我又分享吓
![](https://cdn.lihkg.com/assets/faces/normal/agree.gif)
細個老豆阿媽都好忙,到上幼稚園之前都擺我喺嫲嫲屋企住,有時婆婆屋企
嫲嫲住拆咗好耐嘅舊李鄭屋村,exact7ly就喺而家李鄭屋古墓個位
![](https://cdn.lihkg.com/assets/faces/normal/sosad.gif)
嗰陣日抖長期開住門,我得1,2歲都由得我自出自入,成日跟住附近啲哥哥姐姐周圍行
記得廁所係成座嘢中間有好多嗰隻,不過比較黑,我都係要等屋企人或者鄰居啲大人帶先敢去廁所
喺屋企門口養過雞,由黃色雞仔養到變大雞(嗰陣太細唔識分係公定母雞),之後有晩無啦啦唔見咗隻雞,晩飯就有一大碟雞食
婆婆屋企養咗隻唐狗,差唔多廿歲
成日有樓上樓下嚟打牌,我會幫手扭麻雀枱啲腳,有時大聲咗隻狗會特登嚇我
![](https://cdn.lihkg.com/assets/faces/normal/sosad.gif)
啲街坊都好好,公公放假帶我去食茶餐廳西多士,有時街坊會買個菠蘿包請我食,或者請杯朱古力我飲咁
個個禮拜六我最期待嘅事就係公公帶我去睇啲馬喺山上面行落嚟去馬場,個個小朋友都好靜好乖咁睇馬,換作而家我都唔敢想像會點
到開始返幼稚園,就同家人搬返去沙田,嗰陣每到禮拜日就會跟屋企人去公園晨運,唔記得係邊個街坊教我個口訣,捧住個大西瓜,一刀劈落去,一邊分俾你,一邊分俾佢,記到而家
![](https://cdn.lihkg.com/assets/faces/normal/sosad.gif)
嗰陣放學係會託管去隔離座一家人度,佢哋仲幫託管多一家人嘅細佬,成日幾個細路放學就一齊睇電視,做功課,食生果咁,好開心
不過太細個喇,無諗過要留聯絡,而家連姓咩都唔記得哂
總之就算好細個,印象中所有人都係好友善,好多隔離鄰舍係識嘅,會互相照應
周圍都感覺好乾淨,啲路對個幾歲嘅細路嚟講都好好行又無咁多車多人,而家出個街返嚟洗手,啲泡成日黑黑哋色咁
![](https://cdn.lihkg.com/assets/faces/normal/sosad.gif)