之前有巴打問過咩叫fit得靚既褲,背面點為之fit得好,當時我無諗太多,就咁俾左一個best case既圖出黎,依家見得閒,想補充一下。
首先,best case咁順難唔難做呢?其實好睇個客對腳,如果個客對腳又直又幼,咁要條褲要做得靚就相對容易,例如我對腳咁,如果條褲都仲可以fuck up,咁間鋪都真係執左算吧啦。
但相對地,如果係健身有練開腳,大脾粗、小腿粗,又或者對腳唔直,咁相對地難度就會高好多。所以如果你對腳本身就難搞,師傅就要花好多心機響裁同歸拔上面,而且未必真係可以完全靚仔,好睇料既重量同個客既要求。
譬如話,個客開口埋口要slim d窄d,條褲做到緊,咁就一定唔會順,好多creases;又或者塊布本身係啲高支輕飄飄,無乜垂墜,個客對腳仲要唔係直,咁通常出黎效果都會麻麻。仲有有時「造手」做得唔好,就算師傅裁得靚,工場組裝出事亦有機會。所以最好就搞清楚自己再乜,同師傅溝通多啲,切忌一有唔岩就屌屌聲。
大部分時候,客同料既先天因素,影響甚至大過師傅經驗同手工。所以千萬不要覺得俾左錢、訂造條褲出黎就一定靚,唔現實。我地知道理想既狀態係點,但同時亦應該知道現實既限制。
例如:如果你做開gym或者肥或者天生腳粗,又想條褲順,就唔該做闊啲,成日聽啲師傅屌晒人咁口,話啲客又要條褲窄,又要條褲順攞佢地黎搞。好多人無搞清楚一件事,就係緊既褲、緊既衫唔會每你睇落瘦啲,只會俾人覺得你格硬著細一個碼⋯⋯同肥婆買衫係都要買中碼細塞香腸有乜分別
附個圖,我對腳