[開心速遞]熊若水龔燁 供水線集中討論區

BTW 有無人留意到今晚工業係叫水水做Mary唔係媽呢空？
仲開全名

因為嬲嬲豬了

今日最後個part
水水又誤會左呀龔係特登利用佢，之後講左句
對住你呢個死人頭，真係半分同情都唔應該有
呢句真係
如果我係呀龔真係唔想再理佢，好hurt
諗唔透佢地之後到底點先可以和好

唔係啊，之後都有叫翻媽呢空，咩你太認真啦媽呢空，我覺得純屬係劇本小小的bugs

我估編劇未諗好條路點鋪之前 工水啲過場應該繼續打打鬧鬧 阿工繼續扮冇野

虐到keep住係咁諗
見到隔離post有人話希望佢地呢個情緒可以keep落之後嘅劇情
咁我希望阿龔之後無再同水水咁close，然後水水自己唔習慣阿龔對自己無再咁特別，醒悟到自己都好care佢同阿龔嘅關係，再去補救返

睇佢地之前ig
應該仲有場雙K+水水有玫瑰花個場未播
希望個集唔會又係虐

That’s the point...
咁樣真係會比較合理咁接落去
我想睇咁嘅情景

會唔會阿龔老豆同返阿水講其實阿龔好介意

工友偷偷地約埋水水打邊爐 邊打邊爐邊父子真情對話（好似上次醫院咁）水水係門口聽到 終於知道阿工原來好介意 主動向阿工問清楚 由水水踏出一步靠近阿工既內心

平時睇完直播即刻翻睇，今集睇完成個腦都係最尾嗰幕，無晒心情

嗰頭先講完工水兩個人中間無障礙，今集就即刻黎料
雖然係咁，但我覺得今集寫得真係好，寫出阿工嘅另一面 伍佩儀

半分同情都唔應該有，其實呢句係啱架
阿工都唔想其他人同情佢

我相信編劇，會合理化成件事情嘅發展，咁一路接駁個故事落去，只要阿龔一日還在，咁一路都會有野睇嘅
再次強調，最後Stanley那黑面那氣場

特別係自己鍾意既人
好似佢呢D自尊心咁重，高傲得黎有少少自卑既人，應該無辦法接受另外一半對自己既愛夾雜左同情

為咗打recap，我都係返睇咗一次
其實無咩心機

1. 新商場景搭得好認真，置入廣告又多又無咁odd，之後應該陸續有來
2. 痴漢阿工仲要特登匿埋喺保安哥哥後面偷拍
其實睇番呢度佢應該真係淨係諗住私藏嫦娥玉照返去自J，或者之後拎嚟笑水水
唔係特登影嚟畀曹總
3. 唉見到曹總吳剛look我而家都笑唔出
4. 阿工入到cafe見到阿水即刻有個心虛樣 即係佢都知自己又激親水水
5. 上半集阿工呢個精英才俊樣真係好正，始終有為咗上位不擇手段果種感覺
6. 「係真唔係呀～」呢句反而我覺得係全集最sweet個句，阿工雖然把口成日笑水曹一齊過
但其實呢句睇得出佢自己都好懷疑究竟阿水係咪真係比曹總飛咗
7. 阿工完全未驚過Kenneth呢個勁敵 遲啲你就知死
8. 究竟點解阿工會有一盒難求嘅速熊（樹根）月餅
9. 巧美麗的姑娘哇～～
10. 「有雲端架嘛 」阿工個手勢同呢隻icon一樣樣



11. 工水又互拋送花
12. 平時佢只會係對住其他人先叫阿水做Mary，呢度明明得工水兩個，佢都叫佢做Mary
13. 久違了的偷入office，仲已經進化到講「welcome to your office」
14. 阿水點解會知阿工密碼
15. 呢度屈阿工請嘢飲其實真係濕濕碎，一貫小學雞鬥氣程度
16. 阿工話曹總都算係個才俊，叫阿水唔好咁奄尖，其實係咪影射緊自己
17. 雙下巴天使！！！
18. 我以為tree gun呢度會講下乜阿工唔係中意阿水架咩，點知無
19. 翻撻
20. 龔爸話女朋友係阿工中學同學！！！阿may！！！



21. 而家見到忘了情我都笑唔出了
22. 阿水連阿工幾點收工都知！
23. 有無人覺得今集就算個blog未爆出嚟，阿工對阿水都無之前咁熱情？
24. 阿工其實唔care忘了情畀人笑，其實唔care啲人叫佢industry，但佢好care畀人知道佢落難嘅過去。一個咁努力上游嘅精英，佢唔需要其他人嘅同情，佢需要嘅係別人嘅肯定。
25. 阿工呢個頭好睇！
26. 呢度其實睇得出阿工有啲睇唔慣阿水淨係諗自己，而無諗到阿工討好曹總係工作需要
27. Jenny ... 今集唔可愛啦
28. 「熊若水小姐，你點解要咁做呀！我估唔到你份人真係咁小器，我信錯咗你！」
29. 呢句根本就係真心嬲，阿工個失望樣睇到好心痛
30. 重點係，阿工呢個咁封閉內心嘅人，真係曾經好信任好信任水水，相信佢唔會傷害自己




31. 豪仔成日係人哋傷口上灑鹽，今集送嘢飲送咗三次都俾人鬧
32. 阿工聽到阿輝話「知道你以前咁慘」之後個個嬲樣
33. 阿水見到阿工咁嬲其實已經即刻有啲內疚，始終阿工係佢心目中真係有啲地位
34. Jenny一定之後會瘋狂係阿工傷口上灑鹽
35. bam門虐到爆
36. 烤全羊
37. 民族裝
38. 合唱
39. 好朋友
40. Helen姐個句「得兒飄」笑死我




41. 阿工成個人氣壓都好低
42. 阿工話曹總同阿水載歌載舞幾精彩吖，點解有啲呷醋feel
43. 「我點會嬲你呀」呢句對住水水講得好溫柔
44. 阿工笑住鬧豪仔真係好得人驚
45. 「首先吖，我係唔鍾意人叫我Industry。第二呢，我唔鍾意人提我嘅往事。仲有就係，要咖啡嘅話，我自己識買。」
46. 「要咖啡嘅話，我自己識買。」呢句寫得好好 充分表現出阿工乜都要靠自己，唔需要別人同情嘅內心性格
47. bgm
48. 「見係你咋，今次算數」


目前為止最長一篇recap，整體後感留返下個reply

希望下集唔好又洗腦，呀工把委屈哽了，呀水把始終因佢而起的失誤合理化後又忘了。應該要有餘震的，咁先有成長。

43. 「我點會嬲你呀」呢句對住水水講得好溫柔
44. 阿工笑住鬧豪仔真係好得人驚
45. 「首先吖，我係唔鍾意人叫我Industry。第二呢，我唔鍾意人提我嘅往事。仲有就係，要咖啡嘅話，我自己識買。」

明明對住水水仲笑緊 豪仔一開口就中槍

23. 有無人覺得今集就算個blog未爆出嚟，阿工對阿水都無之前咁熱情？


我覺
由得兩個人對話都叫佢Mary開始到後面為求合作不擇手段+請飲咖啡果度 都有呢種感覺

我都好鐘意阿龔嘅新髮型
一開始show阿龔新髮型那幕，阿龔好似心情不佳咁，睇直播時一落睇落去，我一度懷疑係會有隱情，同埋解釋佢點解嬲嬲地...
可能我錯覺？ 純屬工作不順利心情欠佳？
我都係比佢最後那皮笑肉不笑表情嚇襯

雖然虐，但其實我幾鍾意今集 ，我諗呢度咁多位都係咁諗
無限寵溺派糖當然好睇，但一直落去得阿工單方面對阿水好，阿水又一直唔知
咁樣關係只會停滯不前，有時候退後一步，反而可能會走得更遠

今集另外有一樣好嘅就係將阿工個人物性格立體化
大家平時只會見到佢世界仔精明卸膊縮骨嘅嬉皮笑臉，
同埋對阿水無限寵溺，完美男友一面
今集睇到阿工嘅黑暗面，心底最放唔低個粒制
就算好愛好愛水水，唔等於佢可以忘懷曾經嘅傷痛低潮，唔係為女死為女亡
尤其是佢以為係自己咁信任嘅阿水，莽撞地將佢嘅傷痛公開成為笑料
以為係阿水做，佢都已經嬲到咁，如果之後知道係Jenny搞鬼，佢實嬲到癲咗
（所以我更加覺得未必咁快會揭穿呢件事）

阿工見到阿水咁努力補鑊，都不禁有啲心軟，唔捨得佢繼續內疚
呢種心情真係寫得好好 我希望佢哋因為咁，關係真係開始有進展
小虐怡情，大虐就會暴動架喇
不過我對編劇有信心

24好撚中

有冇人睇到個mon啲對白寫咩

怕丟X？ 乜都睇唔到

打七你寶寶 對編劇有信心係因為我覺得編審本人都好鐘意工水

見到「水內心」三隻字

我剩係睇到工工業怕丟臉