《我渴望既愛情最後卻換來性》

去exchange姐，又唔係永遠唔翻黎

好難keep呀

我同我男朋友係長期longd，一年見得2,3次
有信心咩都得

比Sam仔飲多幾次奶先好比佢走呀

文呢？

我地依家連男女朋友都唔係

點解呀 你鐘意呀琛多啲？

文？

其實我係鍾意睇你比人飲奶

「Today dinner?」過幾日佢問我。
「好呀，食咩呀？」
「You want?」
「Um..打邊爐？」我提議。
「Canker sore, other la」我發覺同佢whatsapp係要查字典，”口瘡”..即係生飛滋啦係咪，洗唔洗講英文呀頂。
「咁壽司食唔食得呀？」我再問。
「Ok ah, 7pm mk?」
「好😙」我見佢好似冷淡左，又唔知用咩emoji好，就揀左個唔係真錫既emoji, 希望令我地既對話增添少少色彩。但係增添完色彩個對話就結束左，直至6:45pm佢話要遲啲。成個感覺我已經覺得唔同晒，好似為食而出去，而唔係為左想見面。

我係mk mtr等到7:15pm, 佢話下站到，我諗緊佢係咪預備左啲咩surprise比我所以先咁遲，定係出現既時候會係後面攬住我。哈哈..我諗多左，佢兩手空空行到我面前，話：「行啦，食邊間？」我問爭鮮定元氣，佢話爭鮮。佢冇拖住我行，冇搭住我膊頭行，只係平排咁行，好似朋友咁。行去途中我地冇乜點傾計，淨係講「邊間爭鮮近啲」、「過馬路啦」、「轉左呀」呢啲冇野講搵野講既說話。
坐左低，大家都係各自食自己，冇share黎食。我拎左碟”如意”，一舊用腐皮包住中華沙律，另一舊係包住粟米呑拿魚沙律醬，呢碟壽司打開左我地既對話。
「你食唔食中華沙律個舊？」我問。
「食呀，你唔食咩？」
「我麻麻地」
「乜你咁嫌占架！」佢既語氣帶點認真，帶點嫌棄，唔再係以前既互串互窒。
「哈哈..係呀」見佢講得咁認真，我都假笑左一下，免得尷尬。
「咁你鐘意食咩呀？」我轉移話題。
「我咩都食，款款都鐘意」我覺得佢揶揄緊我。
「如果一定要講最鐘意，我諗係軍艦類。」佢補充。
「哦..我鐘意食三文魚呀」講完我就拎左碟三文魚壽司落黎食。
「三文魚好多蟲架」佢一盤冷水撥落黎。
「唔緊要啦，大菌食細菌，細菌當補品嘛」我講完，佢冇答，大家繼續食野。

唉點解今次冇曖昧既行為，係咪佢想劃清界線，唔想藕斷絲連？我應唔應該主動拖佢，或者q住佢隻手呢..我地係咪唔可以再好似之前咁..點解佢今次啲tone咁認真，一啲講笑既成份都冇。依家既情況令我好緊張，唔知應該繼續咁僵硬定主動講下笑。

「哎呀好熱呀」我故意比杯茶淥親，試探佢會唔會關心我。
「你做咩？」佢望一望我。
「淥親囉，你睇唔到架？」
「咁你有冇事？」佢一臉無奈既樣子，一路食一路問我。
「少少啦，好熱呀」我講完，佢面向我，好似想起身咁，我以為佢想幫我吹下杯茶，又或者係錫下我條俐。點知，佢只係想睇下條迴轉帶有冇岩既野食。我個心即係碎L左，超無奈....我條俐犧牲得好唔值，我又自作多情了，成餐飯都食得好唔安落。我拿拿聲食完，好想快啲離開，食得好唔自在，好想走。佢見我停晒手，就問我係咪飽，我話係，之後我地就起身出去比錢。我唔知有冇下場，總之就想快啲走，好尷尬呀，唔知問唔問佢跟住去邊好，好尷尬呀！
我地行出舖頭，佢指住右邊話：「我行呢邊呀」
「你去邊？」我問。
「我約左fd飲野，唔記得話你知」聽到佢咁講，我好失望，同時亦鬆一口氣。
「哦..去邊飲？」
「應該附近，我...」佢電話突然響起，中斷左佢要講既野。佢邊講電話邊向我揮揮手，口型講住「拜拜」，我都向佢揮手，好勉強咁笑住講再見，之後我就行入mtr返歸。

其實佢今日咩事，好似變左第二個人咁，佢係咪我認識既呀琛，成個feel唔同晒，好奇怪，我係咪做錯左啲咩...定係佢真係要同我劃清界線？自從上次既真心話環節，佢就開始對我冷淡，唔通係因為大家對「拍拖」既睇法都唔同，佢覺得我地唔夾，所以就開始想同我斬纜？究竟點解...

好sad ar ! 好想知呀琛發生咩事

下一篇就知！

唔係

曖昧係有期限

距離呀琛exchange仲有兩星期，唔知係咪因為趕住睇當地既資料同confirm住宿，佢少左覆我，亦更加冷淡左，冇乜點用錫既emoji同講曖昧說話，唔知點解會變得咁快...佢點對我我就點對返佢，睇下佢會唔會話我隔咁耐覆同冷淡。結果，係唔會，佢依然冇乜emoji同隔幾個鐘先覆。

佢主動約我食晚飯，我問：「打邊爐？呢幾日好凍，想打邊爐」
「我唔鐘意打邊爐」佢話。
「咁第一次見面我話打邊爐你又應承既？」我內心好驚訝，就問佢。
「因為係第一次見面嘛，咪就你」
唔怪得佢個日係咁夾野比我，自己又冇乜點食野，原來佢根本就唔鐘意打邊爐。我個腦空白晒，不停loop緊「我唔鐘意打邊爐..我唔鐘意打邊爐」呢句說話，做咩佢冇啦啦講出黎，佢依家唔想再就我？定想比對方了解自己多啲？我諗唔會係後者喇。佢啲態度變成咁，我都冇咩mood同佢出黎食飯，唔知應該用咩方式同佢相處好，照曖曖昧昧？定已經變為普通朋友？好想知點解佢會有咁大轉變，好似變左另一個人咁，會唔會同Jason一樣，寂寞先搵我，只係搵我過冷河？呢個問題纏繞左我幾日。
呢幾日我地都冇聯絡，再唔聯絡就連farewell飯都食唔到。正當我想whatsapp佢既時候，就收到佢既訊息。
「When farewell dinner ah?」
「你想呢？」我都唔知出唔出好，怕一見到會繼續投放感情，所以就推返個波比佢。
「Find a day lor, when are you free?」
「唔知呀，到時話你知啦」
之後佢覆左句ok我就冇再覆落去。我唔敢出，唔知佢到時係用咩身份同我相處，照舊曖昧？定回到最初既起點—普通朋友。。。網友？
好想問佢點解語氣同之前唔同晒，應該whatsapp定當面問好...怕聽到既答案會令自己好hurt, 會忍唔住喊。我睇連登感情台，睇下有冇類似既話題比我參考下，有啲人話男仔貪新鮮感，玩完就走人，有啲就話搵到其他女，應酬唔到咁多個。我睇唔透呢個bi想點，係咪佢都係覺得男仔適合佢多啲，就想同我畫清界線，免得我仲纏住佢，令佢識唔到男仔。諗完呢啲，我都笑左，講到自己好似鐘意左條女，纏住佢會令佢溝唔到仔。個問題纏繞左我幾日，我決定約佢食farewell飯順便問埋條問題。
「hey星期四食飯？」我提議。
「Can’t ah, need basketball」佢隔左兩三個鐘先覆。
「咁星期五？」我再問。
「約左中學同學」
「咁遲啲再約啦」
「好😂」
我頂，初四佢就要走，都冇時間出啦，我星期六日返工，之後就已經年三十，睇黎都食唔到farewell飯。
「我覺得你同之前唔同左」我已經準備好接收唔想知道既答案。
「係咩？邊度唔同？」
「個tone唔同左囉😂同埋少左emoji」希望佢唔好扮get唔到。
「有咩唔同？」
「依家好似認真過之前囉...」
「其實依家先係真正既我，之前好似啪著左粒掣咁」見到佢咁講，我對住部電話呆左，即係講個啲野唔係真心？
「即係貪新鮮？🤔」我問。
「Maybe la」佢咁都講得出，真係犀利。
「哦😂😂😂」我好無奈，我係咪比佢玩緊，原來只係啪著左粒掣同貪新鮮感，而唔係真係對我有野。我又比仔玩，佩服佩服，乜我真係咁差咩，唔值得男人鐘意？
之後我同呀琛都冇聯絡，只係係初四send左句”safe flight”比佢，佢覆左句”thank you”就完。