【海菲】《病港ＩＩ》（７９）

推

推

文呢

「你叫我嚟，就係睇你吸骨灰？」

「我開頭係怕俾人郁手，但似乎係我諗多咗，個岑太見到盒牛肉即刻吞咗口水，佢今晚應該可以食餐好啦，哈哈哈哈。」米田貢埋頭大吸骨灰罈：「我都可以食餐好……」

「遵守你嘅諾言。」

「我會叫僕人去拎食物俾你。」

稍後的時間中，米家的僕人帶了部份食物到來病獵學會，我將部份食物轉贈至病者保護團體以獲取信任。

緊接兩天後，我獲得了他們書信的邀請。

「敬愛的亞貢！本會充分感受到你的誠意，經共生導師們一致同意，暫且任命你為「綠色宣教士」，請於下星期攜帶信件出席聚會。」

為完美飾演環保人士，我問劉吉借了蓑衣穿著，配搭頭上斗笠，甚至赤腳走路。

恰好，當天下著冷雨，衣服發揮出功效。

一到病者保護團體門前，我把信交給看門人。

看門人略略看了看信件：「原來係新成員，多謝你為世界出一分力，加入依場偉大嘅事業。」

「係必須。」我點頭。

「請入去。」看門人給我讓路。

這裡像另一個庇護所，這裡石頭成坐椅，大部份人睡吊床，而吊床就掛在走廊的兩側，我就在中間通道中穿梭。

大部份物件都以可回收物料製作，包括用水管做出澳洲土著笛，以鋁罐、紙皮和塑膠繩堆砌成的爵士鼓，甚至鼓棍都用木筷替代，一名年青人坐在鼓後敲打著「Beyond」的《我是憤怒》。

某房間中傳來大量此起彼落的狗吠聲，應該是團體飼養於此。

現在是自由參觀時間，我把握機會四處看看。

某活動室中有一個行動隊伍，他們商討著什麼計劃。

「陣間我哋突然檢查敬文書院嘅宿舍，睇下佢哋有冇善待動物，如果隻狗睇落好消瘦、唔開心，即刻捉救走佢。」

「如果狗仔嘅主人阻止？」一位成員問。

「搵人引開佢注意先。」

看來他們是狗義工，負責審判狗隻是否安全。

現在病者保護團體內的人，大部份都聚到集會中，我混水摸魚般融入其中。

台上的講者叫易寶錕，之前帶領過成員拆檔。

「各位同志，今日我哋聚集喺到，面對住人類同病者之間嘅危機，必須要深刻反思我哋嘅道路。病者嘅出現唔單止係場大災難，我哋與其將病者視為敵人，不如視為生態危機，提醒我哋回歸自然，回歸嗰個唔屬於人類嘅自然。」

大家都靜心聆聽著易寶錕的說話。

「你哋在座曾經可能係環保鬥士、動物義工、地球村居民，但今日我哋喺到，都係一位物種共產主義者！病者可以話係人類嘅惡果，亦係大自然給予嘅懲罰，如果人類唔學識慘痛教訓，遲早都只會滅亡，可惜至今人類對動物嘅暴行依然未停止，有見及此……未來我哋必須加大度，盡一切力量去警醒人類，唯有病者可以令人類後悔。」

易寶錕目光掃視台下的參與者：「前日我哋收到一位捐款者贈送嘅糧食，我非常感謝，請問「綠色宣教士」亞貢喺唔喺到？有冇到場。」

我恍神幾秒，才記得要舉手。

「以後你就係我哋嘅同志。」易寶錕點頭給予肯定。

短暫的集會結束後，易寶錕落台親見與我會面。

「同志，希望日後你會多多嚟參加集會，相信你都係認同我哋理念嘅人。」

「我好開心大學存在依個組織，以前實在係無咩做得到。」

「好好咁踏實善良地生活，已經係為地球生態出一分力。其實我哋幾日後會有行動，但係好秘密……你係新成員，我唔方便同你講，但遲早都會知。」易寶錕微笑。

「好，加油。」

他大概一輩子都不會猜到，面前是虐殺病者無數的人。

我在病者保護團體上上下下參觀了一遍，都找不著任何可疑的地方。

尋不著實質證據，我也不能做些什麼，只好擇日再來。

瓢潑大雨的大學，別有一番憂鬱的景致，天空像是沉思的畫布，。

路上的行人匆匆，躲在教學大樓門前待雨停，或是有人脫光衣服，享受久違的淋浴。

忽地間，車胎高速行駛的聲音穿透雨聲，於大學路上回蕩。

斜風大雨下，一名男子站立四驅車上飛快穿梭著校園。

我認得他！

是當日撤離博物館時，為我們引開病獸的人。

我走出路上，好讓會他會煞車。

「咯吱──」四驅車停下。

「你聽唔到車聲嫁咩？」男人說。

「早幾日，你係咪出過倖存區？」

「我識得你？」

「你引開咗隻病獸。」我續說。

「嗯……」男人回想起來，確有此事：「係啊，你係？」

「我係當日漁船其中一個人，多謝你嘅舉動。」

「哦！你哋無事啊，幫到你哋就好。」男人展現出喜悅的神情。

「方便傾個計？」我提議。

男子想一想：「好啊，嚟我到。」

說畢，男人帶我前往他的基地。

「未介紹，我叫雷萬霆，做工程。」

「你嗰日點解會喺嗰到出現？」

「我平時係會出去挑逗下病者，睇下附近有冇倖存者需要幫，咁啱嗰日就撞到你哋，你哋係出海捕魚定調查？正常漁船唔會揸入城門河。」

「其實我係病獵學會，嗰日做緊營救任務。」

「喔！嗰個病獵學會我聽講過下……」

雷萬霆把我帶到自己的社團中，一入去我就被玩具賽道上的四驅車吸引住目光，上面有四輛迷你四驅車競速當中。

「歡迎嚟到我嘅四驅車社團。」

「原來你都係創辦人。」

「係啊，依部結合咗電動平衡車同兒童電動車設計嘅產物，都係我一手一腳整出嚟。」

「你都幾勁，可以整到部喺倖存區外面跑嚟跑去嘅車。」我半跪蹲身，端詳其腳下四驅車。

「你唔好睇我玩得好爽，我要佢行一粒鐘嘅話，分分鐘要踩足全日單車發電機。」雷萬霆嘆氣，拍拍腿部。

成堆環保撚

收牛肉禮盒，仲好意思叫物種共産主義？

課金無乜主線劇情劇透討論

竟然係四驅契弟

M 條仆街 係咪同環保撚有仇？
上個月搞完樹鄉 今個月又搞人哋環保組織

好想睇吓米田貢同富林比比嘅互動

會唔會有實體 II 卷4買？

邊度有寂之鴉賣，嗰陣無買到，一直冇得睇

整咗 但未印

絕版嘢

「得你一個？」我見社團內沒什麼人。

「暫時係得我一個經營緊。」雷萬霆尷尬抓抓腦勺：「始終對好多人嚟講，四驅車都只係玩具，唔係咩熱門嘢，大部人都去戳波、打波、踢波。」

原來大學都有幽靈社團，默默地努力著。

「係啦，你有冇興趣玩下？」雷萬霆雙手展開，指尖向著玩具賽道：「包你玩完會上癮。」

「我對你依部有興趣啲。」我低頭瞧著電動四驅車：「咩名堂？」

「喔，依部叫「中大一號」，但你無玩開電動平衡車，我驚你會跌親，因為佢始終太快，而且靠體感重心調節方向，你一撞就車毀人亡。」

「你拎我諗起位朋友，佢都好鐘意玩依啲遙控車，我自問平衡都唔錯。」

雷萬霆猶豫著，生怕我會撞車。

「你部嘢造價幾錢？」

「所有零件夾夾埋埋，大概係一位大學主任級全年嘅工資。」

「咁你整得起都幾勁。」

「因為我以前中咗彩票，所以先養得起依啲奢侈嘅興趣。」雷萬霆垂頭嘆氣，手指輕輕揉著額角：「依家單單係每個月保養，都洗哂我成份糧，儲唔到錢，完全食老本。」

「咁都係算，我都廢事整壞你部嘢。」正如我不會把鯨牙大劍借給弱者一樣。

「真係唔好意思啊……」雷萬霆拍拍我右肩。

「其實我嚟同你傾計，有樣嘢想問你意願。」

「請講？」雷萬霆睜大眼皮。

「睇下你會唔會有興趣加盟病獵學會。」

「加盟？你意思係成為你哋一份子？」

「可以咁講，但又唔完全係，你哋仲會保留自己社團特色，只係成為旗下一份子。」

「對我有咩實質上好處？」雷萬霆挲著下巴。

「最大好處應該係免租金？我哋學會場地好大，可以俾其中一個位你，反正大學咁多社團散修修，自己經營都係無乜人，不如統一起嚟。」

「的確有啲吸引啊……」雷萬霆仍猶豫不決：「但我應該要付出啲咩？」

「其實主要你係志同道合，見你都係有勇氣對抗病者嘅人，可能你可以教我嘅成員一啲知技能知識。」

「我個心十五十六哈哈哈，好似突然間跌咗隻燒鵝髀俾我，好唔真實，另一方面依個地方住落有感情。」

「你諗諗佢。」

「一係咁！如果你電動四驅車贏到我，我就接受你嘅提議。」雷萬霆指著自己的電動四驅車。

「你得一部，點鬥？」

「其實我仲有另一部。」雷萬霆走入倉庫中，推出一部相同大小的電動四驅車：「依部係「中大二號」。」

「原來你有兩部……」

「依部原本係屬於我阿妹，不過佢已經唔喺到，喺區外失蹤咗……依幾年嚟都搵佢唔到。」雷萬霆拿出螺絲刀，扭開車蓋：「我檢查下零件先，你等等。」

說罷，雷萬霆聚精會神的檢查著中大二號。

我在電視櫃上見到一幅照片，一位女生跟雷萬霆身穿同樣的衣款，兩人笑容燦爛的面向著鏡頭，應該便是他的親妹。

半小時後。

「應該郁得。」雷萬霆嘗試打開電源，車輪馬上轉動：「我教你點玩先。」

「嗯。」

「車蓋上面有兩個固定器，你隻腳著落去之後綁緊，你就唔會喺高速之下跌落車，但你身體要同風力同阻力去對抗，所以好似真正賽車手咁，好依賴核心肌群嘅強度。」雷萬霆仔細說明。

「明白。」

「姿勢主要好似滑板，成個人打側身企，你要轉右身體就前傾，轉左就後傾，部，入面嘅體感系統會根據你重心轉彎，大概係咁。」

「煞車就身體靠向車尾，加速就靠向車頭？」

「無錯。」雷萬霆拍手。

「咁我明點玩。」

雷萬霆豎起食指：「仲有千奇唔好跳起，部車本身嘅電池同零件都好重，你個人唔會拉得起。」

「你想點鬥法？」

「原本我諗住抽大學其中一條賽道玩，但咁做對你太唔公平，我改變條件……只要你跟得住我車尾燈，都當你贏。」

「你真係好有信心。」

如是者，雷萬霆拆掉中大二號原本的固定器，換上符合我腳型大小的固定器鑽孔鎖穩。

我們單手抱著沉甸甸的電動四驅車，來到大樓外頭。

「雨勢緩和咗，幾好。」雷萬霆把電動四驅車放到地面，雙腳穿到固定器中，人車合體。

由於我早前的一身衣著並不適合四驅車競速，於是我都換了一套賽車服出來。

「三、二、一！」我們一同蹲身打開電源車身的按鈕。

「Go！」雷萬霆大喊。

電源掣一開，電動四驅車旋即啟動，引擎瘋狂地咆哮。

雷萬霆開首先以平和的速度，駕馭四驅車駛入校園中心地帶。

幸好剛剛下了場驟雨，讓很多的人都不在街道上。

我們的競速行為，惹來路人眾多目光，他們眼睛發光的觀看著。

我們很快由士林路轉入聯合路，開始有些路人作為障礙是我們需要避開。

我避得有些驚險和生硬，但就算我不主動避，那些路人都懂得自己迴避，給我讓出一條路來。

雷萬霆不時會回望後方，見我開始著握技巧便將身體傾向車頭，打算加速甩開我。

為了不落後，我只得跟著他做。

「嗖嗡嗡嗡嗡嗡嗡嗡嗡──」

雷萬霆正要準備駛入一幢教學大樓，但是前方有三級小梯階，電動四驅車可不包爬坡功能，要直線前往是不可能，於是雷萬霆突然轉彎向一旁的Z形斜坡駛入，流俐地穿梭上去。

那Z形斜坡非常狹窄，我靈活性肯定不夠他來，要不撞車，要不大幅減慢速度，到時候已經被他擺脫了。

「勝負已分。」雷萬霆淺笑。

不得已下，我做出一個不可能舉動。

我壓身直衝向梯階，駛到要撞上前全力一跳。

我用全身的力量帶動腳下的電動四驅車躍至梯階上，省去一段高難度的斜坡路線。

勁似人中之龍劇情

四驅契弟

我都即刻諗起