尋尋覓覓，可能最終會遇到一個真心對妳好既人呢？
但係你自己都要自愛，唔好咁快投放感情
《我渴望既愛情最後卻換來性》
累得很
707 回覆
129 Like
52 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁
下一段我唔會咁快投入感情
個故完咗？
當然未啦
樓主gogogo
呀琛去左exchange之後，我地都冇聯絡。今日既我如常地返學，放左學就一條友去mk行下。今日既朗豪坊唔算多人，多數都係年輕人係度hea下，亦都見唔少情侶既出現。 我係一芳買完杯水果杯，行緊去food court睇有咩食既一刻，見到一個好似見過既女仔背影，紮鬢辮、揹vans背囊、著Birkenstock拖鞋，佢著牛仔短褲顯得對腳形好靚...咦？佢係咪Jason係lift度影低既個條女？我將視線轉移到拖住佢既人，頭髮曲曲地、著得幾sporty下、身型幾fit既。呢個時候，我個腦海彈出一個人—Jason…唔會既唔會既，佢點會咁快拍拖喎！為左證實佢係咪Jason, 我行得好快，希望超越佢兩個，可以睇到佢正面。
正當我行近佢，準備扭轉塊面望過去，有一班大陸旅行團係我面前9衝，又嘈又多人，我想兜路行都唔得，而佢兩個就係人群中消失左，我冇周圍搵。諗諗下都係唔食，成班大陸人都霸晒啲位。我行返轉頭上電梯去到最頂，逐層逐層咁行落黎，一路行一路諗個兩個係咪Jason同佢條女，定條女既身份同我之前一樣。我不停諗，開始諗唔同既可能性，會唔會係咁岩一齊上堂，大家都好夾，咁就一齊左？定個日佢影完張相覺得好好j, 之後就flirt人，flirt flirt下發覺追唔到人就轉做sp..?
我係度諗佢之前同我講既野，話覺得係利用左我、見到疑似係同學就甩開我隻手等等既奇怪事，突然諗起第三個可能性，其實條女一直都係佢女朋友，佢地嗌緊場大交，所以佢就搵第二條女安慰心靈...如果真係咁，咁佢做既所有事就解釋到。
「掂到後線，擇界呀，唔緊要，再接再厲！」Namco既喧鬧聲將我帶返黎現實，我行入去睇，見到一男一女掟緊彩虹，唔知點解我心跳加速，行近啲，原來唔係佢地，我鬆一口氣，如果真係見到Jason, 都唔知hi唔hi好。我行返出去，繼續再下行，望一望電話發覺都六點幾，要返歸食飯。我落到去8樓就搭返條閃死單身狗電梯離開，每次搭都會有好多情侶攬埋一舊係度錫，簡直就虐待單身狗。今次都唔例外，隔離往上既電梯勁多閃光彈，其中一pair好似...好似係Jason呀！佢面向上，條女背住我咁企上左一級咁攬住佢，呢個情況想走都冇得走。佢察覺到我，表現出愕然同不知所措既表情，好尷尬咁微笑，我都微笑同點頭，好想條電梯郁得快啲。終於搭完條死人電梯，我再回想返頭先既畫面，條女係紮鬢辮、揹背囊、著牛仔短褲...即係我冇認錯人，岩岩係food court個層見到既真係佢地，亦即係條女係之前Jason係lift影個個....究竟佢地係咩關係，有好多問題係我腦海。
到夜晚，我睇ig既時候，彈出Jason既訊息，訊息既開頭係「對唔住，你睇完呢個訊息之後唔需要覆我，我認為你有需要知道......」我唔敢禁入去睇晒成個內容，我知自己實忍唔住喊，所以上床先睇。
正當我行近佢，準備扭轉塊面望過去，有一班大陸旅行團係我面前9衝，又嘈又多人，我想兜路行都唔得，而佢兩個就係人群中消失左，我冇周圍搵。諗諗下都係唔食，成班大陸人都霸晒啲位。我行返轉頭上電梯去到最頂，逐層逐層咁行落黎，一路行一路諗個兩個係咪Jason同佢條女，定條女既身份同我之前一樣。我不停諗，開始諗唔同既可能性，會唔會係咁岩一齊上堂，大家都好夾，咁就一齊左？定個日佢影完張相覺得好好j, 之後就flirt人，flirt flirt下發覺追唔到人就轉做sp..?
我係度諗佢之前同我講既野，話覺得係利用左我、見到疑似係同學就甩開我隻手等等既奇怪事，突然諗起第三個可能性，其實條女一直都係佢女朋友，佢地嗌緊場大交，所以佢就搵第二條女安慰心靈...如果真係咁，咁佢做既所有事就解釋到。
「掂到後線，擇界呀，唔緊要，再接再厲！」Namco既喧鬧聲將我帶返黎現實，我行入去睇，見到一男一女掟緊彩虹，唔知點解我心跳加速，行近啲，原來唔係佢地，我鬆一口氣，如果真係見到Jason, 都唔知hi唔hi好。我行返出去，繼續再下行，望一望電話發覺都六點幾，要返歸食飯。我落到去8樓就搭返條閃死單身狗電梯離開，每次搭都會有好多情侶攬埋一舊係度錫，簡直就虐待單身狗。今次都唔例外，隔離往上既電梯勁多閃光彈，其中一pair好似...好似係Jason呀！佢面向上，條女背住我咁企上左一級咁攬住佢，呢個情況想走都冇得走。佢察覺到我，表現出愕然同不知所措既表情，好尷尬咁微笑，我都微笑同點頭，好想條電梯郁得快啲。終於搭完條死人電梯，我再回想返頭先既畫面，條女係紮鬢辮、揹背囊、著牛仔短褲...即係我冇認錯人，岩岩係food court個層見到既真係佢地，亦即係條女係之前Jason係lift影個個....究竟佢地係咩關係，有好多問題係我腦海。
到夜晚，我睇ig既時候，彈出Jason既訊息，訊息既開頭係「對唔住，你睇完呢個訊息之後唔需要覆我，我認為你有需要知道......」我唔敢禁入去睇晒成個內容，我知自己實忍唔住喊，所以上床先睇。
終於出文啦 等左好耐
冇人追 我以為冇人睇
樓主依類女仔都幾好
點解咁大個仔都冇遇過
Btw 個故好睇
點解咁大個仔都冇遇過
Btw 個故好睇
仲以為會比人話係雞添
樓主出多D出密D先有人睇
Push
樓主加速吧
未有貨
耐心等緊樓主
多謝你呀！
其實幾好睇
不過都係老生常談啦太易得手好難令人珍惜
不過..出快啲
不過都係老生常談啦太易得手好難令人珍惜
不過..出快啲
樓主真係累得很
「對唔住，你睇完呢個訊息之後唔需要覆我，我認為你有需要知道成件事。我係賤人，對唔住。你記唔記得我話好似利用左你，話唔想拍拖，叫你唔好鐘意我，其實我有女朋友，就係你係朗豪坊見到個個。我放tg係連登係因為個排同女朋友嗌左場大交，想搵人傾下計，開解下，冇諗到你會搵我，仲發展到個個地步。我諗你應該想知個日係hall度拍門同打比我個個係邊個，冇錯，係我女朋友，而當晚冇同你食係因為我發覺我地要終止呢段關係，唔可以比大家再投入更多感情係段關係度。」睇到呢度，我成個枕頭都濕晒。原來一直以黎都係自己一廂情願，仲以為係自己比機會佢，其實係我從來都唔會有機會。「我利用左你，對唔住...我冇諗住呃你啲咩，當我feel到你好似對我有野，我唔忍心見住你投入感情係一段冇可能既關係度，所以我先想一刀兩斷，但有時又想曳曳...同你一齊我好開心，全部都係真感情。我知你一定好憎我，我唔介意你block我，對唔住，希望你搵到個適合自己既男朋友。」呢一刻我直情想掉爛部電話，點解件事會係咁...原來我一直都比人玩緊，我只係一件比人發洩既玩具。
經過呢件事，我唔會再咁輕易投入感情，但亦都因為咁，我更加心急想搵男朋友，想被愛。所以，我決定用交友app, 本身想down HeyMandi但流失率好似好快, 最後down左skout, set左個名做Cherry, icon係風景圖，我諗都易用既。
第二朝，我開個app就見到有幾個人既request, 全部人既第一句都係「今晚出？」除左一個20歲，icon係係gym room既自拍圖，遮左樣，叫Ben, 佢第一句係「hi🤣」
經過呢件事，我唔會再咁輕易投入感情，但亦都因為咁，我更加心急想搵男朋友，想被愛。所以，我決定用交友app, 本身想down HeyMandi但流失率好似好快, 最後down左skout, set左個名做Cherry, icon係風景圖，我諗都易用既。
第二朝，我開個app就見到有幾個人既request, 全部人既第一句都係「今晚出？」除左一個20歲，icon係係gym room既自拍圖，遮左樣，叫Ben, 佢第一句係「hi🤣」
咁樓主而家有冇拍拖？
咁快想要男友係咪純粹想要人陪
咁快想要男友係咪純粹想要人陪
冇呀
唔係 我想一世
唔係 我想一世
以為你想報復
求其搵條仔一齊
求其搵條仔一齊
唔係啦 我唔會犧牲自己下半世