[冬日激賞] 西裝、皮鞋、皮件討論帖 (22)

袋入面唔用lining用袋布係好正常做法黎wo朋友⋯⋯

LH 手工都差唔多

次次都話要兩個禮拜起碼, 但實際上就一個禮拜內搞掂 個頭盔笠得幾好

有無相？

我做2套，2套都加左錢換lining (a 同b) ，第一套全套包埋裝都用a lining, 第2套用a+b , 正常做法？？打手走開啦唔該

做2套， 2套褲fit 唔一樣係咪又係正常做法

新手想問鞋頭鐵有咩用？

咁你不如俾張圖黎望下啦，我真係好少見有人用lining做袋布

同埋兩條褲鬆緊唔一樣，有時候可能係料既厚薄唔同問題或者係工場搞錯，當然db有責任搞番但其實呢啲問題係非常容易解決，拎番去執就得⋯⋯都唔明你咁惡做乜

附圖，我依家著緊件b& tailor，同我櫃入面果堆外國裁縫，無一個用lining黎做袋布的

攞返去改咪得囉，唔係咩大件事，佢唔肯改咩

b&t overall黎講同陳記比如何？

「鞋子在長久使用下來，皮底磨損最大的兩個地方，分別會是鞋跟還有鞋尖，也就是人在正常走路時最先觸地及最後離地的兩個位置。

鞋跟要是磨損了，不要緊，去換一塊皮跟就好，不貴，也不浪費。可是如果鞋尖磨損了呢?要磨到延條，要是依每星期穿三次的頻率來算，大概一年多左右就會磨到延條了，那時候就必需要更換大底，整個大底換掉。然而，在這時候，你鞋子的皮底可能都還沒磨到一半，更別說破洞了，這樣就整個換掉，的確是非常浪費。或者換Vibram大底的各位會比較沒感覺，因為費用實在不貴。但如果是更換皮底的話，做得工整好看，大概都是要推原廠或是寄到日本的修鞋店。Brass、Union work等都是好選擇價格都在2萬四千日幣左右，而原廠，大概都在二百英鎊左右。

而且，有時候鞋頭也會因為各種原因踢到、弄到。

而加鞋頭鐵片，就可以大幅提高鞋尖的耐磨程度，也就是可以讓鞋子的皮底磨到破洞，鞋尖都還沒磨進去，一方面保持雅觀，另一方面又變相延長了整個皮革大底的壽命。」

Quote 我自己四年半前講既野

Cutting 好主觀，不評論；fitting因人而異，唔評論；B& tailor手工位多啲，gimmick野多啲。當年我做一套二百萬韓圓都算抵做，依家加左好多。

不過講真，身在香港，陳記係方便好多。

你都幾得意，我係問8千range 有咩推介，我都寫到明dreams 係2年前做既，有人問有咩唔好我咪照答你係要加咁多見解意見，宜家我係post 投訴dream's 咩？要投2年前投左啦，唔明你一見就咁緊張跳出黎又post 相又盛，friend 底？

其實牛巴回得好客氣
答返你 講做工wwchan 係香港肯定係第一
不過你要預時間比一般香港鋪長
我12月頭 做條褲， 過左個半月都未有first fit
有次做件jacket 一共用左三個月

同埋我講緊係心口個袋位，唔係前面2個袋

Thanks Wwchan 8千至1萬應該唔夠？

Friend底就不嬲公開既野黎架啦 不過無任何利益關係，甚至曾經係同業競爭對手

你講有咩唔好，最後講左啲根本不著邊際既野，依家鬧番我轉頭做乜？

袋布同lining本身就係唔同既野黎，而兩條褲唔同fitting更加係正常都不能再正常；每塊布布性唔同，就算尺寸一樣，紙樣同一個，出黎既效果同fitting都有機會唔同，點處理就要睇經驗，同埋事後點執。

如果一樣紙樣著上身就一樣fit，咁唔洗下下試身啦，我地都唔洗山長水遠搵外國裁縫keep住做啦，訂一套外國野拎番黎拆左佢抄紙樣響香港平平地搵工場做咪得，洗鬼咁辛苦下下飛外國？

問題係現實不是這樣呀嘛

呢啲咁既小問題，拎番去執咪得，唔好唔識又要鬧人啦

同問 有邊間 8千樓下 2pcs suit , 好過dB。

講幾耐你先明？


袋因爲成日要袋野同拎出拎入，用lining 會好易爛同穿，所以一般都用「袋布」，通常係厚身少少既棉或人造纖維黎，會襟用好多，係實用性考量

一般除非好似Corcos咁，用啲勁厚既lining，否則袋一般會用另一種厚身啲既布做「袋布」，呢個係正常做法，不存在問題。

如果佢用左d silk lining之類幫你做左袋，你先應該要換番佢做袋布⋯⋯

Sorry 眼殘睇漏左budget , Chan 應該要萬5 起步。

你真係好野，我加左錢換lining, 第一套係心口袋用岩，第二套用唔岩，就話因為無關痛癢冇所謂，擺明係第一塊lining用哂又唔肯再入貨又唔講比個客聽，你咁講好多野都無關痛癢啦點解要比貴d 點解要加錢姐

至於褲，我2套係同一隻料唔同色，係咪染果陣又會令到d 布唔一樣呀？我post 出黎係問推介就唔係為左踩佢，我只係唔想有人推介佢比我先講明

緊張到咁，我都好想睇下Wwchan 比人踩既話會唔會有人衝唔切就出黎又貼相又盛護主

純講做工，無。同級就有幾間

咁唔好意思啦佢心口袋真係用左lining, 應該都係我錯啦乜都唔識冇叫佢換