［連登讀經團契（一）］創世記｜起初，神創造天地

啱，你覺得自己無提高門檻，正如你覺得聖經無話有地獄。最後都畀讀者踢爆咗。

讀者睇穿新教徒嘅無地獄大話
唔信耶蘇就落地獄係咪好痴線(3)
https://lih.kg/BzgFfvX
#237 回覆 - 分享自 LIHKG 討論區

不斷提高完門檻唔認 望住你咁努力兜就係我keep住留言嘅動力

你未繼續扭曲使徒信經，無視「我信聖而公之教會；」呢句去扭曲成可以好似新教咁可以自創連登堂都ok囉 世界有7成幾基督徒都唔同意你哋新教徒扭曲嘅睇法。

啱，因為你無cherry pick d支持新教嘅留言

我當然唔駛cheery pick ，留俾讀者自己睇
所以我特登乜都唔copy 出黎

哦 咁未畀讀者自己睇。正如畀讀者自己睇你哋點樣spin話聖經無講地獄，但其實就係有

讀者睇穿新教徒嘅無地獄大話
唔信耶蘇就落地獄係咪好痴線(3)
https://lih.kg/BzgFfvX
#237 回覆 - 分享自 LIHKG 討論區

粉巴講得一半冇錯呀，呢個的確算係而家既情況。

現代猶太教主要分兩種。
一種係彌賽亞猶太教，以耶穌作為最終極既彌賽亞（基督）同上主本身，即係猶太人基督徒，以耶穌既解經作為權威。
另一種係非彌賽亞猶太教，仲等緊彌賽亞來臨，又叫拉比式猶太教，以歷代既拉比（智者）既解經作為權威，佢地叫口傳解經傳統做oral Torah，同聖經Torah 本身（又叫written Torah）視為同等 。
所以，如果話佢地「淨係信舊約」，其實爭左口傳傳統果一半。

至於猶太人，耶穌時代就一定係猶太教眾派別當中（法利賽、拿撒勒、激進派等等），但去到現代，就連一個確實既定義都冇。如果媽媽係猶太人，生出黎既子女就被視為猶太人。
事實上，從以色列重新立國以來，各地能夠返去以色列地生活既人，有好多都只係追到幾代之前有猶太血統，但係個生活方式一早就變得接近完全唔猶太。雖然係咁，以色列既教育制度仍然要從小學聖經，我個猶太friend就係咁。我諗類似宗教科啦（利申：自己從未上過）。
以色列國係好世俗化，佢地大部分人其實連自己個神都唔認。

有幾個原因導致你描述既情況：

（1）基督教會解錯經（一）

教會解錯經，令反猶主義興起。其中一句係咁：

約翰福音8:44
//44 你們屬於你們的父魔鬼，喜歡按著你們的父的欲望行事。他從起初就是殺人的兇手，不守真理，因為他心裡沒有真理。他說謊是出於本性，因為他本來就是說謊者，也是說謊者的父。//

耶穌向約翰筆下既「猶太人」咁講，話「猶太人」既父係魔鬼。當教會既外族人（非猶太人）成為大多數/全部，佢地用習慣用既希臘思維既解經，將經文一般化到放諸四海皆準，當正任何時代任何猶太人都係魔鬼之子，結果用左猶太人寫既聖經黎反猶。

可惜，希臘化既教會冇諗過使徒約翰用「猶太人」係專指當時祭司長之類既領袖，連祭司咁高地位都要聽佢地差派：

約翰福音1:19
//19 以下是約翰的見證：猶太人從耶路撒冷派祭司和利未人到約翰那裡，問他：“你是誰？”//

（2）基督教會fake news

開始左反猶主義，就有各式各樣既扭曲同毀謗，最出名既莫過於最遲第三世紀開始就有既blood libel：無中生有咁老屈猶太人要殺基督徒小朋友，攞佢地D血整逾越節無酵餅。
於是，猶太人去到邊被逼害到邊，最後甚至造成希特拉大屠殺慘劇，搞到佢地自己都質疑神、離開神。

基督教會（廣義，咩宗派都好；但唔計唔關事既異端，佢地本來就唔係教會，唔係基督既身體）係呢方面罪大惡極，責無旁貸。基督教會必須認罪，重新審視解經既方向，並且竭盡全力向猶太人重新復和。

（3）猶太拉比解錯經

耶穌在地上指出左，將口傳傳統抬高到聖經咁既權威，就會做出違反聖經既事。

馬太福音15:1-6
//1 那時，有些法利賽人和經學家從耶路撒冷來見耶穌，說：
2 “你的門徒為甚麼違背古人的傳統，吃餅前不洗手呢？”
3 耶穌回答：“你們又為甚麼為了你們的傳統而違背神的誡命呢？
4 神吩咐過：‘要孝敬父母’，又說：‘咒罵父母的人必須處死’。
5 你們卻說：‘無論誰對父母說“我本來給你的奉養，已經作了奉獻給神的禮物”，
6 他就完全不用孝敬父親了。’為了你們的傳統，你們就廢棄了神的話。//

參考同時期猶太拉比既用法「廢棄神既話」，意思係「解錯聖經，令到聽左既人照做都達唔到神既說話應有既效果」。因為聽眾一樣都係當時既猶太人，所以耶穌用既語言應該同當代拉比一致。耶穌話，跟口傳傳統係會解錯聖經。

（4）猶太拉比fake news

猶太使徒寫既四福音書，記載左耶穌既言行。唔接受耶穌係彌賽亞既猶太領袖同拉比，一樣記載左耶穌係口傳傳統入面。其實兩者內容非常之平行，只係敵對耶穌既拉比寫既係醜化版。

耶穌個名Yeshua' ，係常見既名，同「約書亞」一樣，意思係「上主拯救」。
拉比文獻將呢個名寫成Yeshu ，又解釋做「願佢既名字同佢既記念被抹掉」既縮寫。

耶穌去到邊度教導都有神蹟跟住，醫病、趕鬼、使人復活，拉比文獻入面寫成耶穌行巫術。（即係佐證有能力跟住耶穌係事實。）

耶穌復活左，屍體唔再係墳墓，向門徒顯現，令到門徒受到極大安慰同鼓舞，周圍傳講耶穌已經復活左。猶太領袖版本：墳墓守衛話訓著左果時，耶穌既門徒偷左屍體（訓着左又知）。

去到現代，猶太人仍然向後代將耶穌講成另外既神，甚至係羅馬人當中既一個神明。

（5）基督教會解錯經（二）

保羅用「律法」呢個字有好多意思，有時指「律法書」（摩西五經，即係聖經，例如 加拉太書3:24），有時指唔理神既「律法主義」（行出固定行為作為終極目標，例如 加拉太書5:4）。

當解釋「律法同恩典對立」，慣左希臘哲學思維既神學家解經，唔理三七廿一，當正句句都放諸四海皆準，咁就大鑊，為左講耶穌基督既恩典（約翰福音1:17），逢係同律法有關既都唔要（極端D既甚至想聖經Torah都唔要埋），要求信耶穌基督為主既猶太人放棄猶太身份，錯誤咁教人做基督徒就唔好做猶太人（錯在接近直接違反 以弗所書2:16），所以去到今日，猶太人基督徒係猶太人當中極少數。

雖然係咁，彌賽亞猶太教（猶太人基督徒）而家以前所未有既速度增長緊。其實如果唔自製fake news，猶太人認識耶穌做佢地既主，係自然不過既事。

猶太人最重視摩西五經，年年循環研讀（唔計好世俗化果D啦），而耶穌自己咁講：

約翰福音5:46-47
//46 要是你們信摩西，就會信我，因為關於我的事，他已經寫了。
47 如果你們不信他所寫的，又怎會信我的話呢？”//



最後另外講多句關於「神既兒子」，呢個係猶太人既語言，除左生物上親子關係，亦指兒子出自父，同父某方面既相似（如行為），而唔係身份上既定義。例如上面（1）提及既「你們的父是魔鬼」都係咁解，魔鬼殺人，佢地又想殺耶穌，就似。另外仲有好多其他例子。
因為耶穌有神蹟跟住，所以知道耶穌教既野係出自神，或者話「耶穌係神既兒子」。

當時既猶太領袖認為耶穌違反佢地對安息日既傳統解釋，所以冇可能出自神，「唔係神既兒子」。

再睇下「我信聖而公之教會；」點解，讀者可以自己判斷。

使徒信經的原文與含義
使徒信經中的一句話說：「我信聖而公之教會」（英文：I believe in the holy catholic Church）。

這裡的「catholic」原本來自希臘文 katholikos，意思是「普世的、完整的、普遍的」，與今天「羅馬天主教」這個名稱並非等同。

在早期教父的語境中，「聖而公之教會」是指一個由神設立、有權柄、有正統教義、遍及全地、屬於整體信徒的教會。這個教會被認為有神的授權、正確的聖禮與教導，並持續承傳使徒時代的信仰。

…………

好啦，再睇下非派別／福音派嘅水巴，信唔信「我信聖而公之教會；」先

新教：
1. 多數不強調傳統教會架構，也不講求權柄的傳承。
2. 將「聖而公之教會」理解為一個屬靈的群體，只要真心信耶穌就是教會的一份子。
3. 主張「看不見的教會」，即不一定需要歷史或制度上的連貫性。

簡單嚟講，就係新教徒唔相「信聖而公之教會；」，睇住黎巴創立連登堂，水巴無勸勉仲加入崇拜。咁就知道，根據使徒信經。水巴就異端嚟

水巴引用使徒信經出嚟，點知證實咗水巴自己正正就係使徒信經講嘅異端

Epic fail

巴打，用受造既人去比喻創造既神，唔太恰當。

#293摩門教徒用既「神」字，離開左幾千年既猶太人理解，包括耶穌時代眾使徒既理解。

耶穌冇提過自己係咪神，冇提過自己係咪有神性。但係，耶穌接近明講自己係上主（耶和華）、出自上主，即係猶太人理解既獨一神。佢身邊冇人聽唔出。耶穌咁講：

約翰福音10:30-31
//30 我與父，恆常是一。”
31 猶太人又拿起石頭要打他。//

因為猶太人領袖聽得明耶穌係上主自己，所以判斷耶穌褻瀆，要用石頭打佢。

得啦得啦，個個都解錯經得你啱嘛 但你係乜水？睇返聖經，解經要有權柄，而唔係邊個都解得到。聖經中只有耶穌、先知、使徒先有權柄解經喎。但你係邊個呢？你係神？先知？使徒？全部都唔係喎。

另外你之前畀「邪靈」搞，令我記起聖經呢段故事。

使徒行傳:19:13 那時，有幾個遊行各處，念咒趕鬼的猶太人，向那被惡鬼附的人，擅自稱主耶穌的名，說：我奉保羅所傳的耶穌，敕令你們出來。
14 作這事的，有猶太祭司長士基瓦的七個兒子。
15 惡鬼回答他們說：耶穌我認識，保羅我也知道，你們卻是誰呢？
16 惡鬼所附的人，就跳在他們身上，勝了其中二人，制伏他們，叫他們赤著身子受了傷，從那房子裡逃出去了。

似乎啲「惡鬼」唔識你喎。咁根據聖經同埋你嘅經歷，我就知你無任何解經嘅權柄。只係一芥草民自我膨脹到極致，喺到拋書包blue curtain神嘅啟示點解。

黎教主被惡鬼勝了
基督教連登堂2024年12月8日至12月14日主週崇拜：聖誕節與獻殿節（客席講員）
https://lih.kg/DoBGmCX
#828 回覆 - 分享自 LIHKG 討論區

黎巴，你嘅三一神先係離開左幾千年既猶太人理解，包括耶穌時代眾使徒既理解。又喺到用我與父原為一嚟扭曲聖經。

約翰福音已經講咗呢個唔係三一神嘅合一，否則你就應該信14位一體。

約翰福音:17:21 使他們都合而為一，正如你父在我裡面，我在你裡面，使他們也在我們裡面，叫世人可以信你差了我來。
22 你所賜給我的榮耀，我已賜給他們，使他們合而為一，像我們合而為一。
23 我在他們裡面，你在我裡面，使他們完完全全的合而為一，叫世人知道你差了我來，也知道你愛他們如同愛我一樣。

而且Before Abraham was, I am嘅Eyw eimai唔係I am who I am嘅用字嚟。猶太人千年嚟已經有呢個傳統。你崇拜猶太，但又唔識猶太嘅草民喺到講大話呃人。人哋聖經學者已經解釋咗猶太人係點睇呢句，同點解會嬲

https://youtu.be/UQCGQRgzqvE?si=TayP5_XjWH7zaq0M

神係全能, 但神造世界造人時就決定了祂與人/魔做出界線, 祂統管主宰宇宙世間陰陽間, 但祂不會說: 我今天說謊了我今天行邪淫了我今天殺人了, 所以祂是明確的與人世間做了分割, 不關祂是不是全能, 而是關於祂對人及人世間的設計, 所以祂分割開了祂設限制了, 祂在世人眼中好似曾以耶穌身份存在過, 但就只如你在game中開咗個account, 真實的你入唔到去. 真實的神也降臨不到世間, 最多只有祂的旨意存在於世, 最多只有一個被限制了的肉身一生在世間.

比喻就係咁, 聖經中都常用比喻, 咁好多個比喻你都可以話佢唔恰當, 跟住就無視佢~

老實講，你呢個睇法係你嘅，我尊重無問題。但我喺聖經同邏輯上搵唔到一個合理根據。

衪可以主宰一切，即係佢都可以令世上無人受苦同犯罪。用衪設計其實只係單純我說了算，你無資格過問。咁同個暴君根本就無分別。

而你個game account都解釋唔到，因為如果我係全能又係整game個個，自然就做到將自己100%出現喺隻game到而唔需要整account。我哋要整account因為人唔係全能。
整個解釋完全唔合理同邏輯。

可能我令你誤會左，咁我再講清楚少少啦，我唔係講緊所有比諭都唔恰當，我係講緊個唔恰當之處係受造既人係塵土，唔係電腦世界入面既野，但神唔係塵土所做，能夠成為肉身，事實上耶穌就係神成為肉身。因為最緊要果樣唔同，所以我先話比喻得唔恰當。

聖經入面既比喻，例如浪子既比喻入面（路加福音15:11-32），神比喻做人既父親，解釋神既心腸同作為，並唔係解釋是否能夠成為肉身。所以冇任何原因無視，而且唔應該無視。

對, 祂是暴君, 聖經中祂多次展現了但人選擇視而不見.
神是全能, 為什麼祂就不能存在某一個狀態? 想佢萬能但又用人嘅邏輯限制佢?

你去整game, 只係你能力一部分, 是你展現的一部份. 不會是你的全部, 並非因為你非全能.

講漏左一點，耶穌既聽眾都係猶太人，都稱呼神為「我們的父」（以賽亞書64:8），所以呢個比喻係聽眾會明白既。

估巴打係答緊

點解一時叫「耶和華」，一時叫「神」？

呢條？

聖誕入面嘅耶穌並唔係跟人世間設計去出現, 祂是透過神蹟出現的, 肉身的胚胎根本不是人間原有的, 同時出現在人世間的並不是神的[本體], 祂足以撐爆整個人間世界~ 祂可創造塵土改造成肉身, 但祂不是塵土, 但同時也是塵土

人響game入面亦不會跟其他角色一樣, 而在game出現的只能是人的意識展現, 人不是1/0數據, 但也是1/0數據

衪是暴君很好。最少願意承認同埋個邏輯一致。
好奇，你係有冇宗教？咩教派？
如果你嘅萬能係指佢可以違反邏輯，咁就更易處理。衪可以送你落地獄再話呢到係天堂。佢可以說我說「我今天說謊了我今天行邪淫了我今天殺人了」但其實無說謊、無行邪淫、無殺人。

整個神就會變得完全無討論嘅空間，存唔存在、真唔真根本就無意義。唔係唔得，仲好邏輯一致添。但咁嘅信我唔會崇拜同相信。因為我崇唔崇拜佢，同我嘅個人進步同下落根本就無任何關係。人可以信佢，終其一生都事奉佢，但最後畀佢扔落地獄。

如果我全能，我整game就可以用我全部嘅能力，咁就唔會出現我唔可以出現喺我全能整嘅game到。

當anything can means anything時，就無討論嘅空間。呢個神同我有冇關係都唔重要。

冇錯耶穌既出生係神蹟，以撒既出生同樣都係神蹟。但當一講到「本體」，就唔係出自聖經，咁好難溝通喎。呢個post 既初心係討論聖經，聖經講咩就討論咩，game既內容同聖經既內容係兩樣野。

聖經講到，神既能力令到馬利亞生出耶穌，就係咁簡單。

路加福音1:26-38
//26 到了第六個月，天使加百列奉神差遣，往加利利一個名叫拿撒勒的城鎮去，
27 到了一個童女那裡，她已經許配給大衛家族一個名叫約瑟的男子，童女的名字叫馬利亞。
28 天使進去，對她說：“蒙大恩的女子，你好！主與你同在！”
29 她卻因這話驚慌失措，反覆思索這問候是甚麼意思。
30 天使說：“馬利亞，不要害怕，因為你已經在神那裡蒙恩了。
31 你將懷孕生子！你要給他起名叫耶穌。
32 他將要為大，被稱為至高者的兒子，主神要把他祖先大衛的寶座賜給他，
33 他要為王統治雅各家，直到永遠，他的王國沒有窮盡。”
34 馬利亞對天使說：“我還沒有出嫁，怎麼會有這事呢？”
35 天使回答：“聖靈要臨到你身上，至高者的能力要覆庇你，因此，那要出生的聖者，將被稱為神的兒子。
36 你知道嗎，你的親戚伊麗莎白，在老年也懷了男胎！那稱為不能生育的，現在已是懷孕第六個月了，
37 因為對神來說，沒有甚麼是不可能的！”
38 馬利亞說：“我是主的婢女，願這事照你的話在我身上成就！”天使就離開她去了。//

睇住耶穌大既人都覺得耶穌係正常人：

馬太福音13:53-58
//53 耶穌講完了這些比喻，就離開那個地方。
54 他來到自己的家鄉，在猶太人的會堂裡教導人，眾人就驚訝不已，說：“這個人哪來這樣的智慧和能力呢？
55 這不是那個木匠的兒子嗎？他的母親不是叫馬利亞，他的兄弟不是雅各、約瑟、西門和猶大嗎？
56 他的姐妹不都在我們這裡嗎？那麼，他從哪裡得來這一切呢？”
57 他們就厭棄他。耶穌對他們說：“先知除了在本鄉本家，沒有不受人尊敬的。”
58 因為他們不信，耶穌就不在那裡多行神蹟了。//

由第一步開始已經唔正常, 成長中沒有展現太多只因他離開了出生地在外的事蹟沒有被完整記載, 就當他一直沒特別,,但自從耶穌回到家鄉後就沒有[正常]過, 祂的神蹟還展現得不夠嗎? 為什麼大家羞於承認耶穌的不凡, 只因祂沒有抗拒比拉多願釘十架就要拉低祂的神聖嗎? 三位一體其實都表達出了祂不是以[耶和華]本體降臨, 而耶程華以往亦都只以各大自然形象顯現, 亦都在啟示錄講到明現世界破滅了人才能到一個與祂同在的[天堂]. 明明白白的事, 為何要古古怪怪不去承認?

你可以唔信, 但聖經講明舊天地不見了, 在新天新地神才會親自與人同在, 呢個係神對這世界的設定.

我唔知神有無去造其他天地有其他子民, 唔知佢會用乜設計會唔會一直與他們同住, 有的話我諗嗰度嘅子民照計就無咁夠膽當住佢面犯佢講到明嘅規條吧~

神, 就係anything can means anything, 無討論空間的

ok，最少你嘅邏輯一致，我絕對尊重你睇法。Good talking with you

巴打咁樣講，似表達個人意見多過討論聖經內容？

由第一步開始已經唔正常, 成長中沒有展現太多只因他離開了出生地在外的事蹟沒有被完整記載,

四福音書作者有個鮮明既訊息，要見證耶穌，唔係滿足讀者既好奇心。冇講你想知既野，唔代表有野唔正常，只係代表你既思路同作者既思路唔同。

就當他一直沒特別,,但自從耶穌回到家鄉後就沒有[正常]過, 祂的神蹟還展現得不夠嗎?

耶穌家鄉既人覺得耶穌只係正常人，係佢地不信，上面經文就講左（馬太福音13:58）。對於堅持自己睇法既人，見到幾多神蹟都冇分別。要訓既人係叫唔醒。

為什麼大家羞於承認耶穌的不凡, 只因祂沒有抗拒比拉多願釘十架就要拉低祂的神聖嗎?

呢一句，唔好意思，我睇唔明幾個陳述中間既邏輯關係，亦都搵唔到聖經經文有咁講。介唔介意解釋清楚？

三位一體其實都表達出了祂不是以[耶和華]本體降臨,

呢個唔係聖經既講法。

耶穌引用聖經，將自己代入上主，熟悉聖經既猶太人（門徒或其他人）聽得出，就知到耶穌講緊佢係上主自己（例如 約翰福音10:30-31 引用 申命記6:4）。

無睇漏既話，聖經從來冇提過上主既「本體」( https://biblehub.com/hebrew/6106.htm )。各自想像既野，好難討論到，所以不如講返聖經內容。

而耶程華以往亦都只以各大自然形象顯現

呢個講法違反聖經。例如

創世記18:1-2, 22
//1 耶和華在幔利橡樹那裡向亞伯拉罕顯現。那是一天最炎熱的時候，亞伯拉罕坐在帳篷門口。
2 他舉目觀看，看見有三個人站在他附近。亞伯拉罕一看見，就從帳篷門口跑過去迎接他們，伏地下拜，

…

22 其中二人轉身離開那裡，往所多瑪去了，亞伯拉罕卻仍然站在耶和華面前。//

上主以人既形式向左亞伯拉罕顯現。

亦都在啟示錄講到明現世界破滅了人才能到一個與祂同在的[天堂]. 明明白白的事, 為何要古古怪怪不去承認?

其實啟示錄冇提過天堂，反而有引用以賽亞書提及新天新地。

神既同在，從來冇停過。最直接係：

馬太福音28:20
//20 我吩咐你們的一切，都要教導他們遵守。記住，我時刻都與你們同在，直到現世時代的終結。”//

呢個係事實。至少我可以100%咁講有發生係我自己身上。以馬內利，神與我們（呢D愛佢既人）同在，係人（神）如其名。