社區藥劑師，健康/藥物問題 你問我答

連線大大星期日以外都要忙忙忙
小弟同佢自薦幫忙解答

1. 係
Labixten 成份係bilastine，都係抗組織胺藥（antihistamine）一種。逢親抗組織胺藥絕大部分情況都係可以隨時開始隨時停（雖然我都未見過唔得），因為身體唔會對佢有依賴/耐藥性。有敏感就食，無敏感就停。

不過留意返，理論上bilastine 會同與CYP3A4有關嘅藥/食物相沖，主要係西柚（汁）同某啲抗生素/血壓藥/etc. 如果有食藥/保健產品記得問聲先。

而且有醫生鐘意開每日兩次20mg 幾日嚟快速抗敏。如果醫生本身有限療程，就唔好照每日兩次咁一路食，因為bilastine 自己建議劑量只係20mg一日一次。

2. Bilastine 係香港屬處方藥物，身為一個守法嘅藥劑師我會話畀你聽無嘅～行情不太熟，樓主應該人脈廣啲答到你，但係呢隻藥因為新註冊，而且皮膚科先多用，大部分小型藥房應該都唔會有存貨，要逐間問。

有任何徵狀/問題都可以留言架，視乎複雜程度睇下需唔需要睇醫生
如果怕老尷可以去facebook page pm 藥劑連線嘅人～

食黎for skin 因為皮膚比較唔隱定 打算揾下supplements 食
你咁講都係算了

我會歸類幾種任君選擇

1. 平價+昏睡+強力型
Promethazine
Hydroxyzine (要處方)

呢兩隻藥歷史久遠，係第一代嘅抗組織胺。第一代嘅特性就係容易上腦，然後令人眼瞓，呢兩隻就係表表者。呢個副作用甚至幫到主要作用：瞓咗咪唔痕～不過如果你介意眼瞓就唔好揀

2. 貴價+唔眼瞓+快速型
Fexofenadine
Desloratadine

呢兩隻出世無幾耐，副廠藥又出咗無幾耐，歷史未夠時間depreciate 佢哋，所以都幾貴。但係啲人畀得起錢都幾鐘意買fexofenadine （正廠牌子名：Telfast）
兩隻都唔需要處方。

3. 普通型
其餘藥房有嘅抗組織胺藥 (e.g loratadine, chlorpheniramine, cetirizine, levocetirizine, etc.)
呢啲就好多人咩科咩病咩徵狀都會見到
平，眼瞓視乎一二代
大部分噏得出名都唔洗處方，甚至唔洗藥房，不過藥房係最佳購買地方。

絲打你好
我問左下醫生意見 & 我自己再search 過

其實主流都係建議用 individualized dose for RAI
因為理論上如果用個thyroid size + 24 hr radioiodine intake 去計你用咩劑量，可以避免有啲人個gland 會吸收特別多radioiodine 而出現hypothyroid (甲低)
所以如果你個thyroid gland 係特別大 or 吸收iodine 特別多就有機會唔夠力 (唔夠力都係可能要來多劑 ) or Hypothyroid (甲低)
不過如果individualized dose 就要做RAI之前 專登去醫院做個 24 hr radioiodine intake (如果我冇理解錯的話)

而HA 通常第一次食 fix dose 8mCi 重覆炸唔死先再10mCi，理論上其實fix dose 效果同Calculated dose 都差唔多，都有研究話其實hypo risk 都差唔多
(不過本身RAI 你點做都好都係容易hypothyroid)

結論：HA 又唔係實食到甲低嘅，係個risk 高少少
值唔值 $8000 就見仁見智啦

飛知，牙周病，潰爛，口氣，磨牙，牙痛
都可以比到建議 & 藥物建議 (有d正係可以舒緩症狀 only) 你

不如巴打你講講係咩問題？
(就算我唔識都可以幫你去search，我地搵information 會搵得專業啲 )

你可以去補返個appointment (如果唔係好耐之前)
應該會比再排短少少
到時叫個政府醫生寫啦

絲打皮膚係咩問題？
一般supplement 都唔會對皮膚真係有太大幫助

巴打你好 如果你精神好差 記性差係因為打丁
咁改善方法就係戒丁架啦
戒丁就冇藥專門幫手醫架啦
你去睇下蕭別離巴打個POST啦

不過我其實可以同你用醫學角度探討吓打丁既
1. 有個說法係打丁可以減低患上前列腺癌既風險
打丁同扑野雖然都係射精 但好似有研究指出扑野對你身體既益處比打丁多(心臟健康/血壓/前列腺健康)
2. 至於打得幾密先叫多 其實就冇一條好明確既分界線
打丁過量/過度與否係取決於打丁呢一件事對你日常生活有幾大影響：
如果你一日一兩次，但係你重有精神時間去做吓運動、出去同朋友食飯飲野、專注到工作/讀書的話，咁你就唔叫過量。
如果你三日一次，次次打完丁就會乜都唔想做，冇哂心機同體力，咁你就叫過量。
3. 男人打丁冇分時間：你單身毒撚會打，有女會打，同條女炒大鑊都會打
你平時打開丁既，突然間停哂手重得人驚(可能反映緊心理/其他健康問題)
4. 打丁本身唔係一個唔健康既行為
你打得丁多知道條丁敏感既位係邊度 對你性生活都有D益處

你可以睇睇呢個post: https://lih.kg/1004188

首先講下Bilastine 呢隻藥先
其實呢隻並冇咩特別令到佢要醫生紙先買得 (姐係效果超群 OR 副作用超多)
不過點解間藥廠要將佢list 做處方藥呢 相信都係想係芸芸抗敏感藥中突圍而出
而睇返佢同其他 antihistamine 嘅 head to head studies，你會發現佢就係傳說中嘅萬年老二
Side effects profile 係令，但又唔係最令 (例如雖然佢唔多眼訓，但Federal Aviation Administration 建議機師可以嘗試食嘅antihistamine 仍然係冇佢份 )
效果係OK，但又做唔到trial 係superior to 其他同類藥
so 其實食其他 第二 (三) 代抗敏感藥都係冇問題的

跟住講返個唇炎問題先
絲打你唇炎食Bilastine 有改善？ 因為一般如果係敏感，係會腫腫地同比較急性 (快來快散)
但我見好多人唇炎都係比較乾/ 甩皮/ 紅/ 痛，呢啲情況有時食抗敏感藥就唔係太有用，可能要用一啲有藥性嘅潤唇膏 (如果曬完太陽會犀利啲，最好用埋有SPF個啲 )
再嚴重就要用類固醇藥膏
& 記得平時冇野都要搽多啲溫和嘅潤唇膏

要影張相比你睇下
轉頭放上黎 好似痱滋 但又唔係好似咁 唔痛 兩邊口腔內側都有一粒 好驚係大鑊野

https://upload.cc/i1/2019/02/06/S6lnJ1.jpeg
最入面個白色唔知咩黎 都係到好幾年 早兩年洗牙果陣 又話冇咩野 唔洗理
另外左邊果粒野 係到幾日 又唔痛咁 巴打唔知幫唔幫到我 下星期都約左牙醫睇

你好
又係我代打啦
因為嚟緊嘅解釋會涉及對指引嘅理解
我盡量由淺入深咁解答。如果你覺得太難明可以再釐清

1. 首先
唔需要停藥，亦唔好自行停藥
如果有合理懷疑醫生開錯藥，可以先問藥劑師意見（正正就係你做緊嘅嘢啦(Y) )，再有疑問就問返醫院／診所病人嘅藥物紀錄

2. 副作用
如果普遍嚟講，所有嘅降血壓藥都係會導致頭暈嘅　（原因就係血壓低咗，但係唔一定係過低）。
Amlodipine 我哋歸類為鈣離子阻斷劑（下稱Ｃ類藥)。Ｃ類藥顯著嘅副作用包括頭痛頭暈、水腫、便秘，而通常副作用只係會係療程初頭幾日先出現。當身體開始適應返新嘅血壓時候，副作用應該就會消失。
Losartan 屬於血管張力素受體阻滯劑（下稱Ａ類藥）。頭暈無Ｃ類明顯，但係藥理上都會。
總括而言，如果頭暈嘅情況無令到令尊容易跌倒／影響工作／影響操作機械或揸車／無法自理等等，佢係正常嘅副作用，而且身體好快就會適應到，所以唔需要因此擔心。

3. 用藥恰當
上面提及過A, C 類藥，其實就係順路舖排介紹一下高血懕有咩用藥。
除ＡＣ，重有Ｂ（β受體阻滯劑）同Ｄ類藥（利尿劑）（及其他）可以選擇。
答咗你先嘅話，就係
Amlodipine 唔只係用係糖尿病人身上，而係好多好多高血懕患者都用緊嘅降血壓藥，甚至可以大膽地假設香港最多人食嘅血壓藥就係佢
但係點解網上會咁寫呢？
由於高血壓會增加患其他病嘅風險，倒過來其他病又會升高血壓，所以高血壓用藥都係要考慮哂患者所有同時有嘅病。香港嘅醫護大部分都係跟美國AHA 指引(或者有人會跟歐洲ESC/ESH)。指引會就住唔同Case 去建議應該用咩種類嘅藥。舉個例，如果係純高血壓，無其他風險因素／共病，第一線用嘅藥物就係Ａ或／和Ｃ類。如果係同時有糖尿病，Ａ類做膽，然後＋／-Ｃ類。
睇到呢到，你可能就會開始明白：指引允許／建議咗一種藥用係呢種情況之上，但係又無允許佢用係其他嘅高血壓到，所以藥廠／政治正確嘅資訊就唔能夠一碌９打一船人咁話佢係用於所有高血壓。佢只能夠逐個寫可以用嘅可能性畀你睇。
總括而言，你見到佢寫嘅，係amlodipine 可用於糖尿病患者，但係唔係只適用於糖尿病患者。

4. 安全考量
以初發嘅原發性高血壓嚟講，losartan 50 + amlodipine 10 係一個幾大嘅組合。雖然未到各自嘅最大劑量，但係都好少會一開始就用兩隻藥嘅偏高劑量。可能係我未有足夠資訊，但係我粗略地估量你唔係睇醫管局（因為醫管局開藥會自制啲，而且醫生寧願你三個月141/90都唔想你一個月就低血壓入醫院）。如果係診所開，有機會係啲醫生慣手勢想即刻撳低血壓。雖然有點賭博成份，但係我認為都係一個合理嘅決定嚟嘅。記得要開始自己量血壓，每日一次紀錄，最好早晚一次添。度到低就要紀錄低，寫低有咩唔舒服，下次同返醫生講。血壓藥份量都係要試出嚟，愈睇得密就愈較得準。　

遺憾地
全部精神科嘅藥都係要醫生處方，而且藥房都唔會肯賣，因為抗抑鬱藥同其他精神科藥的確好易有服用過量嘅危險。所以如果你真係好信西藥嘅，睇怕都要等到睇精神科先得。

如果你想搵非藥物產品，藥劑連線大大做個類嘅公司就幫到你啦。有啲產品聲稱有助放鬆心情，其實有啲就係用返用嚟提煉藥個隻嘅植物出嚟整，所以有類似功效又唔洗醫生紙。詳細等返佢介紹啦。

但係講到尾，最好嘅藥都係人，同生活。同多啲唔同嘅人交流，跳出返自己生活嘅框框，你會發現生活有好多嘢都未發掘到。嘗試去發掘不同，總會搵到適合自己生活嘅方式同態度。

做咗community或者ha dispenser係咪會難做返ha pharmacist? 聽講ha鍾意請白紙

藥劑大師恭喜發財
新年行大運

巴打你好 ~
就咁睇就似乎冇咩野
因為似乎冇不停咁甩d 白皮落離？ 而且巴打你應該係後生 (唔係56十歲)？
而且冇咩長期病？個粒野有冇流血 or 變色？

因為口腔野最驚係 oral cancer (多數老人家，前期唔痛後期痛，飛知樣，會變色流血，而且好少見) or Behcet’s syndrome (同時間會有好多好多其他病痛出現)
而且如果牙醫睇過冇事都應該安心嘅 (而且你個2個圈都唔多似mouth ulcer)

大圈個個似生左舊肉？ 有不停咬到過？(有少少似不停刺激到 then 舊肉增生左 )
細圈個到唔係睇得好清，有冇整傷過？ (有少少似trauma ulcer)