（心郁郁又想浸）日本各地溫泉旅館 (2)

諗緊間人蟹

草津勁熱門, 一定有大把啦
我住過木之葉, 夜晚宵夜有free既拉麵同啤酒
溫泉同間房亦都幾靚, 房又大, 約莫3萬円一晚兩人一泊二食,
我覺得幾抵住, 佢個溫泉幾正下
夜晚同早餐都係自助式, 有時冇晒就冇再refill果一樣
如果要私人風呂同懷石料理可以揀季之庭(貴一倍左右啦),
呢兩間d大浴場溫泉係share 既
最唔好就係佢唔近湯畑, 要去草津果三個外湯就要搭酒店shuttle bus落去湯畑再行咁

如果要近湯畑可以考慮奈良屋/草菴/望雲,
頭一間歷史悠久, 後兩間就係新d旅館, 睇你想要d咩

7月一條友去箱根浸唔浸好
有無介紹

追 post。

無乜要求 幾條麻甩佬去感受下浸下溫泉咁 平平地唔太貴就得
唔該晒巴/絲先 我再RESEARCH下

啱啱book咗11月皆生溫泉湯喜望白扇，有冇人住過

有冇人知道12月河口湖 秀峰閣／千一景
佢係未開俾人book定係full左？

除非係好有性格既旅館，否則一般都係120-60日前先會出plan，12月既話等8月先望下啦

由布有冇邊間有私人風侶 推介 御宿 開花亭點睇

有冇人去過京都嵐山 高雄山莊 ？

想問下石和有無溫泉旅館推介呢？
唯一要求係房內有私人風呂。

謝謝巴打們。

睇左兩日post 好多資訊

遲下會去京阪神，想搵一晚浸下溫泉
暫時睇最近就應該去有馬，見巴打介紹 竹取亭円山 or 兵衛向陽閣
但我search過呢兩間都好大間，我覺得呢d 麻麻地， 感覺好似好多人一齊沖涼咁
搵左一間細細地好似唔錯叫 ホテル花小宿, 想問有無巴打住過
硬係覺得要住呢d 先似溫泉旅館

另外就諗緊好唔好去城崎溫泉，遠就遠少少，但見食蟹大餐超正
但其實我係5月先去，過左蟹季，我見d plan好似而家仲有蟹食，但係咪無咁好？
同埋溫泉係咪都係有馬水質好d??

push

ホテル花小宿得洋室，同埋睇相佢得兩個幾迷你下既貸切，大浴池要行3分鐘去陶泉御所坊先有得浸，我自己就覺得呢間麻麻啦，主要係兩食plan都唔算平，都俾得咁多錢就不如搵間真係可以爽下既~

記得最初我都係鍾意搵少房既旅館，貪少人可以包場。但浸左幾年經驗，大細都各有好處，大既旅館人多，但設施亦都相對較完善；人少就夠靜，同埋服務會比較貼身。不過呢D都係一般論，所以我而家搵旅館首要溫泉靚，其次野食正，大小反而係次要

松葉蟹季11月-3月，你7月去城崎溫泉就算有蟹食都唔可能係當地既松葉蟹，應該係北方運過黎既紅蟹之類

水質就好難講，城崎同有馬金泉都係鹽泉，有馬鹽含量應該係全國最多，但浸落去舒服度就應該係銀泉>城崎>金泉，當然有馬係十分有特色，如第一次去我會推薦有馬先

ホテル花小宿得9間房，所以兩個貸切我估都夠浸掛
我見其他有馬溫泉都唔平，竹取亭円山差不多3萬yen一個人
所以仲望緊

其實我對食比較最重視，溫泉水反而未必識分
所以先想諗下城崎溫泉, 唔知食紅蟹係咪都正呢
不過我見就唔會好似11－3月咁成餐都蟹 有d 後悔揀錯5月

6月去過城崎+食過蟹

基本上我以外全部都係日本人
係好食, 但感覺咪都係有一隻蟹食咁lor
可能係我唔係揀全蟹會席course(印象中冇得揀),
就咁揀普通既dinner掛
反而但馬牛有驚喜

重點係城崎有d旅館個溫泉未必係溫泉水
好似話係話為左keep外湯夠泉水用既關係
我日文唔太好, 原文如下

城崎温泉では客室に温泉をひくことが条例で禁止されております。
当館のお部屋のお風呂は沸かし湯になります事をご了承ください

不過好似唔係間間係咁, 所以要自己睇清楚

去城崎要浸既一定係佢果7個外湯

仲諗緊去邊間好
全蟹會席course應該係11－3月限定啦

如果係我會揀去有馬, 下次有蟹食至去城崎
上次去城崎純粹係去天橋立同鳥取順路

其實有冇人試過兩個男仔去住溫泉旅館
黎緊諗住同仔仔去

三人行

咁開心

12月想去日本，想問下邊度係有雪同浸溫泉既最好選擇