社區藥劑師，健康/藥物問題 你問我答

Life space隻益生菌堅唔堅

rn路過

Sorry 絲打咁遲先覆你，因為呢2日比較忙同埋呢個問題我要諮詢下醫院藥劑師 & 溫下書先答到你

一般來講25%嘅人食緊Lithium 都可能會有手震呢個副作用，一般同個劑量/ Serum concentration/ 焦慮/ Caffeine/ 其他長期藥 (心律不整/ Beta-adrenegic/ Carbamazepine/ Valporate)/ 情緒/ 疲累/ 大年紀 會有關

一般如果唔係好嚴重可以選擇monitor 住先，避免有咖啡因嘅飲品
如果都係唔得可以考慮搞搞個Lithium 先： (要同醫生傾)
- 長效劑型轉去短效
- 轉化學鹽配方 (Carbonate to Citrate)
- 將每日劑量切做更多份去食 (但總量不變)

如果都係唔得 (而且嚴重影響生活)，會考慮加藥去控制個手震
但個個藥並唔係解藥來，只係禁住啲symptoms

如果絲打唔介意可唔可以講多啲information (唔方便係到講可以PM 我地FB Page )
例如咩事食，食左幾耐，有冇其他長期藥食緊？
800 呢個劑量食左幾耐？

有指甲有橫凹既淺色坑紋可以點樣做

有呀，不過並唔係好多選擇
視乎你係大人定青少年開始食/ ADHD 個病情/ 有冇其他長期病/ 食左有冇副作用
你第一隻藥就係食利他能？如果係青少年其實 Methylphenidate (利他能) 呢類 stimulant 已經係一線治療

點解咁問？

Clotrimazole Cream 一般長期外用都唔係太怕的
但你搽呢隻係有反應？你搽幾次
定你搽緊 Tolnaftate

其實好多時真菌感染我地都會叫人
- 搽感染範圍同埋附近少少皮膚
- 好返後用多7日去預防復發 (所以冇事搽都OK)
甚至如果個人係好大汗，仲可以regular 咁用Clotrimazole 爽身粉

理論上身體嘅真菌感染可以分兩類：
1. 係身體本身有嘅真菌因為某啲原因突然大量繁殖 (例如汗癬)，所以唔會感染其他人
2. 係你係第到感染嘅真菌，例如去泳池搞到有香港腳，如果係呢類咪有可能惹到周圍都係 (例如香港腳r 得多會有埋香港手 )

你之前點解要食 fluconazole 食成5個星期
食幾耐視乎感染地方 & 嚴重程度，例如灰甲真菌難殺啲咪要食耐啲
但要monitor 住肝功能，因為長食都怕傷，所以如果冇呢個需要就唔會食太耐

有架
所以平時啲人同我地藥劑師買藥，我一定會好怕死咁至少問2個問題：
1. 你有冇藥物敏感 (食過就可以skip 呢個問題 )
2. 你有冇長期病 & 食緊長期藥

不怕一萬，只怕萬一

點解香港失業率係2.8%，但M記長期都請人？
拒絕回答膠問題

btw 我條chain 真係長期請緊人，JobsDB幫到你

個人level 而言，如果仲讀緊個啲就會慘啲，畢業未必即刻搵得到藥劑師工

不過如果宏觀咁睇：
1. 人多左個市場就真係competitive 左好多，now 啲學生比以前active左好多，畢業都唔會只aim at 做HA；相反地HA 都可以有好多人可以選，唔好似以前有藥劑師牌就即刻請

2. 多左好多人做其他sector，叫做百花齊放左 (不過肯定average 畢業人工係比以前低左 )，不過真係多左好多同行做clinic & 藥廠

3. 係藥劑師資源充足下，我地先可以提倡藥劑師Service
- 以前醫院連前線藥劑師都唔夠，講乜clinical service (不過now 資源仍然少仍然是事實，不過高層冇得再拎請唔到人做藉口 )
- 以前正規藥房根本請唔到人 (上水藥房唔洗做人工仲多啲)，講乜開多啲，佔有多啲市場

4. 不過就demand & supply 問題，街房同行就會好受影響，人工會跌左好多

多謝絲打支持
希望係我有生之年可以見證到醫藥分家

政府冇得睇心臟科咁慘 ？Medical 唔refer 你？

食a酸係咪成身好乾？呢一星期出多左頭皮同甩頭髮可以點做

MDD 同 GAD 西醫就真係只可以不停調藥直到岩
如果係睇公家好耐先覆診真係調到傻
你呢幾隻食左幾耐？

有冇試過睇Clinical Psychologist？(不過公家好少，私家好貴)

必理痛傷風配方同幸福傷風素嘅收鼻水成份都係咁多mg
咁佢地收鼻水功效其實係咪一樣?
我直接去藥房配同一mg嘅黃色丸仔係咪又一樣?

(講緊chlorpheniramine)
真心想知

食咗差唔多一個月啦 我睇私家醫生聖誕放假下個星期再覆診
Clinical psychologist真係負擔唔起 巴打你會唔會so happen識啲收費比較合理嘅
真係唔該曬啊

如果4 5 點唔去廁所係咪可以訓得好？
因為有研究話過如果只係醒幾分鐘係可以入返深層睡眠
但如果起身太耐又有光刺激 (例如去廁所)，就可能入唔返深層睡眠 (淺訓/ 好多夢)

如果真係關4 5 點醒一醒去廁所事，就可以針對呢個point 下功夫：
1. 下就4 點後唔好飲含咖啡因飲品 (嚴格啲的話就12點後都唔好 or 戒)
2. 以1日8杯水來講，儘量將6杯都係4點前飲完，夜晚唔好飲湯
3. 訓前4個鐘唔好飲野 or 食野 (食物都有水份)
4. 臨訓前痾2次尿 (Double Voiding)，可以將bladder 啲尿清得徹底啲
(姐係去完廁所後，再用意志力去多次，會有幾滴痾 )

如果唔係呢個原因就再講

多謝絲打支持

老土啲都要講句：
「你的回覆就是我的動力 」

我只能講：
有配藥員幫嘅藥劑師會好幸福

我個人就支持嘅 (假設個註冊制度搞得好的話)
始終有法律支持就唔係啊貓阿狗都話自己係配藥員 (特別係診所冇醫療背景但負責出藥個位)，未來爭取clinic 要有藥劑師 & 配藥員都會容易啲
而且理論上註冊可以確保該專業嘅水平，令啲人keep 住CE

咩藥先？
有啲藥就特別要避酒嘅 (可以比到個exact 時間你)

不過即使個隻藥冇話要特別戒酒，一般來講都建議最好食藥期間唔好飲酒，因為可能有unknown interactions 令到藥物失效 or 副作用多左

你唔講我都唔知有個咁嘅Page

睇完覺得應該要改做
「藥劑訴苦/ Hi人 Page」

後生咁都OK 嘅
如果係年紀大巴打就怕影響小便

等我簡單講下公立醫院入藥原則：
1. 如果係同一種藥，公立醫院只會用最平個種「學名藥/ 副廠藥」(Generic products)
有人會問：「副廠藥」係咪同「原廠藥」一樣架？
「原廠藥/ 品牌藥」： (Originator product, Branded product) 是各大藥廠成功研發藥物後專利權以內所用的名稱，姐係個隻藥嘅牌子名。 一開始會用一個獨家的形式銷售，價錢會比較貴，專利過後其他藥廠也能製造該藥。

「學名藥/ 副廠藥」： (Generic products) 當專利權過後，其他藥廠就可以製造同樣藥物。因為不再是獨家銷售，藥物價錢在藥廠公平競爭下亦會因此而下降。
(🙊：公立醫院基本上都是採用香港註冊的學名藥，主要考慮因素都是基於價錢；所以即使你服用同一隻藥，也可能會在幾年內不停轉換不同牌子的副廠藥😯）

2. For 同一種病，例如血壓咁先算，HA 只會選最Cost Effective 個幾種 (假設副作用唔會差太遠的話)

3. For 同一種藥，HA 啲 Protocol 係要一隻一隻試，如果你跳過中間去試後面個啲就要自費

所以總括來講，又唔係一定係舊藥 OR 副作用多嘅
不過HA 個drug formulary review 方法係好old school的，所以都可能唔係最好嘅Options
不過以血壓同甲狀腺來講，應該啲藥都OK，唔洗出去買
如果巴打唔介意可以影張相 (記得去病人名) or 打啲藥名出來幫你睇睇啲藥點
(Or PM our FB Page )

正解
(但個醫生知唔知食緊Loratadine?)

oh sor 岩岩先見到
如果血壓OK 唔需要考慮自費藥，Amlodipine 已經係血壓一線藥物來

甲狀腺now 過低會有好多症狀？你屋企人係老人家？
甲狀腺過低其實冇乜藥好食，都係調較thyroxine 劑量，冇乜自費藥需要考慮 (都冇新藥，所以都冇咩舊藥可言 )

堅唔堅視乎你食來想做咩 (有某啲益生菌配方有做特定臨床研究 on 特定病)
Life Space 個方就其實冇乜新意，都係將好多隻現有益生菌mix 埋一齊
同埋益生菌都好講「 人夾菌」，始終人人條腸啲菌都好唔同，你食呢隻得 你朋友試都未必得 (無論佢臨床研究做得幾好)

所以選益生菌第一步都係睇下你想食來做咩，我地再選個方係evidence based 最好for your situation
冇話邊隻特別堅 or 特別唔堅，都係要試

要睇圖先答到你
(可以PM 我地Page)
可以係灰甲/ subungual melanoma/ 創傷

要gather 多啲information 先答得到你
幾耐？幾多隻甲？中途有冇變色？
係外而內咁生定 內而外咁生？
你有冇長期病/ 食緊長期藥？