就算堅持玩正版嘅巴打絲打，你用呢個破解亦可令部 switch 玩到 模擬器，瀏覽器，睇片播放器，甚至 linux，kodi 等等，可能性數之不盡。
情況就好似 iPhone 越獄一樣，唔係一定要你玩老番，越獄之後好多原本做唔到嘅嘢亦都變得有可能。
其實 Switch 破解嚴格來講可以分成兩種。兩者嘅分別唔係在於破解方法，而係在於破解後執行邊一個自製嘅 OS：
第一種如我之前嘅 po 所講，係出自 team xecutor。佢哋寫的 OS 係目前為止係唯一可以令 Switch 玩到老翻嘅 OS。除此之外亦已具備所有以下第二種嘅功能。team xecutor 主要目的係想賺錢，所以呢個方案易用，穩定之餘，價錢亦比較貴。6月15號開始有得賣嘅話，價錢應該大概 HKD 300 左右。我見淘寶已有得預訂。相信深水埗亦有。
第二種嘅 OS 係集合坊間業餘愛好者一齊製造出嚟，並且不斷更新中。在呢一刻呢一個 OS (Atmosphere) 已可以俾你玩唔同種類嘅 Emulator 模擬器，即可玩以前經典遊戲 (NES, sega, gba 之類)，以及有限度嘅上網，及睇片之類。因為不斷有熱心人士更新中，將來話唔定亦可以玩到老番。呢個方案需要自己上網搵料掌握破解方法，不過呢一刻已經可以進行破解，唔使等到6月15號。
而最好嘅地方（亦係任天堂最頭痛嘅地方），就係破解完後，只要重新開機時唔做任何特別嘅動作， Switch 便回復到同未破解之前一模一樣嘅狀態，可繼續正常使用部機。
等我再簡介下第二種破解點樣進行：
1. 淘寶買個 "Switch RCM" 用來插在右邊 joycon 插槽。價錢10蚊人仔唔使。
2. 開機時，將啲舊小小的神奇東西插喺平時右邊 joycon 嘅插槽，然後同時按 power 及 volume up + down 開機
3. 根據此教學進入 atmosphere OS (目前只有英文版教學）。完成。就係咁簡單。
https://t3chnolog1c.github.io/SwitchGuide/
