社區藥劑師，健康/藥物問題 你問我答

感激不盡
好清楚 無錯呀 佢係診所拎藥呀
我會mark 實佢血壓架啦
感激

我見有好多熱心同行比左好多意見，我幫你簡單總結下

1. 係你爸爸頭暈個陣量下血壓，最好唔暈都量下
首先要搞清個暈關唔關血壓事 & 個血壓控制成點
同時開2隻藥的確比較容易暈，但都代表你爸爸未食藥個陣個血壓都比較高
每日都量一量，一星期搵 1 - 2 日量得密d (早又量，晚又量，食藥前後都量下，當然記得2次量血壓之間要隔15分鐘)
如果暈個陣真係量到好低(上壓低過90，or 血壓一下壓到比平時低> 40度)，而且個種暈唔係 "覺得" 咁簡單而係暈到會跌個鐘，其實真係有機會要暫時停一停藥 then 再睇醫生evaluate

2. 可以考慮改變服藥時間
Omeprazole 巴打都提及過，可以改到夜晚食 or
一早一晚都可以 (但儘量保持每日同一時間食同一種藥)
有機會會冇咁暈
(而且好似metformin 巴打話齋都，血壓藥食食下有機會個暈會慢慢消失 )

而糖尿個到相信metformin 巴打已經解答左你

通常每日一次嘅藥早或晚食
係生活考量大過藥理因素
e.g. 朝早食血壓藥、阿士匹靈因爲一起身就食，實記得
唔記得都有全日補飛
華法林黃昏食因爲個日上晝抽完血/睇完醫生，下晝就可以即刻食改咗劑量

而且血壓瞓覺反正都係低，最重要係醒個16個鐘
加上體位性低壓（身體動作導致某啲部份借咗腦嘅血，eg 踎低起身見頭暈）其中一個重要時間就係一chok 起身個下，如果成晚都低血壓，一起身就好易暈
所以建議朝早食

血壓低嘅暈食止暈藥都無用
可以做嘅係
1. 飲水
如果腎 心無事，日頭請盡情飲水盡情痾尿。血量唔夠嘅低血壓係可避免的。
睡前要痾清，醒後飲一杯水

2. 避免體位性低血壓
踎低起身記住要慢
彎腰動作都係
而且可免則免
起身最正確應該係打側起
咁就會無咁暈

其實好多醫護人員都會話血壓藥最好係朝早食
個原因主要都係因為
「日間血壓」比「晚間血壓」平均高15%
而且一起身會有一個peak (理論上係你朝早岩岩開眼個陣，身體開始整啲 hormone 去「谷」醒你 ，其實一樣會「谷」到嘅野就係血壓)
咁我地就會建議朝早食血壓藥去控制呢個peak & 較高嘅「日間血壓」啦

不過呢個「血壓藥朝食」理論其實都有研究指出唔一定係100% correct (當然！亦都唔係話佢係錯！)
有研究發現如果你「晚間/睡眠血壓」比「日間血壓」跌唔到最少10% 的話 (醫學上我地叫 "Nondipping blood pressure" )，其實呢個係一個比「日間血壓」更加大嘅Cardiovascular Risk Factors (始終我地降血壓都係想減少CV Risks)，所以其實「晚間血壓」都應該要控制得好
有研究發現ACEI (一類降血壓藥)對比安慰劑，在晚間服藥都可以減少到CV risks (當然啦，其實個study 原意都唔係想睇夜晚食藥呢樣野)
都有啲研究話如果食多過一隻血壓藥，搬至少一個血壓藥去夜晚可以減少到「24小時平均血壓」& 「晚間血壓dipping」
不過其實有更加多嘅研究發現夜晚 or 朝早食血壓藥其實長久落黎 「24小時平均血壓」&「晚間血壓」& 「早/晚間血壓下降百分比/dipping proportion」 根本就唔會有significant different

總結：
血壓藥冇咩特別建議的話可以朝早食，但唔係一定要朝早食
只要病人覺得個個時間食方便到佢 & 容易記得食 & 日日同一個時間食，其實朝食 晚食 血壓藥都OK (甚至分開一早一晚都可能會有benefits )

覺得自己雄激素好少，有冇口服藥物可推介?

答咗先：
大致上無問題


巴打要記住
逢藥三分毒
整得做藥嘅，無病無痛就最好唔好食，有病就完療程就收
平衡完利弊，你會寧願40年後骨質疏鬆?定今晚開始晚晚都鼻塞塞到瞓唔著?
唔會有一隻藥對人絕對有益／完全無害
講嘅只係劑量

但係點解我又話長期用都無問題呢？
類固醇本身係一隻應免則免嘅秘密武器
效力強, 種類多, 見效快, 但係長期副作用都好多
最主要嘅影響位置係骨、腎上腺
所以如果你用類固醇會入到血去骨/腎上腺/其他地方, 就會有副作用

換言之，只要佢去到個啲地方嘅劑量夠細，就唔會有副作用
而控制入血劑量嘅方法就係頭痛醫頭，鼻塞醫鼻
噴劑好處就係吸收入血液嘅類固醇非常少，但係又足夠對症下藥
所以個問題並不是出係類固醇身上，而係個劑型令到佢無咁有害

但係正如環保撚所講
每棄置一條飲管就係污染緊海洋
個海洋唔能夠分解飲管
就算每一年跌一條飲管落海
一百年後就已經有一百枝
所以始終都要人去試個炸彈積到幾耐會爆
幸運地，暫時有嘅臨床數據都係話畀我哋聽，用一段長時間嘅類固醇都未見到有同口服類固醇相若嘅副作用，只不過係理論上會。理論上照Ｘ光都會生cancer，有起事上嚟都要照架啦

所以結論係：係，無問題，不過專業上提醒你當你老咗之後就會＂極少機會＂出現類固醇副作用，包括
出現庫興氏綜合症的症狀
臉上積聚脂肪（滿月臉）、身體出現擴張紋和痤瘡
白內障
青光眼- 因眼球內積聚過多液體而引致眼內壓過高的眼疾
高血糖，因而可能觸發或加重糖尿病
高血壓
增加感染的風險
鈣質從骨骼中流失，從而導致骨質疏鬆症和骨折

然後循例都要話畀你聽鼻敏感記得要搵致敏源同埋多啲清潔鼻腔
鹽水洗鼻其實都不失為一個好嘅替代／附加方法

其實歸根究底，HA嘅請人哲學好簡單
1. 唔洗再花時間train
2. 你有好強嘅clinical knowledge basis
3. 你熟悉香港醫療制度同醫管局指引，免得你中伏
4. 你對HA 忠心耿耿

如果你係其他sector 做得太耐而又顯示唔到你想有2嘅決心，HA就會覺得你無4
如果你唔係香港畢業/做其他sector，1,3 又唔中
所以做community，基本上1234都會中哂伏
但係如果你顯示到自已好有準備入ＨＡ，都會有機

至於HA dispenser, 我估你都係講緊pharm 底嘅temp ser
其實好多人都係做住temp ser等pharm 位
而HA 都好鐘意請呢班廉價pharm
只不過呢個位無寫包單入得返嚟
完約都無乜人會被人請返做pharm
問題唔係出係dispenser 到，而係本身pharmacist已經無開位嘅問題

綜觀啱啱嘅條件, 本地local 嘅學生本身已經係醫院接受完訓練，１２３都會中，自然請嘅機會都大啲

巴打，其實普通傷風感冒可以搵你地藥濟師配藥已經ok?

我有時見D OL 晌萬x 配藥當睇醫生，由其而家D 家庭醫生既藥流到爆3百約幾3日藥隨時仲要睇2次至好！！！

如果你地3日藥幾錢？

出風癩食咩藥好？

巴打求助
頭瘡食咩好
睇醫生食過d antibiotic 好咗一排 但好快又生返

係
簡單嘅診斷都識
平過睇醫生好多倍
好多人唔知可以咁
零宣傳

可惜fresh grad HA都係請三分之一左右(? 剩低唔想做industry/community嘅真係慘 成世人就咁

鼻哥面頭啲肉feel到有啲痛同少少腫咁 (睇落唔覺) 搞到有鼻lon有少少塞咁

好似同平時鼻敏感個位有dd唔同, 點搞

咁讀咩都好
局限咗自己嘅出路嘅話都慘架
但係好多地方都好難入行做返”pharmacist”呢個title
就算你唔局限都無用
所以好多人都破斧沉舟想搏入HA

如果你係師弟妹，唯一嘅忠告就係
唔好死攬住自己嘅身分
要暫時接受你嘅工作同自己專業無關
但係要保持自己對專業嘅堅持
如果唔係
生活會好困難

好難入返行喎
所以 暫時=永遠接受? 堅持都會有殆盡嘅一刻 當初入學嘅ambition fulfill唔到...等healthcare system reform

咁睇啦
本身讀醫療就唔應該抱住一種高人一等嘅心態
大家本身入大學就係求學問，唔包生仔
出到嚟你比其他人優勝嘅地方只係在於個科係一科專業
多少少出路
但係無損你係一個大學生嘅事實
只不過宜家啲pharmacy 學生讀到變職訓局咁
咁先係真正打柴嘅時候

其實6,7 年前開始
藥劑業已經唔只係要培訓人力咁簡單
而係訓練一班肯捍衛呢門專業嘅人
大部分知行情又有得揀嘅唔會入
然後宜家報得咁恆，唔會有人唔知行情入
所以宜家愈嚟愈多人都係無得揀咁入

當年我係有得揀地中伏
但係我都選擇繼續留守（可能因為懶）
呢個post 嘅藥劑師都係願意堅持嘅一批
所以我會話大家嘅路雖然難行，但係你並不孤單

好難有宣傳
唯一有資本宣傳就係萬X屈xx
佢哋係十年前都有試過賣廣告同搞唔同花臣
不過本身藥劑師就係一個唔生財嘅公廁
個個都走嚟問，但係又免費
但係唔洗醫生紙嘅藥通常又好平
無肉食
所以成件事就好無成本效益
然後其他藥房根本就唔係賣藥劑師
咁咪無人會做
宜家唯一有能力做到嘅就係唔同嘅學會
同藥劑連線

想問下如果有G6PD有無乜即時止瀉藥可以用？腸胃差試過坐車上到屯公突然好肚痛要瀉...

到底平時唔睇醫生可以去邊配藥 我失左聲兩個禮拜都未好得返晒