[你問我答] 我做agent 狗的那些年

巴打介唔介意add我telegram, ID: jdjoej24737 有d好苦惱既問題想請教巴打

巴打介唔介意add我telegram, ID: jdjoej24737 有d好苦惱既問題想請教巴打

sor 冇telegram 可以喺度問

Case 3: T 先生 (Part 2)
為左防止第一次嘅事發生，T 先生去見工嘅前一日我已經打定電話俾佢提佢去interview，又教埋佢搭地鐵唔好搭巴士易啲預時間，上埋MTR Trip Planner 幫佢計埋要幾點出門口，仲不停提佢記得起身。T 先生又開始番佢啲臭串格係咁嫌我煩，又話自己知知知你唔洗係咁講。我都唔想係咁講，平時我亦唔會咁做，但你上次真係訓唔醒！
到左interview 嗰日，我特登早左一個鍾起身，就係為左提佢去interview 同睇吓佢會唔會又唔知醒。喺interview 時間前兩個鍾我已經打定俾佢，睇佢起左身未。打去時T 先生聲稱自己啱啱起左身，準備梳洗。再過多半個鍾我又再打俾佢問佢出左門口未，佢話出左。咁我就諗，起左身又出左門口應該穩陣啦，就冇再打俾佢，廢事佢又嫌我煩。
去到八點半，佢突然send 左封email 俾我，內容寫住「my location」，仲attached 左一張google map 嘅cap 圖俾我，地點大約係喺九龍灣德福。我一見到封email 即時r 晒頭，你send google map cap 圖俾我做乜尻。真係想話我知你去到邊，你就咁講句咪得。又覺得佢好奇怪，無啦啦咁好死話我知去到邊？嗰下都係諗佢可能俾我煩得太緊要，唔想我再打俾佢好似老婆check 老公去左邊咁，所以先話定俾我知佢去到邊。
隔多陣我九點三番到公司，凳都未坐暖，個客就打黎。
客：喂！T 先生仲未到！
我：吓？佢啱啱八點半話去到九龍灣喎！我睇睇佢係咪蕩失路先。
客：我唔理佢蕩失路定點，總知依加我未見到人。你啲野跟得咁差嫁！上次佢又話塞車，今次又話蕩失路，係咪玩野？
我：唔係唔係，唔好意思呀，我搞清楚件事係點先。

請問AP, SA, SSA 人工咩range到? 完全無概念

樓主快d 寫埋part 3得唔得, 好吊癮

樓主快d 寫埋part 3得唔得, 好吊癮

儘量 番工時間好忙日日放工即打 請見諒 睇吓聽日食lunch 可否偷偷打埋出

係外資銀行做咗兩年IT PMO跳去其他行做PMO人工大概係幾多/應該叫幾多？

巴打 有冇axa內部工介紹 齊牌

係外資銀行做咗兩年IT PMO跳去其他行做PMO人工大概係幾多/應該叫幾多？

人工實冇你做banking 咁高 應該冇乜公司接到手

係外資銀行做咗兩年IT PMO跳去其他行做PMO人工大概係幾多/應該叫幾多？

人工實冇你做banking 咁高 應該冇乜公司接到手

咁如果轉其他bank頂盡可以叫幾多？
感激巴打

可唔可以請教下我應唔應該寫落CV

Asso讀完後做左 四個月marketing temp job ,之後政府工做左四月又辭左，因為入番讀大學。而家準備Grad執緊CV糾結緊要唔要寫

多謝巴打先

如果fg做左一個月工冇啦啦比人炒左 咁寫唔寫落cv到好？
唔寫變左有5個月空白期

做乜成日上到去interview先知份工做既野，工時同agent講既有好大分別

好彩尋日識執生