藏巴你提出既呢幾點,係好核心既問題,問得好好。
(1)聖經,係猶太人既文獻,係猶太文化當中寫出。聖經出自神既靈,意思係神會用大能令到聖經寫左既野成為現實、係人身上達到效果:
提摩太後書3:16
/16 全部聖經都出自神的靈,對教導、指責、使人歸正、培訓人行義都有益處,
17 好讓屬神的人完全勝任,裝備好做一切的善工。//
如果冇神既能力,就只剩返一堆同神冇關連既字(儘管入面提及神既描述),冇任何意義。
耶穌時代既聖經,同今日既希伯來聖經一樣都係分做三部分:律法書(摩西五經,最重要既部分)、先知書(包括大部分「歷史書」)、寫作(以詩篇為首)。耶穌親口講左:
路加福音24:44-49
//44 耶穌對他們說:“這就是我從前和你們在一起的時候,對你們說過的話:摩西的律法、先知書和詩篇上所記有關我的一切,都必須應驗。”
45 於是,他開啟他們的心竅,使他們明白聖經;
46 又對他們說:“經上這樣記著:基督必須受難,第三天從死人中復活。
47 人要奉他的名宣講悔改、好讓罪得赦免之道,直到萬國。
48 你們從耶路撒冷開始作這些事的見證人。
49 我要將我父應許的差遣到你們那裡,但你們要留在城裡,直到你們領受從高處來的能力。”//
根據耶穌咁講,「明白聖經」係同「耶穌應驗希伯來聖經」、「宣講悔改、讓罪得赦之道」、「見證耶穌受難、第三日復活」、「領受高處來既能力」分唔開。
呢幾樣夾埋就係基督徒既獨特之處。如果有人自稱明白聖經,但唔係做呢幾件事,佢就係講緊大話。
至於新約聖經,就係記載猶太拉比耶穌解釋希伯來聖經(包括耶穌言行)、眾猶太使徒解釋希伯來聖經(包括使徒言行),又應用係第一世紀既信主群體,處理教會遇到既問題同挑戰,同時駁斥當代既異端,就係外來兼且違反聖經既教導,其中包括諾斯底主義。
如果唔係按住耶穌既方向解釋希伯來聖經,就冇資格被稱為聖經。如果連猶太既文化背景都冇埋,更加冇資格被稱為聖經。
最後成書既啟示錄,完係一個極嚴厲既警告,表明唔再有書卷會被列入聖經:
啟示錄22:18-21
//18 我向所有聽見書上這些先知話語的人鄭重聲明:如果有人在這些先知話語上加添甚麼,神就會把這書上所記的災害加到他身上。
19 如果有人刪去這卷先知信息的書上的話語,神就會從這書上所記的生命樹和聖城中刪去他那一份。
20 證明這些事的那一位說:“是的,我快來了!”阿們!主耶穌啊,願你來!
21 願主耶穌的恩典與眾人同在!//
(2)聖經書卷既各自成書,同埋確認聖經正典既形成,係兩件唔同既事。
希伯來聖經成書之後,有耶穌親自認證。
新約聖經書卷成書,各教會抄寫傳播,當時仲有在生、親身深入認識主耶穌既使徒能夠確認,邊D有神既啟示,邊D書卷比其他書卷神聖。
最遲第一世紀末開始,異端漸漸猖獗,教會有需要制定聖經正典,將唔關事既書卷分割開。神聖既書卷唔會變得唔神聖,亦都唔會突然之間有神聖既書卷出現。因為Diocletian 既燒聖經迫害,教會有必要認真係神面前尋求,保留神聖既書卷,將唔神聖/冇咁神聖既書卷交出去被燒毀。再之後既大公會議,只係確認正典。其實邊D書卷神聖邊D唔係,教會一早心中有數。
請參考以下回覆既第(5)點,會再詳細少少:
「你問我答」我係基督徒
https://lih.kg/EgJiOKX
#373 回覆 - 分享自 LIHKG 討論區
(3)關於羅馬帝國既政治,上面傳送門既第(7)點(誤寫作(6))唔知答唔答到你。如果答唔到,我好樂意聽再清楚D你既問題。
(4)關於「早期基督教派甚至有輪迴觀念」,我查唔到任何可靠既文獻有咁樣提及。請問巴打能唔能夠提供參考資料,等我可以細讀當中既內容?
(5)「偽典」,估計你指「託名著作」pseudepigrapha。呢類係公認唔神聖(或至少冇咁神聖)既著作,但係仍然有研究既價值,因為可以反映當代人既語言同思想,幫助我地進入特別係耶穌時代既世界。例如「以斯拉續篇下卷」,就係大概第一世紀既猶太人託幾百年前既以斯拉個名,寫出對當代苦況既感受同期盼(參考葉應霖博士講解)。
正如#1有講,信仰既根基在於耶穌復活既歷史事實,所以信埋耶穌親口證實兼指向耶穌既希伯來聖經,而符合希伯來聖經教導既書卷,除左新約聖經正典之外,睇多幾多卷都唔係問題。
(6)容許我大膽講一句,冇一個宗派係「信得過」。只有耶穌,即係神自己,係信得過。
聖經講到 「信」(Amen),有兩個相關既基本意思,其中唔包括「接受一句陳述/一件事件係真」。
第一,係向神呢個對象「堅定不移、忠信」,重點係向效忠既對象,要表現既係忠誠,即係對主耶穌至死忠心。
第二,係「信實」,信守承諾,講過算數,因為神係信實、可信靠,神將所有講過既野(包括聖經內容)都照做出黎,所以神既聖民活得似神,按住神既指引活得同其他人唔同,亦都中包括「信實」,向神如是,向人都如是。
因為神係活生生住係我地中間,所以千其唔好以任何一個宗派為權威,反而要以追求耶穌同在為目標,做神所喜悅既事(包括心入面每一個動機),按住耶穌既解經去理解聖經既每一筆每一劃,盡力活出耶穌既教導,遵守佢講既野又同樣咁去教導人,因為耶穌自己係咁講:
馬太福音28:18-20
//18 耶穌上前來,對他們說:“天上地上一切權柄都賜給我了。
19 所以,你們要去使萬民做我的門徒,給他們施洗,歸入父、子、聖靈的名下,
20 我吩咐你們的一切,都要教導他們遵守。記住,我時刻都與你們同在,直到現世時代的終結。”//
實際行動上,我認為首先要自己熟習聖經既內容,然後先分辨到有咩人(任何宗派)講既野係按住聖經講,有咩人(任何宗派)講既野係按住私慾講。