年紀愈大，終於明白點解有D人會窮一世

起薪3600都有.我公司香港得幾條友，都係sales同一個會計
主要員工都係大陸。 起薪一萬已經好高

至於點解一年加幾次人工？ 甚至5年加幾倍？
佢一入嚟係開發部工程師，而家係開發部經理.

你都得架，你唔好當係打份工，你當檔嘢你自己嘅。
啲嘢應該點做自然就會知道，唔係話要瘋狂OT, 工時長但係做行貨嘢係無用， 比你捱得耐，捱到上面啲老嘢走咗。你最多都係做個low level management.

即係如果你部電腦中毒，你會諗辦法唔洗機嘅情況下救返佢，唔識嘅話會去google 揾方法，再唔掂可能去forum問人。務求唔需要format就可以救返。保留返自己嘅data.
但如果朋友部機中毒。佢問你你可能只會答"無架喇，無得救。format重裝windows啦！"
因為你覺得啲嘢唔係你嘅，保留到保留唔到。對你無關痛癢.

工作上亦係一樣。你心態只係打份工過日子，你嘅工作表現亦會反映出來。 完成份內工作係你應份嘅，contract 上大家白紙黑字簽晒名。
你同邊個老細講加人工，老細問你點解。你話你完成到你責任嘅工作，呢個唔係加人工比你嘅原因。因為呢個係你應分做到，加都係最多每年循例加3-5%比你，連咁都做唔到係你失職。

你點樣去做你份內嘅事，但係做得優秀，體現到你唔係hea做。而又有能力做。自然會有機會.

追求享樂係人之常情

但買衫買鞋係一種享受

做下gym練下跑又係一種享受

追韓星演唱會係一種享受

去自己彈下琴又可以係一種享受

享樂係緊要

但有時要問下自己嘅快樂係咪一定要洗咁多錢

同埋自己afford到幾錢嘅快樂

果d人窮得黎多數開心

一樣係天生
一樣可以靠自己改變

你都on撚鳩 入世未深之餘仲好膚淺睇唔通現實
人工收入同你工作能力根本無關係 如果用心做野表現有就有得升職加人工的話一早無窮人啦 牛都好勤力又唔見牛有得享受？係香港地既職場唔係你死就係我亡 對老細同對公司好就即係對自己殘忍

要升職上位搵錢係講以下三樣野
識走位（揀分到錢/高人工既位）
擦老細鞋（揀老細）
時機（唔好入錯行）

做野？工作？留返比班最低人工既傻仔同新人做啦

我無講過做牛喎？我咪話OT到凌晨都無用。
你有冇睇架ching?
係咪入世未深膚淺睇唔通現實呢方便我可能係。
可能我不如你，呢個只係我個人經驗同心得
如果啱用可以隨便拎去，唔同意嘅都無問題
每個人都有自己嘅方法，知道想要咩咪去做。
揀咩道路都會有相應結果，只係揀完A就唔好問點解我無B
就ok啦我覺得

其實有咩game值得俾幾千蚊玩

好痛

有人會買衫買鞋開心

有人會因為小至買股票贏錢證明到自己眼光，大至做到deal證明自己實力而開心

前者燒錢 後者賺錢

呢個就係窮人同有錢人分別

fg 搵萬頭 課千零蚊
定30幾歲成份糧課落去先

大把後生仔月光族啦
又保險又學債又家用 車費 電話費 食lunch又一堆錢
淨低二三千蚊食下晩飯同朋友出下街都淨唔多啦

每月5萬, 但日日做老闆隻狗
只係follow 指令。
唔覺開心得過炒散

咁又可以理解
當佢15k 兩倍係30k
普普通通租間屋又冇左1xk
拖下唔升職住都唔係大罪

鬼叫你出生差，為份糧就要做狗

單人公屋要踢係講緊係五倍申請限額金額，
要5萬7先踢，資產踢就影D，百零萬就踢。
多人仲難踢啦 你全屋人位位五萬以上咩?
如果講申請 ，應該唔會有人為左申請公司Keep住月入低過萬2掛。
除非份人真係勁廢。。。

總要有D咁嘅人

香港慢慢台灣化
學哂台灣人果d明明無錢都要享受生活
再睇埋果d文妓教你享受生活唔去工作既理論
以前香港人會先搵錢再享受生活，依家未出黎做野果d學生差唔多環遊哂全世界，有好多都唔係屋企有錢

去借得多算無腦既劣幣，快d死好過多人憎飯食，香港人心態
每個人身邊都有幾個朋友係成世唔做野或只打散工
我讀垃圾學校，每年都有一至兩個同學自殺死，全部都係小時了了，出到社會惡唔倒，仲要比中學認為傻仔既人恰
香港好撚多社會垃圾，但個政府咁有錢，都唔著重下教育

哦, 以為你講乜...
我仲以為你講咩work smart, 其實都係普通野
唔知係咪你公司細, 定對開都係D 濕鳩人, 但其實我工作噤耐都冇乜依D 人

其實做得開心就得 人地可能一世散工一星期番三日 但又夠錢食到住到唔結婚過一世輕輕鬆鬆 只要死得早可能一世人舒服過你死捱難捱

重點係香港一早已經唔係投入=回報嘅社會
你做野勤力唔等於發到圍搵到錢
所以我家陣唔會再用舊時代嘅標準批判人

無錯

有班親戚又係咁
做半年玩半年
以前會覺得佢地唔生性

大左覺得唔知自己咁辛苦做乜
佢地先係智者

表姐做教書

佢前排同我講

佢學校啲學生一日一杯Starbucks

以前邊會咁

我唔係討論日日買咖啡啱唔啱

而係零售行業要追增長

一定會用盡方法鼓勵大家消費

任何日子 任何年齡 任何範疇都要消費

但呢個消費

所透支嘅就係你日後嘅財產

所以後生嘅，一係預自己唔長命，一係諗下點搵多啲，一係思考下自己需要咩消費