我女友老母又發功啦 唉 好辛苦

我以前都成日睇呢d post真係到自己食哂屎先識驚 現階段唯有做好自己 威比人睇

咪租樓住囉
一定要買樓先結到婚？
你地如果連租樓既能力都冇
咁你地又何必結婚呢？
租樓煩係煩，但不失為一個方法解決結婚問題
一邊租樓，一邊儲錢等抽居屋
好多人都係咁行

住屋問題唔等於置業問題
人人要有屋住
但唔等於人人都要買到樓住
樓係奢侈品
住屋需要先係民生問題
建議你諗清楚先，如果租樓都吃力
真係諗諗計排公屋

算啦 兩位唔好鬧交 我自己衰姐 如果有父幹邊洗煩 身邊老友 幾個30頭 老豆買左層樓 到而家日日換女 根本無野煩

等到幾時
識有人好似你咁諗
最後到40歲，兩老仲未死
之後到兩老死咗，娶咗大陸老婆

有搵錢能力固然好。
但係如果條女冇搵錢能力。都唔一定冇未來。
但係大家要預先有共識。可能呢世都唔會買到樓。老左生活會好艱苦。
睇下條女接唔接受到。同埋最緊要係自己接唔接受到咁囉。

如果真係有d女。自己又搵唔到。又要呢樣又要果樣的話。真係早飛早著算。

戒哂了 最後一門 股票都戒埋

唔係咁嘅意思，男人有版你睇個橡膠泳，咪又係溝到個26歲港姐，但確實女人你話30幾嘅又唔係有錢有樣，真係好難埋到岸

重係度諗如果有父幹就點點點

講真。以前我老豆老母果代咪又係咁樣住。咁樣生活......
當然，時代係要進步。
但係如果真係搵唔到可以點? 去偷? 去搶?

其實點都生活到。只係大家可唔可以互相犠牲。講到尾又係睇下有幾愛對方姐。
係要將愛情作為搵著數的手段的話。到你搵到個有五百呎屋的，你又想要七百。有七百又想要一千。永無止境。你搵到的係愛情定係水魚一條?

其實你心境都仲係細路仔，仲係中學，睇你瀨你班fd個到已經知，仲係群性發展階級
其實要長大好簡單，跌一次重重既就會長大。接觸多d有營養既野(例如聽下有意義既歌,睇下書etc.....) 由心靈上清洗走自己既稚氣先。將今次既教訓銘記在心，自己一頹就用今次提醒自己再廢落去又會重滔覆轍。久而久之就會好好多。如果你經過今次仲唔識長大，只能說。。。。加油啦

其實唔租屋。都可以同老爺奶奶一齊住。
其實成件事只係睇大家有幾多決心。

點解有啲人唔肯接受現實
呢個世界真係唔係人人買到樓
置業係一種投資
住屋需要先係民生問題

如果要解決樓主叫春既居住問題
只要諗住邊咪得
女朋友要二人世界咪租樓囉
買唔到就買唔到啦
唔通打劫咩

你仲後生，千祈唔好諗唔開，最多咪租樓住有乜所謂

屋企有物業都唔算有父幹 咁點先算有
要求都幾高

如果你同你女友會因為咁而嗌交
咁即係你鍾意你女朋友多過佢鍾意你
你女朋友心底都想搵個有錢啲嘅男人
呢個先至係你壓力嘅真正來源

樓主話女朋友要二人世界喎

其實樓主女朋友都半斤八兩
勁小朋友
拍拖9年都唔知樓主咩斤兩
仲想要二人世界
都唔肯同住

其實係，無能力買，咪租住樓儲首期囉。你可能話： d錢攞晒黎交租點儲。但得罪講句，有咁耐風流就有咁耐你受。如果你條女係呢個情況下仲肯同你捱世界既，我話你聽，你呢世都要鍚到佢癲

屋企有物業係自住樓
除非你個人爭氣月入高，可以加按
唔係點兩邊供樓？

樓主覺得自己冇問題真係好有問題，屋企有樓真係累左你，你十年前搵兩萬，而家又係搵兩萬，唔通你想四十都係搵兩萬？如果你有咁既諗法，根本你女友老母發唔發功你都唔會結到婚

其實....
依家租金一樣都唔係合理得去邊。
當然可以話合唔合理邊個定。但係租金同收入中位數比例點都係高。

其實我十分同意你的講法。
我不嬲都話。
政府係冇責任幫巿民買樓，但係絕對有責任令巿民以合理的代價去解決住屋問題。
依家一個普通後生仔出來做野。租個屋其實都有問題。其實呢個社會真心唔健康。

睇你點睇...
有d囡明顯係想逃避返工。是旦搵到條友養佢，自己又接受到的就算。

未害樓主同佢父母啦，加按層樓佢得兩萬人工點供呀？到佢老豆老母退休邊個養佢地？層樓用嚟做逆按揭架

我都覺得係
樓主以前冇諗過規劃將來
可能就係屋企環境唔錯
唔算憂柴憂米

但屋企層物業係自住樓
就算加按套首期，都要樓主爭氣、月入高
夠供兩邊