我係一個85後嘅廢青,喺幾年前機緣巧合之下去左一間agent 度做,無錯,就係所有IT 人同高登仔最憎嘅job agent 。喺呢間公司做嘅期間簡直係見盡大量搵工人嘅人生百態,做左幾廿年野嘅人原來可以係唔識見工嘅呢啲已經好小事,更多你諗都諗唔到嘅更大有人在。
先簡單講吓唔同agent 類型,有部份agent (姐通常最乞人憎嗰啲)係靠食candidate 人工同雇主出份糧中間嘅差價為生,所以佢地會儘量壓到candidate 價有幾低得幾低。另外一種就係收雇主俾嘅介紹費,介紹費價錢方法都有幾種,有啲係以candidate 嘅人工一個百分比黎計,有啲就係固定左,總知請一個就收一份介紹費咁。而我公司就係後者。
基於我公司唔會壓低candidate 價,通常同啲candidate 嘅關係會相較為好,亦因為咁佢地願意分享多啲自己嘅野俾我地知,所以中間除左一啲騎尼case 外亦會有啲感人開心case。
我會分享一啲好笑或者印象特別深刻嘅case,同時都係你問我答post 有咩會儘量答
利申戴定頭盔先,中間任何人名地點公司名如有雷同就應該係我搞錯或者發夢聽番黎