好多屋邨都一樣複雜 , 例如藍田 ~ 基本上條邨係充斥住好多飛仔 (當年古惑仔既稱呼) , 道友 , 我就係喺咁既環境下成長 , 經常見到打交劈友 , 行樓梯落街又會喺後樓梯見到人食白粉 , 咁嗰時喺一個幾歲既小學雞 , 所以冇乜俾飛仔恰過

持續更新中

我記得我係住喺 34 座 9 樓 , 因為我一家七口 , 所以有兩間打正對面既公屋單位 (兩間加埋應該冇三百尺) 而我住嗰條巷另外有四伙人 , 當年鄰里關係係極好 , 平時大家都打開門同鐵閘 , 任五伙人自由出入 , 我諗依個年代已經冇可能再見到咁既鄰里關係/信任

我既童年雖然過得窮 , 但我回望過去總結 , 係快樂既 ~ 當年兩老喺嗰個年代為咗搵食每日早出晚歸 , 而我幾歲既時候已經自己返放學 , 細個好鍾意返學 , 因為可以同班同學玩 , 我哋細個娛樂都係捉下棋 , 周圍跑下 , 玩紙飛機 , 四驅車 , 金絲貓 , 最奢侈係放假上個有錢啲既同學屋企玩任天堂 (紅白機) 已經係最開心既事

自推一下

留名

我住過葵涌新區

輕輕一推

係咪得七層嗰類

唔記得幾層喇
一條長走廊
中間好多廁格
一戶一格

廁所共用
我知以前好多木屋區
好似叫做徒置區

之前講到以前鄰里關係好 , 其實香港曾經係一個好有人情味既地方 , 我細個屋企樓下有士多 , 冰室 , 麵包鋪 , 正如我所講 , 住得喺秀茂坪都唔係咩有錢人 , 又多老人家 , 而依幾間鋪經常會請小朋友食零食 , 對老人家或窮人會賒數 , 如果你身在當時 , 你會覺得好窩心 , 但依啲好人好事已經消失 , 只剩下記憶 ...

我讀小學時有一科叫"社會"課 , 我唔知而家既通識課係咪等於以前既社會課 , 社會課係一個教導你公民教育既學科 , 裡面教你如何做一個守法既公民 , 讓你認識普世價值 , 學會守望相助 (係好左膠) 但正正依個 "守望相助" 就係我上一段所講既風氣 , 香港係一個 "曾經" 充滿人情味既地方 , 當年好多小商鋪 , 冇太大既地產霸權 , 你窮就住嗰啲地方或喺嗰啲地方開鋪做生意 , 分得好清, 而或者分得太清對我哋啲小市民係好事 , 小商鋪既老闆亦清楚明白喺依度開鋪唔係賺啲咩大錢 , 我諗喺佢哋角度勉強夠維生就足夠

你可以上網睇
同你講嘅係同類型

社會科學健教
好有記憶

得閒望下先

究竟係幾時冇咗社會科

係
細個時住過九龍灣木屋區
即係而家嘅Megabox位置
有啲人廚房放外面
我屋企就擺入屋
沖涼一係就出去公眾浴室/廁所沖
或出去裝桶水番黎煲水沖涼

小時候亦住過黃大仙下村
七層高嗰種，現址係摩士泳池同冬菇亭之間個位，前面個停車場有一半就係座樓嘅位置
又係煮食位喺走廊
沖涼去廁所同木屋區嘅配置一樣
都係每層一廁所，隔一層就有淋浴區加廁所

你咁講我細個住秀茂坪都算幸福 起碼我有兩間屋兩個廁所廚房

係啵 , 有間荔園 , 唔記得咗 , 去過玩碰碰車

lm

當時政策唔錯，聽父母講我出世就係喺木屋區大，然後我記得我讀小二定小三左右就上到公屋，問番身邊同學，同樣住木屋區嗰啲都係三至六年左右就獲派公屋，視乎你願唔願去同埋好唔好彩
當時有彩虹、將軍澳比我地選擇，最後一家人選擇左彩虹，一住就住左廿幾年

我79 , 我好記得小學社會科教科書有講香港是三權分立的社會跟住而家d 官話香港從來都唔係三權分立

仲有大圍嘅青龍水上樂園