社區藥劑師，健康/藥物問題 你問我答

食 ibuprofen 係咪唔洗一定配胃藥？

有毛囊角化
搽左urea 10% cream 都冇咩效
仲有冇其他方法

con都關你地事

其實係咪受管制藥物，要醫生處方先買得？
定係話胃痛話買呢隻就得？
利申：純粹好奇

Ching好佩服你咁有heart 我而家係外國讀緊year 3 pharm. 翻來放sem break

西定中 中好小人工

喺美國天氣凍又乾燥
一開頭開暖氣乾到手腳出疹又有濕疹症狀，成日痕醒
食過Cetirizine 2HCL 10mg，可以收到手腳嘅疹
但濕疹幾粒就由佢好，再加搽St Ives body lotion
依家隻腳腳眼有疑似牛皮癬嘅嘢
左右腳眼都有，會痕
請問有無咩藥食下搽下可以醫到？
有圖慎入
https://na.cx/i/ija4njL.png
https://na.cx/i/dNXVtZM.png
唔該曬

仲有一個問題
我成日12點左右瞓覺瞓到凌晨4,5點就會自然醒瞓唔返,
已經持續左近一個月
除左做返睡眠衛生，係咪要食melatonin?

鼻可靈你連續用左幾耐？
個劑量係咪早晚每個鼻孔2下？(有見過醫生唔知點解開個較低嘅劑量)
如果想啲藥吸收得好啲，記得對住鼻翼噴 (噴個陣微微吸氣)
理論上要連續用1個星期先可以見到最佳效果
用2-4 星期個幾個月先會好啲

其實理論上如果洗鼻可以左右到的話就會洗得乾淨啲
理論上只要"jit"得狠啲就可以

頭髮個度：
施巴係用緊洗頭水？應該就唔會幫到生頭髮了
佢個pattern似唔似雄禿，慢慢M字咁？ (不過一般雄禿會有家族史)
你朋友最近會唔會壓力大呀？ (壓力可能會搞到短期脫髮)
你望佢個頭覺唔覺真係稀疏左好多？(有時係個病人自己心理上覺得真係疏左)

假設如果係雄禿的話用藥 (外用 OR 內服)就真係要用一世

可以custom made咁把炮
azelaic acid 4%, clindamycin 1%, zinc pyrithione 0.25%
呢3個成份都OK wor
不過其實mixed cream 有好有唔好
好就係方便
唔好就係冇得減藥 (例如你唔嚴重可以搽azelaic acid 4%先，唔得先加clindamycin 1%)
你如果控制到都唔洗加A酸 (A酸會令皮膚比較乾 & 唔可以大肚)

長期搽Clindamycin 有研究話可能會慢慢失效，始終都係抗生素
以前係用另一種抗生素 Erythromycin，後來都發現大部分暗瘡菌都對佢有抗藥性 now都好少用了

絲打用開咩洗面？有冇一日洗2次？

可以咁講：
1. 如果有緊胃出血/ 胃潰瘍 呢類問題 → 最好唔好用NSAID
2. 如果有胃病病史 → 最好加胃藥 (當然啦，最好都避NSAID)
3. 如果冇active 胃病 & 病史，但之前飽肚食NSAID 會胃痛 → 最好加胃藥
4. 如果冇active 胃病 & 病史，冇試過食NSAID有唔舒服 → 其實唔配胃藥都得
當然啦，仲要視乎服藥嘅時間長度，如果長期要食都可能會加胃藥

所以一般健康人如果只係短期食ibuprofen，飽肚食就OK了，唔洗一定要加胃藥 (不過好多醫生怕病人會胃痛，都會加定先 )

之前有係FB Page答過人，copy 比你參考下
唔明再問 不過你個Urea可以用%再高啲(20%) & 再搽密啲

"毛囊角化通常都是因為遺傳因素，毛囊的表皮細胞排列出現了角化異常，造成皮膚的鱗屑不能正常地排出，反而阻塞了毛孔。
大部分病人都會隨著年紀增長而有所改善，但也有病患的症狀會一直反反覆覆。

1. 做好保濕工作；可以考慮使用含有尿酸的潤膚膏，濃度越高功效越好但也會越油膩；尿酸含有軟化角化皮膚的作用，亦能改善乾燥的情況。
有少部分病患使用含有果酸的潤膚產品也會有改善，但要注意果酸可能會引致皮膚過敏的情況。

2. 可以考慮在沐浴時使用一些海綿去輕輕的搓洗毛囊角化的地方，但注意不要過量搓洗，否則可能會刺激到我們的肌膚。

3. 避免刺激患處，不要經常用手去觸碰或抓癢；若留下疤痕或使皮膚色素因刺激而加深，將會很難消除患處痕跡。

4. 除了類固醇外，外用A 酸藥膏也可能會有作用，但因需留意的事項較多，如想使用前可以先諮詢醫生或藥劑師的意見；而A酸藥膏在香港也是需要醫生處方的。

5. 即使你使用了以上的辦法，也要保持耐心，可能需要數月才會見到改善；未來也不排除會有復發的情況。"

講真con水我就真係唔係好識
不過眼藥水我地就會好熟，因為每日都會有好多人問

受管制呀，要醫生紙
因為可以流產用

講真胃痛就唔會有人用呢隻啦
因為相比其他止胃痛藥下係比較多Side effects (最緊要係會影響大肚婆，咁女性有時有左都唔會知)

我地30號有活動呀 (我地FB Page 有Post)
如果得閒可以join join 交流下

of coz 西
藥劑師課程全部都係讀西藥，我地個牌都只可以掛西藥房
不過每日都會有人問我中藥，唔識

Ching真係好有heart 放完兩日假今日要返工都咁早起身覆大家

Cetirizine 係抗敏感藥，收紅疹係OK，濕疹就唔得了
如果夜晚會痕醒好困擾，可以臨訓食粒眼訓嘅antihistamine
(美國藥房應該有，你去問個Pharmacist)

你腳個到可能要搽少少類固醇wor ，有左好耐？一開始係細細達？
望落好乾你要怒搽潤膚膏，St Ives body lotion可能唔夠笠要轉隻油啲嘅

不過美國啲product我唔熟，你要問返當地pharmacy
佢地醫藥分家左，每間藥房都會有藥劑師可以問，唔似香港

Ching真係好有heart 放兩日假今日唔洗返工都咁早起身覆大家

太易醒有冇原因?
關唔關個睡眠環境事? 定因為工作關係好多jet lag? 定好大壓力？

因為褪黑素 (Melatonin)其實講得顯淺啲，係你閉上眼之後身體會製造的一種荷爾蒙，主要係幫助入睡
所以如果突然日夜顛倒 (例如搭飛機產生時差)，你身體就唔識突然提早or遲 整好多褪黑素，所以我地就可以食啲人造褪黑素去調較返個生理時鐘 (Circadian rhythm)

不過如果絲打係後生而又冇時差問題，好少會係melatonin 分泌不足引致失眠的

如果真係呢輪好辛苦可以試下食antihistamine 訓教 (當然係講緊短期舒緩啦)
可以考慮用diphenhydramine 50mg, 因為呢隻係比較眼訓同埋有做過insomnia嘅study
訓前一個中食，因為起效比較慢
不過如果絲打你有青光眼 OR 紫質症 就未必岩食啦

今日唔洗返，間鋪有part time返，聽日先開工

但今朝唔知點解7點半就醒左 返工生理時鐘

用左都有1-2星期啦 都無乜用 所以我先用返安鼻0。


頭髮：無乜m字。佢靜係覺得頭髮簿。同無啦啦變幼左。 可以點搞 咁壓力 搞到甩。咁姐係無得藥救

敏感已經好返喇，係仲有少少濕疹同隻腳嗰2撻
隻腳嗰個有個幾兩個月喇應該，之前細撻啲，依家大少少
我上網睇以為牛皮癬，話唔用得類固醇
都唔知點
用油得唔得？我有sweet almond oil, Squalane oil 同moringa oil
定係敷vaseline

你係主要係流鼻水？定鼻塞？
啲鼻水會唔會黃黃地？
如果Beconase唔得可以叫醫生開第2隻類固醇比你試

如果係壓力搞到甩，就一定要搞搞個壓力先
同朋友傾訴又好，見社工又好，見醫生都好
唔係用藥搞頭髮都係冇乜用