社區藥劑師，健康/藥物問題 你問我答

答咗2先
無所謂，famotidine嘅時間比飯前飯後重要
如果有信心記得，就計時間 eg 早晚8點
如果無，就飯時（一食飯就記得食）
夾得啱早晚就得
如果係中和胃酸藥/腸釋片先有飯前後分別

1. 本身兩隻藥係無相互作用，而只係Mycophenolate “或者”會受胃酸影響
所以最理想其實係早過famotidine 少少食
但係現實上好難夾到，所以呢個考慮次序比飯前飯後更低

3. 係。呢種句子其實就係想確保粒藥能夠獨霸條腸同個胃，唔好有嘢刺激胃酸分泌。逢「空肚」都可以咁解釋。藥廠做測試好保守，建議空肚食，0%影響吸收；其他研究做到原來就算唔空肚都無分別，所以考慮嘅優先次序再低過記唔記得食。
如果你堅持要搵最完美嘅時間：
一。一起身食，一個鐘後先早餐
二。食完lunch 兩個鐘
三。臨瞓
個人認為三最易做

4. 理論上全部藥效由Mycophenolate 引起但係
事實上一粒藥重有好多賦形劑
例如澱粉、乳糖
而每間廠嘅賦形劑 劑型 etc 都唔同
可能有人對乳糖有反應
誇張啲講句可能有人食乳糖都食得好一個病
但係統計上係無分別/唔大

thx bro

市面上supplement 就未必太有用啦
相反，可以考慮見下臨床心理學家，好多研究都話其實個效果可能比得上藥物

可以睇私家 ($300 - $1000/2000 都有) or 試下NGO
如果係NGO類可以試試：
http://www.resourcecounselling.org/
http://www.hkcs.org/tc/services/nacs

不過見CP 都係一個trial and error嘅過程，要有耐心

(遲來的) 新年快樂
最緊要身體健康

覺得自己雄激素好少 → 點覺得先
有咩症狀？有冇抽過血驗荷爾蒙水平？
巴打大概咩歲數？有冇去醫生到檢查過？
要知多啲details 先可以答到你

因為其實好少會建議食口服荷爾蒙藥，事關一食就全身走，會有好多副作用
而且病態嘅雄激素偏少係好少見，如果你係覺得自己唔夠大隻個啲就當然唔計啦

其實係架
因為傷風感冒90% 都係病毒感染，係靠你自己免疫力休息飲水佢自己好
食藥係for 控制個症狀 only，唔會幫你快啲好
(啲傷風感冒藥廣告其實好mis-leading，令你覺得食左係快啲好 )

所以如果係普通傷風感冒個啲無論你睇幾多次醫生/ 食幾多藥，其實佢都係一定時間後就會自己好 (就算你唔睇醫生，過左你睇2次醫生個時間其實你都會好返 )

所以你病個陣絕對係可以搵萬X/ 屈X寺 嘅藥劑師配藥
價錢就大概 $幾十 到 $1xx，視乎你症狀多唔多，如果想平啲醒你幾招 ：
1. 唔好去遊客區藥房，因為個到比開貴價盒裝藥
2. 可以要求個藥劑師比散裝藥你，會平好多 (遊客區就未必有stock 咁多散丸啦 )
3. 同一隻藥你可以叫個藥劑師比Generic (醫生全部都係用副廠藥，夠平)，or 講明你要最平個隻就 OK
4. 記得同個藥劑師一齊傾你應該食咩藥，講清楚你嘅要求 (例如想唔眼訓，用藥可以重啲 or 輕啲)，呢個係搵藥劑師配藥嘅其中一樣好處，就係你可以決定自己食咩藥，而唔係醫生配咩就食咩

巴打，有冇圖？
範圍大唔大？ 之前有冇試過？
你有冇咩長期病？

一般風癩都係口服藥 + 外用
口服藥：(如果你冇青光眼/ 前列腺問題/ 紫質病)
抗敏感藥 Antihistamine (一般用唔眼訓個啲)，劑量可以食到平時嘅4倍 (不過會眼訓)
外用藥：(如果你冇對藥敏感)
抗敏感藥膏 (E.g. Diphenhydramine Cream)，一日 3 - 4 次，效果較弱
類固醇藥膏 (E.g. Hydrocortisone 1% Cream，係較輕嘅steroid，藥劑師可以配，唔洗醫生紙)，一日1 - 2 次，要避免傷口 + 唔好用多過7 日

不過巴打如果你可以比到多啲Details 我，可以幫你客制化個treatment 方案哦

你之前食咩隻抗生素呀？食左幾耐？
頭瘡範圍大唔大？多唔多粒？有冇圖？
巴打大概幾歲，有冇咩長期病？

頭瘡 一般我會建議
1. 平時用啲清啲嘅洗頭水 (冇乜泡冇色冇味個啲)去避免刺激，如果頭好油可以連續用Shampoo洗2次，但唔好用太勁個啲洗到太乾，會有反彈頭油
2. 如果都有少少頭皮，可以考慮每星期加埋用2次抗真菌洗頭水 (如果冇藥物敏感/ 長期病)
3. 唔好R，痕得犀利可以局部搽少少止痕膏
4. 如果背都有，其實好多暗瘡洗面都可以洗埋背

食藥 or 用藥膏就要你比我多啲details 先答得到你
btw，頭瘡有一個possible 嘅終極解決方法，就係........

















鏟青

長期？短期？之前有冇試過咁？
平時都有鼻敏感？ 有冇食開藥？今次有冇試咩藥？
塞係一邊定2邊？會唔會自己通返？有冇流鼻血？
絲打你有冇咩長期病？藥物敏感？

你講到咁，有可能係structural problems or 純粹係鼻黏膜有啲腫
如果你冇咩長期病 (心臟/ 血壓/ 前列腺/ 甲狀腺/ 青光眼) & 藥物敏感的話
有機會可以食啲 抗敏感藥 Antihistamine + 通鼻塞藥 Pseudoepherine + 消腫酵素 Lysozyme 試下有冇反應

不過你要講多啲details 我先可以比到specific 啲嘅建議你

thanks 巴打
其實唧瘡會有咩後果？
點解鏟青會有幫助

其實G6PD用藥有幾個principles
1. 要視乎個病人 G6PD有幾嚴重
G6PD 全寫係 Glucose-6-Phosphate Dehydrogenase deficiency
但有G6PD嘅病人 每個人嘅deficiency level 都唔同, 有啲係完全冇曬隻enzyme, 有啲可能仲有7成
最嚴重個啲連必理痛 (Paracetamol) 都會唔食得 (但大部分G6PD患者都係食得的)

2. G6PD 有咩唔用得都好關個劑量事
因為只要劑量少, G6PD 只係慢啲去進行enzymatic reaction, 唔過危險劑量就可以了
但當然啦，高危藥就要避免啦 (我check 過，唔見止瀉藥係高危)

So Loperamide 2 mg Tablet 應該係可以的 (如果你冇藥物敏感/ 腸道冇咩特別長期病)
大人一般一開始可以食4 mg 先，then 每次痾一次食2 mg (一日通常最多8 mg)
(如果去到要痾個下先食就已經會太遲 )

不過！有得痾就痾啦，始終痾清啲菌係最好
有時隔硬止瀉反而令啲菌係入面生得好開心

抗敏感藥你係發個陣先食都OK，係for舒緩症狀only ，唔會禁住發炎情況

其實Vaseline 都OK (Physiogel lotion 就應該唔夠力啦，隻野好水 )，不過要搽得密同埋你唔好怕油
如果太陽曬完會特別紅/ 乾/ 敏感，可以用有SPF 嘅潤唇膏 (Dermal Lip Balm 好似有隻係有SPF or QV Lip Balm 都好似有隻係 SPF15，我唔係好記得 )

如果你想搽上去涼涼地，可以用藥性潤唇膏例如 Blistex (如果你冇藥物敏感/ G6PD)

即使嚴重到要用類固醇，都可以用輕啲嘅例如Hydrocortisone 1% Cream/ Ointment (唔怕油可以用Ointment)
你醫生開緊邊隻類固醇比你？

你再去睇
你話私家開左已經食緊一段時間，佢地就會開架啦

因為公立一般比較小心啲，會由低劑量慢慢開到高劑量
但如果你已經食緊300mg & Stable 佢地應該都會continue 嘅

搭單問下巴打
我阿妹早一兩年開始生風癩
幾乎日日夜晚就會生 睇過普通科同皮膚專科醫生跟住戒口都無改善
睇過中醫但一食D中藥發得仲勁
依家佢睇學校clinic keep住開 Antihistamine 每次一發佢就食一粒
但因為佢晚晚都生
其實長期日日食有無問題?
都唔知點好 唔知點解無啦啦會生
有醫生話係壓力問題
但佢唔洗返學/sem break/旅行都會生 好似又唔關壓力事

G6PD 本身就無常用止瀉嘅禁忌
而止瀉藥嘅作用唔係令到本身已經去到直腸嘅大便縮返入去
而係減少腸道（不必要）嘅蠕動
所以即係你要搭車前已經食定（通常係痾完個下食，止下一次）
即係每次搭都要食（因為你估唔到幾時嚟）
如果你話間唔中先有咁嘅問題，都可以隻眼開隻閉畀你食
但係如果長期嚟講，就唔建議靠止瀉藥

以下我估下幾種情況：
1. 無食錯嘢但係就係成日痾（>3 次）
呢種情況，一係就你條腸本身對某啲嘢好敏感（eg 對奶好敏感），一係就係有啲潛藏問題無解決過(eg 腸易激綜合症)
最好睇返醫生

2. 無食錯嘢又唔係成日痾
咁應該係大便嘅生理時鐘唔夾你
最好係一朝早出門前/夜晚痾就最方便
嘗試搵條件反射方法較到時間啱（e.g. 朝早飲奶/飲熱水）
條腸慣咗就自然會唔洗做咩都係同一個時間痾
個人習慣係早餐飲檸水，返工前就自然想痾

3. 好易食錯嘢
咁應該要自己避開啦。益生菌或者會幫到你調整腸道生態。

關於G6PD 藥劑連線大大都講哂佢嘅考慮，而我哋嘅建議藥物都係Loperamide (速治靈可以周街都買到，7-11 超市都有，藥房多啲其他牌子，又平啲) 每日唔多過8粒（16mg）
另外藥房都有Lomotil (atropine + diphenoxylate) 可以揀，定時食，如果想全日保護就可以試呢隻

唔睇醫生當然可以去萬x/ 屈x寺 or 社區藥房 搵藥劑師配藥食啦

失聲係個聲帶水腫左，令你發唔到聲
水腫原因可能係你講多左野 or 有病毒感染 (傷風感冒)

解決方案：
1. 多飲水，多休息，隨住時間佢會自己消腫
2. 唔好講咁多野，再講可能會起 "怎"，會係永久失聲 (當然好少見啦)
3. 藥物：
A. Lysozyme: 幫到少少喉痛聲沙，一般 60/90 mg 每日3次 (如果冇雞蛋/ 藥物敏感)
B. 類固醇，要搵醫生開，隔硬幫你暫時消左個水腫，除非你有重要野要講野，唔係唔會考慮食

所以.... 你可以去藥房配 Lysozyme
不過你一定要有耐性，休息，飲水，講少啲野
一般佢會慢慢好

首先我講咗少少專業答案先
Antihistamine 長期食都無咩後遺症
唯一大嘅問題就係易出現口乾、眼乾、便秘、小便唔順、眼瞓等等嘅副作用
唔影響生活就無事

（以下內容純粹係個人經驗分享，非精密科學，你當多一個道聽途說畀少少資訊你參考）
聽過有friend 有生
然後叫佢睇中醫
佢又再問好多人意見
話睇中醫 其實係會令你發一次勁
然後就會慢慢好返
如果你願意相信佢哋嘅講法，然後又捱得住個一次發
其實係可以繼續睇
我自己又試過有風癩（蕁麻疹）
好彩就係我都幾清楚自己嘅致敏原係咩
但係我唔係成日接觸到都有事
係過咗某個量再加上個排有壓力、身體差先發
一發就由一個位開始一個圓圈咁向外發　
好似漣漪咁走勻全身
但係捱過個兩星期又無事
其實都係視乎你自己身體嘅免疫系統
就好似十萬個激嬲女友嘅理由
你避到99999樣嘢，本身女友係易嬲嘅，總會有一個地雷畀你踩
我哋只係教到你避99999樣嘢，同點氹女友，但係點改女友性格，真係西醫暫時力有不逮嘅地方啦

唧瘡會有咩後果？
1. 好易有疤痕
因為你將一個本身唔係傷口嘅地方整一個傷口
有傷口就要結疤
有疤就可能會有疤痕
重有頭髮嘅日子可能唔明顯
老咗無嘅時候....

2. 細菌感染
同上，一有傷口就有機會被細菌感染
尤其是頭係最多污糟嘢跌落去而你又唔察覺
有細菌感染，可能就唔只頭瘡咁簡單

鏟青其實係幫到你更加容易清潔
而且保持個個位乾爽
又唔會有頭髮刺激佢
啲毛囊就無咁易發炎
不過我又以過來人身份分享下
1. 鏟得太青會將你嘅頭皮暴露係陽光之下
對頭皮皮膚質素唔好
可能會變太乾/太油
2. 啲短嘅頭髮生長周期入面會換新嘅
短嘅頭髮留係頭皮特別拮，有啲痕，要忍手唔好大力Ｒ
3. 啲頭髮會再敏感啲
有風吹都會痕
所以巴打可以根據頭瘡位置同個人體驗
試下鏟青嘅快感
一開始試下剪短但係唔係青
接受到個感覺下次先再鏟

risperidone, sertraline
長食5年會否禿頭? 已接近地中海了

多謝巴打詳盡解答
不過做服務業好難唔講咁多野

係
所以啲歌手成日話打針開concert 就係類固醇消腫
正確發聲方法都好重要
如果你勉強壓低/提高聲量
發力位唔同咗
就會傷聲
聲帶真係要好好保養

感謝巴打咁詳細嘅講解
想問多句，有冇咩方法可以少d 白頭髮

celecoxib diclofenac 一齊食可以嗎？