[開心速遞]熊若水龔燁 供水線集中討論區

呀水唔會覺得龔燁好架，佢都睇唔到
係水水眼中佢係又唔gentlemen,又度縮，小家，會利用別人既人黎

唉搞到我都矛盾晒，又話有feel 我搞唔清
我而家只想快啲有供水，今個星期係米冇啦？

進擊的龔燁
我覺得阿水係傻下傻下，甚至覺得龔生對住全世界都係咁口花花，根本sense 唔到賤精冧佢
係時候，阿水視覺要出黎啦
我真係覺得現家的阿水係對龔生有啲意思，但可能要阿龔對佢冷淡咗，阿水佢自己先sense到

有時候，有啲人就係只要一個優點就足以彌補佢99個缺點嘅 。

我都想快啲再有龔水，快啲搞點呢個突破位

深夜先得閒追post追到我勁攰
全部人都勁大段勁多字
睇到我頭暈眼花

呢集工水同之前唔同
唔係得個甜字
睇完呢集真係有好多諗法喺個腦到要上黎講

我都想快啲再有龔水，快啲搞掂呢個突破位

但相反，你睇佢唔順眼嘅話一啲好微不足道嘅瑕疵都會俾人無限放大

阿龔傾向一個優點彌補到阿水嘅缺點；
阿水傾向一個缺點放大到睇唔到龔燁嘅優點

樂觀啲啦 安仔咁癈大家咪又係咁中意佢

可能佢地結婚果幕係Ending, 齊~歡~暢~~同慶賀~~~家有喜事~~ 好過BBQ既……

成件事好熱血啊
好難得大台有套劇 有對cp可以咁好睇
仲要有一大班同好一齊討論 分析劇情
好多諗法可以大家一齊傾 一齊ff

好想睇婚後生活啊
熊家啲女婿同根叔一定好多野可以講

唔好咁快呀，記唔記得麥兜的火雞，未食同食第一啖巳經係佢嘅最高峰。。。

學之前主post話 班男人圍爐一齊講對住熊家女人嘅辛酸 應該幾正幾好睇

咁要加集數先得!!
以而家個進度應該唔夠講到婚後生活 ，雖然我都好想睇!!

我始終都係覺得
現家阿水係點都有少少對阿龔有意思嘅，但真心唔明顯
不過阿龔成日玩花式自殺，搞得阿水成日怒氣衝昏頭腦，什麼好感都消失哂
阿水真係唔在意，講近啲，就廚房個幕，那句欺騙我信任，欺騙我感情，仲差啲呃埋我的朱古力
其實阿水無必意要咁嬲嫁喎，佢又唔咪第一日認識阿龔 ...但又要因此再次在意...再次怒髮衝冠
仲有去阿龔office送朱古力，你係真係心中認定咗阿龔係你同事，純屬係謝禮，大大方方送比人咪得，就好似阿水係海旁講比阿龔聽，嗱，我救你係冇其他意思嫁，咪誤會啊⋯⋯又點解送朱古唔比得人知，又要唔比果隻羊知道要送朱古力？

不過，講真，我覺得上述的一切事件，其實都未夠決定性去介定，阿水究竟有冇沉咗船？

好耐冇試過睇一套劇集睇得咁認真

唔係想佢地快啲一齊 結婚
係想一直添食 長拍長有
以宜家嘅質量 我可以再睇千幾集開心速遞

婚後cls劇情

阿水係傻，但同時阿工都無認真過，對住阿水永遠都嘻皮笑臉，上次阿水敢聽其實都試探緊阿工啦，但佢唔肯認真講都無辦法

唔計口花花調戲，阿工啲加分行為都係暗地裡做，阿水唔開天眼真係咩都唔會知，唔通真係鐘意佢口花咩

我覺得真係要好似廚房嗰場戲咁阿工要適時坦白自己嘅心意，未必去到表白程度但起碼要俾阿水知係真心為佢好

我覺得都會好多野寫
寫兩位婚前同婚後工作交流上的轉變...
兩個性格上的磨合
更加想睇龔生係熊家同熊家人交流

阿水沉就沉左咖喇 不過佢唔認同唔信姐
話曬過去十年阿工係自己心底既定位都係mr cheap 突然變考慮對象 邊有咁快說服到自己
依水水宜家仲有少少港女人設黎睇 如果要水水正視阿工 一係有人屌醒佢 一係阿工為佢做左啲完全感動到佢既野（唔係淨係送花送禮咁膚淺）
但前提都希望琴日件事搞掂曬 兩個人都拎個心出黎唔好互相猜度 再慢慢諗點一齊啦

成間威龍都係搞辦公室戀情……

想睇女婿團同廢老 即使自己女婿都著數攞到盡

沉澱咗一日 嗰股低氣壓仲喺我個心度未散得走,
係四百幾集以嚟第一次睇完會有咁嘅感覺,
但我覺得係好事嚟,
證明依集啲氣氛渲染得好好,
個人心目中top3

一直以嚟我眼中嘅龔燁係個咩都拆得掂嘅角色,
有咩事佢都識調節自己嘅心態去面對,
完全唔駛我擔心,
依集終於睇到佢另一面,
比我知道佢唔係我想像中咁硬淨.

由尋晚到依家都忍唔住好同情佢,
但又好驚比佢知我同情佢,
就好似有絲打話唔敢去stanley ig叫佢industry,
明知係劇情但都真心有啲驚

開心速遞真係近年最高質sitcom 甜又得虐又得cls劇情更加係精粹 之前睇其他都係食飯睇下 miss左就算 宜家係要日日追貼 番工出街睇唔到 夜晚一定睇番重播 最cls係成日講 講到老母都要用mytvsuper追

話說,
尋日總監大人發現自己被sent email嗰陣,
佢本身係咪想去尋寶圖,
唔知有冇認錯個門口