［翻譯］韓國懸案/奇怪案件

殺人回憶正呀
啲人話呢套戲係拍俾個兇手睇
最後大頭shot 個眼神其實係直視緊個兇手

呢個真
睇咗咁多懸案真係幾sad

見到大家講voice同signal，唔知有冇人有睇過套叫隧道
我覺得依套都拍得好好睇

班警犬會叫你放棄

未聽過呢單野。
有無懶人包？

推

幾時會講世越號，一直等緊好想睇呢單史上政府應對最荒謬既船難

出哂名變態恐怖嘔心既懸案
GOOGLE就會即刻搵到受害人既相
唔敢再睇

梨泰院有冇多D keyword?
google "梨泰院" 淨係得講飲講食

我膽細唔敢Google
可唔可以講少少？

梨泰院懸案咪搵到
梨泰院地方名黎梗係搵唔到

都差唔多十年前睇
唔太記得案情
但係受害人個樣仲係有dd印象留左係到
屋企依家無人唔夠膽google比你
大概係受害人比人殺左之後
將佢遺體改造
胸部切走左內臟唔見左果d
同埋個嘴界開到好似小丑咁

可能有錯
等其他記得既巴打補充

係咪得翻上半身？
好似睇過

佢地測試咗好多樣野，有d傷口似係鉗造成（有d好細既傷口），有d似係槌仔兩邊唔同既頭造成

但都係確認唔到兇手係搵乜野係咁打佢地個頭

熱門

Live 等咗好耐呢啲po
支持

案發地方就係藍可兒個間酒店

去咗search黑色大理花
啲圖

五個青蛙少年呢單，電影講埋個屠夫九成係兇手，
因為熟識地形、屠殺手法相同、打結手法相同，但證據不足捉唔到

從此案開始到2004年7月，他在首爾各處奪去了20人的生命，受害人由富有的老人到上門按摩師都有。

在遊走於殺人遊戲以前，他曾犯下多次盜竊、勒索等罪行。例如以偽造的警察證件去勒索一些從事不受法律保護職業的人（例如上門按摩師等）

在開始殺人後，他曾因盜竊再被捉入警局。由於怕被搜出偽造的警察證件而被揭發是連環殺人犯，所以從警局二樓跳下來逃走。

犯下殺人罪以前的他，曾多次被拘留。他聲稱自己與一個牧師結緣，信奉了宗教，甚至乎當時他會隨身戴著十字架。他希望可獲從輕發落，結果卻被判十年徒刑，在此以後變為反宗教人士。

後來他犯下的殺人案中，不少受害者是居於教會附近，很有可能是與他反宗教有關。

2003年到2004年的殺人案件如下：

1. 2003年9月24號
首爾江南區新沙洞
S女子大學名譽教授李某（72歲）及其夫人（67歲）被鈍器所傷而死

2. 2003年10月9號
鍾路區舊基洞
潛入停車場管理員高某（60歲，男）的家中，把其夫人（58歲）、母親（82歲）及兒子（35歲，肢體殘障）以鈍器猛擊34次

3. 2003年10月16號
江南區三成洞兩層住宅
潛入單棟住宅後把崔某（70歲）及其夫人（69歲）以鈍器殺害

4. 2003年11月18號
鍾路區惠化洞兩層住宅
潛入單棟住宅後把金某（87歲，男）及其家務助理裴氏（53歲，女）以鈍器殺害，為了銷毀證據而縱火。現場還有金某初生的曾孫，他用被包圍著嬰兒，剛好在他窒息死前離開了案發現場，所以金某的曾孫勉強撿回一條命。（唔知係咪有心放過BB）

5. 2004年3月
麻浦區老姑山洞商住兩用大廈
柳永哲在自宅內殺害了按摩小姐金某（25歲）

6. 2004年4月14號
中區黃鶴洞
在市集以自己的BESTA貨VAN吸引檔主巖氏（44歲，男），然後將其殺害

7. 2004年4月至7月
麻浦區老姑山洞商住兩用大廈
以電話召妓女或按摩師上門，然後把她們殺害，合共11人

最恐怖都係活顯帝國教單野
最衰個節目腰斬左 睇到最高潮位就冇左

唔敢睇套戲，驚係咁喊

雖然呢個post係講韓國懸案，但係有一單懸案發生係大陸四川重慶，呢一單案件唔係殺人咁簡單，內情一步一步咁推測落去你個心就越寒

時間係2009年11月，案件大概係關於重慶市巴南區雙星鎮內

事源農工匡紀褖係2009年11月5日中午12時由重慶市江北區返到雙星鎮，打算為當時就讀中學七7年級13歲嘅獨生子匡志均送上生活費。

當佢打算推開家門嘅時候，發現大門緊鎖，相反原本有兩塊大木板同一支鋼筋阻擋住嘅後門有虛掩嘅情況，最後選擇由後門進入，一入到去發現兒子匡志均己經死亡，但恐怖嘅係發現兒子嘅時候，佢係被人吊左係屋嘅中間，身上所穿著嘅係表姐既大紅裙，裹面就著住一件頭嘅女裝泳衣，心口中間掛著一朵白花，雙手雙腳被捆綁，而隻手就吊係橫樑上所以雙腳離地
，但腳上亦被綁上一個大抨砣，死狀非常奇怪，而屋內各處凌亂不堪，匡志均屍體旁邊有一張翻側左嘅長椅，父親匡紀褖立即報警。

警方向鄰居查詢，而鄰居描述死者匡志均雖然個性頑皮，讀書成績亦不佳，但為人亦老實及待人有善，也不會隨便招惹他人，無發現過他有任何穿著女性衣物的習慣。

而法醫檢查屍體過後發現，死亡時間大約11月3日或4日（死者13歲生日後的第13日），死者身上有不算很重的外傷，除此之外雙手、大腿、兩邊肋骨及腳踝位置，均出現好深的勒痕，而最離奇嘅地方，死者前額位置出現一個小孔傷痕，推斷為針孔所做成嘅傷痕。

而警方經過調查後，向父親匡紀褖發出兩份文件
第一份係 《重慶市公安局巴南區分局不予立案通知書》
大概入面寫住 沒有發現犯罪事實，不予立案
第二份係 《意外死亡證明》
入面寫住 ：經市、區兩級刑偵、技術部門調查，匡某死亡事件排除他殺、自殺，屬意外死亡。

父親追問「意外死亡」的含義時，警方對其表示「比如玩遊戲也可能引起死亡」。

父親匡紀褖不服上訴，但仍被駁回。

法醫的最後結論為匡志均體位性窒息死亡，此結論的根據有5項，包括「死者有異裝癖……父親曾見死者身穿表姐的衣物」、「從現場床上蠟燭滴痕分析，死者……有一定程度的自虐傾向」以及「繩索捆綁方式」。

事件就此結束，但因為離奇而受到廣泛報道，而係當時大陸網上有好多人討論呢件事，有熟悉茅山及巫術嘅網民去嘗試拆解呢件事。


網名指出死者出生日期應該為1996年10月23左右，五行命格為水，而死時為13歲零13日，而作案時間極下可能為亥時等嘅陰時，而前額插入嘅係「分魂針」，再加上身穿紅衫，再令雙腳離地，推測可能係想以活人身上練出一個至陰嘅魂魄。

大抨砣及紅衣
穿上鎖魂紅衣，繫上墜魂砣，這就是留魂。，

分魂針
分魂針插入他的頭頂，這是瀉魂，估計兇手應該帶有裝魂魄之類的道術法寶，比如葫蘆，盒子之類的裝魂之物。

白花
用用作引魂之用

泳衣
屬水，配合其屬水嘅命格，令魂魄更陰

屍體吊起離地，掛在橫樑
掛在樑上，因為按道術的說法，魂魄是不可能完全取凈的，所以必須讓他離開地面，掛在樑上是因為木代表生命，有引魂的效果，這樣才能把孩子的魂魄取凈!

案件大若係咁
仲有好多圖片，因為都幾不安，所以我唔post，自己搵紅衣男孩會搵到

樓主唔好意思 打斷左你