社區藥劑師，健康/藥物問題 你問我答

逢親精神科藥物，就算+尤其是抗抑鬱藥，頭一開始都會有機會增加病人自殺傾向
想像係一個唔平靜嘅水面掟一塊木板上去，個一下水面會更加多漣漪，但係往後呢一塊木板會令你情緒穩定啲（藥理上）
又或者有啲人係因為藥嘅（副）作用間接令佢哋心情差

我估佢講緊escitalopram 啦，因為xanax 低啲機會。而精神藥都係藥揀人，要試出嚟，所以轉藥都唔出奇，但係普遍escitalopram 都幾多人用

通常啲人會以為"毛"係最主要嘅致敏源，但係其實佢皮屑先係
因為唔會真係有人吸到毛入個鼻哥到
而貓嘅皮會留係一間屋好耐
就算翻轉全間屋嚟吸塵都只係去除到一部分
但係我覺得為咗一個未知嘅致敏源（雖然大部份時間都係）而送走愛貓係幾無效益
所以你可以試埋以下幾樣嘢先
其實鼻敏感嘅致敏源都稱唔上係試，因為係根本就唔應該存在，只不過你願意付出幾多去整乾淨間屋啫

鼻敏感致敏源包括：
1. 塵蟎
主要來源：任何有毛毛嘅地方，同床
2. 老鼠小強屎尿屁
主要來源：任何窿窿罅罅
3. 小蟲蟲
主要來源：罅
4. 霉菌
主要來源：牆、木
5. 花粉、塵、煙、廢氣
主要來源：人流、空氣污染
6. 寵物

絕大部份9成人都係上面六樣嘢搞掂
唔會再去做skin prick test
如果做足都係有事/特別有啲時間勁啲先再仔細做測試

有咩濕疹藥膏係唔洗醫生紙？

如果問得咁仔細
咁我哋都要開始從複雜少少嘅角度去答
所以好多療程(例如糖尿病、腎病、精神病。。。）病人都係要上好多好多堂先開始得架

難得你肯問
而且我相信你理解能力都唔低
咁我仔細啲分析我哋點睇副作用

抗抑鬱藥嘅＂自殺傾向＂我哋會定性佢為＂不良事件＂多過叫佢副作用
＂不良事件＂指你食完隻藥發生咩事都報畀醫生聽，誇張講句，你食完panadol 出街被仇家斬都係一個"不良事件"
假設
100個人食緊escitalopram
20個食完真係自殺
50個食完話唔想自殺
30個食完話想自殺
幾個問題
1. 抑鬱症常客就會知，你答護士／醫生＂你想唔想自殺＂簡直係改變你一生嘅50:50
想自殺嘅人可能會因為唔想被人困住而答唔想
唔想嘅人可能想繼續有得睇所以答想
個80個話自唔自殺嘅準唔準?
2. 50個有自殺傾向嘅人
究竟係食完藥所以想自殺
定係睇完醫生想自殺
定係本身就想自殺
定係忽然想自殺？
無人知，連病人自己都唔知

所以我哋手上有嘅數據，大部分都無乜指向性
但係比較有用嘅有以下幾個
1. 食藥嘅患者，青少年試過自殺嘅比大人多
2. 之前無自殺傾向嘅人，食緊藥同無食藥嘅自殺念頭無分別
3. 之前無自殺傾向嘅人，食緊藥比無食藥嘅自殘行為多啲
4. 本身有自殺傾向嘅，食完自殺率同念頭比無食低
5. 全球整體嚟講，有冇食藥嘅自殺死亡率相約

與其話一開始食會有副作用，我哋更多會話＂抗抑鬱藥要食起碼3-4星期先會有效果＂
我哋都會建議患者每兩星期評估一次（可唔可行就另一回事啦）
而藥，真係唔係治療最重要個一環

全部純潤膚膏（包括水性油性）
純止痕藥膏（含Diphenhydramine)
Hydrocortisone 1% cream (最弱嘅類固醇)

其餘嘅
類固醇要
抗生素要
新式抑制免疫系統藥都要

有冇試過保濕沖涼法?

保濕沖涼法係乜？
用aqueous cream沖涼 但效果唔係太好 好過用soap

用緊係日本買既無類固醇濕疹藥膏

用aqueous cream 沖無乜用
因為佢話明aqueous, 即係啲油會跟水走
通常會用liquid paraffin/豬油膏 (即係ointment)溝水咁當沖涼液咁洗全身 (除咗會up住嘅位)
沖完涼即刻搽cream，有醫生話唔好抹身，有啲話要，如果唔太嚴重可以試下抹咗先

你個隻藥膏可唔可以畀我睇下？
有啲潤膚膏可能有
glycyrrhetinic acid
urea
glycerol
oat
最出名個啲牌子嘅濕疹潤膚膏都各有以上嘅成份，都會有幫助

氣管窄係一個可能啦
另外可能喉嚨都乾
瞓低會條脷封住氣管抖氣唔順
我會試幾樣嘢

1. 平日無嘢做就多飲水，寧願密啲細細啖，都唔好一下飲一樽，當然咁都好過唔飲嘅
2. 西醫無潤喉，不過我覺得草本／中藥潤喉嘅都可以試下，重有蜂蜜都可以試下（如果無敏感）
3. 試下枕高一個枕頭，調整返氣管同脷嘅位置（如果瞓得唔舒服就唔好啦）
4. 慢跑，以強度計，跑到講到嘢但係唔想講嘅程度就得，最主要訓練氣管擴張同肺嘅肌肉。平均每日30分鐘。
5. 如果係無扯住氣管咁咳嘅話，有dextromethorphan/pholcodine/codeine 成分嘅咳藥/水可以幫到手，買嘅時候可能要寫簿
5. 真係氣管咳得好犀利，藥房都有好多氣管藥可以賣(唔洗醫生紙)
Diprophylline
Theophylline
Terbutaline
但係如果唔係影響得瞓覺好犀利，我都唔建議用
一嚟副作用大（明顯心跳手震）
二嚟易有相互作用
（但係又唔知點解政府唔當佢毒藥）

佢主要幫到你嘅成份係
グリチルリチン酸二カリウム（Glycyrrhizinate dipotassium）
クロルフェニラミンマレイン酸塩（Chlorpheniramine maleate）
トコフェロール酢酸エステル（Tocopherol acetate）

第一隻潤膚止痕保濕
第二隻止痕
第三隻修補皮膚

佢隻藥其實係大包圍
又有消炎，又有麻醉止痛
我唔建議長期咁搽消炎藥落皮膚，但係宜家一路搽都無大問題嘅

http://pegashadraymak.blogspot.com/2017/05/c.html
如果你想搵打底嘅話
小小藥罐子呢篇嘢會幫到你
而且佢寫嘅嘢都有根有據
可以參考一下


但係西醫角度
講嚟講去都係三幅被
均衡飲食呀，保持空氣流通呀，乜乜乜
咁站返係一個正常人嘅角度
我分享下我自己會點做啦

1. 飲水
飲水嘅作用真係比想像中重要得多
個人一乾就好易病
而且燒都燒耐啲
痾尿排毒又係水，發燒又係出汗，吸收又要水，血液循環又係要水
大部分時間愈多水，身體愈好
2. 多飲熱飲
雖然未必有西醫醫學根據，不過凍飲會耗損陽氣。除非你好受得寒，如果唔係就乖乖地飲熱飲
我逢早餐有得揀都一定揀飲熱檸水
個人信念覺得會對抵抗力有幫助，但係無再證實，至少我都年幾兩年無病過，之前都一年先一次病2,3 日咁
3. 保持個人衛生，但係唔好過份怕菌
掂口掂鼻掂眼嘅一定要乾淨，因為黏膜一有菌就好易感染
但係唔需要太在意有啲手掂嘅有冇菌，當然要周不時洗手，但係唔洗過份洗
除非有好嚴重嘅疫症狀態，如果唔洗成日避菌
你放任得免疫系統太耐，一嚟料就會弱
4. 做運動
身體好嘅時候最好做啲高強度少少嘅運動
令你呼吸大啲，增加肌肉量，同加快血液循環
呼吸深：幫助你換走肺嘅死氣
肌肉：增加你日常新陳代謝，每一呼一吸都好似做緊運動咁
血液循環：刺激免疫系統
5. 要識凍
雖然凍整體嚟講係易病啲，但係最易病唔係凍到幾度個啲時間，而係涼涼地，你唔覺凍嘅時候
你身體知道凍嘅時候，會棄車保帥，手腳凍但係軀幹暖，同時會令你震，令你暖啲
但係唔識凍嘅時候，體熱就會經手腳去哂出面，入面就凍
所以冬天沖凍水涼，曉凍，反而可以刺激免疫系統，無咁易病
當然唔係叫你一嚟就試，但係你受得住嘅可以久唔久試下，沖完重暖過熱水涼
6. 食多啲唔同種類水果
維他命同鋅係免疫系統要嘅化合物，正常嚟講唔洗食補充品，水果同均衡飲食就夠。
就算咳個排，只要唔係凍／酸到刺激喉嚨就得。橙嘅問題唔係起痰，係酸同凍啫。

唔該巴打

我買左呢隻搽
幾星期都仲有疤
有冇可能 搽到完全冇疤 好似以前咁

一道疤係時間累積落嚟
一個傷口頭六個月係最主要修復組織嘅時間
就好似條弧線封頂咁，過咗六個月都會繼續生，但係效果愈嚟愈細，好似無分別咁
疤痕就係修復嘅偏差。一條路軌一開始起錯角度，就只能夠盡早減少錯，無得起另一個角度抵消
所以一係就砍掉個啲皮膚重練（切割、激光
etc）
一係就盡做六個月後嘅事

呢隻係有silicone 架
不過都係幫你減淡，冇可能去到以前咁啦
想完全冇疤，唯一方法就係.......

















小心啲保護好自己唔好有傷口

Hello巴打 我跟你介紹買左隻10%benzoyl peroxide試 再加埋支屋企原先有既skinoren一齊用 而家d粒粒無曬咁濟好多謝你
而家頂多係久唔久有有兩粒瘡 搽左benzoyl peroxide都好快謝
btw搵到下面張圖 完來哩個combo可以搞掂大部份暗瘡問題

我對手呀

我對手呀

第一隻牌子名係pristiq, 食過一排對我來講無乜副作用，最多可能係盜汗。

醫生話係比較雙向既藥，同時抗抑鬱同焦慮。

但躁鬱就唔岩食。

屋企仲有d 係到

想問下醫躁鬱症既情緒穩定濟係咪好多副作用？

G6pd 用藥好煩