【海菲】《病港ＩＩ》（７９）

好耐無睇, 睇緊病港一重溫緊

想問個序寫完未, 入左故事後半段未

放過我又覺得唔奇，唔帶佢走先奇怪
贖罪？咩原因都好

因為睇到呢一句，"我冷笑：「你想學港豬偷偷植入意識？」"

我第一下係諗緊M係講緊港豬喺中大做過嘅野，定係墨巴你其實係講緊以前佢未扮死嘅時候做過嘅野。

麥霸時間未

可以當兩種都係，因為港豬未死前都識催眠暗示

「你示範少少ASMR嚟聽下。」雞冠托顎品味。

瑜小六對著收音效果良好的麥克風呼出一口氣，耳朵瞬間有被人吹氣的感覺，聽覺感官受到激活。

「哦……」雞冠舒展緊鎖的肩背，頭部不自覺上仰：「馬克你感唔感受到嗰股虛無縹緲嘅刺激。」

「雖然有啲變態。」我保持收歛的姿態：「但都真係……好似俾人喺耳邊吹耳仔咁。」

「整多幾款嚟嘆下。」雞冠上半身靠向音響設備。

瑜小六嘴巴湊到麥克風前，然後舌頭於口腔內亂動。

無論舌尖在牙齒快速劃過時，還是唾液產生的氣泡破裂時，這些微細的聲音經麥克風捕捉，便會轉化成刺激官能的魔音。

至於瑜小六則一臉無奈，不明白自己在做什麼。

或許男性的性癖，是沒有無界限。

凌晨三時。

距離開台倒數十秒鐘，經大肆宣傳後今晚有很多聽眾徹夜未眠。

雞冠一早寫好講稿給瑜小六閱讀，不用她即興發揮。

這種模式，某程度上類似舊社會的直播主。

只是人們的媒介由互聯網，轉變為收音機。

「嗶」正式開台。

瑜小六進入狀態，腰板都坐得直直：「晚上好，歡迎嚟到「3AM」頻道，我係主持人六六。經歷一日忙碌嘅你哋，點解會出現喺到？係為咗特登聽下我把聲，定係無意間扭開收音機聽到？無論係點，嚟緊每個凌晨我都會陪伴你渡過。」

「你寫嘅？」我小聲問雞冠。

「嗯，覺得點？」

「一諗到係男人寫就有少少想作嘔。」

同一段說話，分別由男女說出會有不同的感受。

瑜小六繼續按著稿子讀：「不如我送個驚喜俾你？不妨依家將耳仔湊近收音機。」瑜小六停頓數秒後，冷不防吹出一口氣。

此時，如果有聽眾真的把耳朵湊近收音機，耳膜震動會帶動全身變得酥軟。

「依個橋段你嘅設計嘅？」我又問雞冠。

「嗯，同觀眾互動可以拉近關係，人喺凌晨係最感性，因為係世界最靜最孤獨嘅時候。」雞冠說明。

「假設你真係吸引到一班聽眾，你下步會點做？」

「下步就係販賣人設，令聽眾變死忠。」

「然後發表支持醫療複合體嘅言論？我覺得咁樣影響唔到幾多人。」

「直接講出嚟係最愚蠢嘅方式。」

「咁要點？」

「要講好多聽落無關緊要嘅小事，去影響引導聽眾嘅思想，例如講下理科仔嘅柒事，講下沙士時候舊事，為市民犧牲嘅醫生，總之唔好直接同主題扯上關係就得。」

「但成效大唔大？」

「至少可以拉到支持度，唔洗七比三咁咁肉酸。」

瑜小六的廣播在一小時後收台，腔調裝作成熟的她鬆一口氣。

「原來要成個鐘一路講嘢係咁難……」瑜小六抹去額上一把汗。

「你做得好好，以後每晚廣播就交俾你。」雞冠一拍瑜小六的軟肩。

「我無諗過喺依行發展喎哥哥。」瑜小六面有難色。

「為咗我哋偉大嘅事業，你每日犧牲一粒鐘將就下。」

「Omg……」瑜小六全身癱軟，坐姿滑出椅墊。

雞冠伸手入西裝口袋，拿出寫了紙的餐巾遞向我要我拿好。

「咩嚟？」我接過餐巾。

「咁無嘢喇，搵日我自己去睇睇。」

雞冠以退為進，成功迫到我去調查。

雞冠好似幾醒 之前好少戲份 終於到佢
仲有冇邊個公子會未show quali

覺得港豬實留線索比公子會去搵自己

推

公子會最好睇

雞冠之前俾m 打到仆街

公子會終於捱出頭

係，所以有段時間刻意寫佢無咩交流同行動

不久，樓下的家居電話響起。

「嘟嘟嘟嘟……嘟嘟嘟嘟……」

一名男子接起了電話，把聽筒貼到耳朵上：「我哋想要寶塔糖。」

電話裡頭說話的人，我沒法聽見。

「要五粒。」

他們聽起來，像做著什麼交易。

我走到樓梯間，偷偷瞧去開放式廚房。

一名男子負責接聽電話，另一名打開烤爐把某樣用布裹住的東西放入，然後把上下區的溫度旋鈕設定至150和210，定時旋鈕設定成5分鐘，其後烤爐發出一些金屬移動的聲音。

「咯吱咯吱咯吱咯吱」可以聽出鐵鏈在齒輪上滾動時的聲響。

裡面不是烤爐，是用來傳送物品的升降台。

莫非這別墅底下住著個人？這讓我想起樂居那個地下室。

大約靜待三分鐘，烤爐發出「叮」的一聲。

男子再次把烤爐打開，自己給出的物品換成五顆用紙巾墊著的寶塔糖。

寶塔糖有給腸道驅蟲的作用，而口味道甜甜的，是末日良品。

兩個男人一到手，便忍不住先吃一顆。

吃完後他們由衷地露出感動的笑容，看來是許久沒有吃過甜食。

「嘟嘟嘟嘟……嘟嘟嘟嘟……」家居電又再響起。

較年長的男子去接聽，越聽神情越凝重，最後小心翼翼地放下電話。

「做咩？佢講咩……」另一名掌管寶塔糖的男子，把它們收藏好。

「佢話喺我哋嚟之前五分鐘，有個不明人都嚟咗依到無走過。」說畢，兩人立即掏出身上武器。

糟糕，不是就說我嗎？

「走定點……」較年輕的男人緊握蝴蝶刀。

「嗰個人可能會吊我哋尾，搵佢出嚟。」另外一人手持彈簧刀。

我放輕腳步退到房間，打算借助窗口離開。

我暗暗拉開窗框，打算無聲地把腳跨至屋簷上。

可腳跨到一半，已經有人站立門口。

「停低。」

我扭頭望去，是手持彈簧刀的男人。

看上去三十多歲，跟我年紀差不多。

我沒理會他的話，打算快點離開，糾纏下去會惹麻煩。

誰不知，那傢伙直接衝向窗前飛撲出來，手中彈簧刀朝前刺出。

我急步躲開到一側，撲空的墜落到屋簷上，亦因屋簷傾斜緣故而滾落，最後墜下到地面。

這一下摔他不死，只苦了受力的手臂。

「呀呀呀……」男人手中的彈簧刀脫開。

我安全的跳落地面，其時蝴蝶刀男子亦趕來支援。


「佢自己跌落嚟。」我自證清白。

蝴蝶刀男子相對冷靜，只是緊張得喘噓噓的。

「你哋頭先電話講嘢嗰個……」我瞥向屋內一眼：「咩人嚟？」

「準、準備者。」他答。

「準備者？」是他的稱號嗎。

「你、你自己問佢！」對方不想理會我。

我繞過他走入開放式廚房，學他們剛剛一樣拎起聽筒。

我喊了聲：「喂？」沒人回應。

我目光轉向檯面上的鈴鐺，手掌放上去按三下。

「叮叮叮」

數十秒後，電話果然響起嘟嘟聲。

「喂。」我先開腔。

「有嘢可以幫你？」

「凌晨嗰段摩斯密碼係你發出？」

「摩斯密碼？」

「聽啱啱嗰兩個男人講，你叫準備者？」我還是先搞清楚他的身份吧。

「喔，你殺咗佢兩個啊？」準備者問非所答。

「無，好和平。」我答。

「答返你上一條問題，我哋俾人叫開末日準備者，簡稱就係準備者，詳情你可以睇下隔離雪櫃貼住張紙條。」

我轉頭望向一旁的雪櫃，有張提示紙上寫有交易須知給磁貼固定著。

一， 交易請在十分鐘內完成。

二，本店提供食物、水、醫療用品、防護裝備等基本生存物資。

三，可支付金幣，亦接受以物易物。

四，如試圖作出欺詐或攻擊性行為，你將無法活著離開。

五，任何就學當中的倖存者，可獲本店優惠。

「原來係間士多。」我恍然大悟。

「你頭先話摩斯密碼係咩事？」準備者問。

「我凌晨嗰陣收音機捕捉到一段摩斯密碼訊息，翻譯出嚟係一個座標，而個座標就係依間別墅，係你發出？」

「唔係我發出……」準備者語氣略為憂心。

「咁無嘢，我係嚟八卦下。」我掛掉電話。

我轉身走不到幾步，電話又響起。

我猶豫了兩秒，回去接聽：「咩事？」

「可能有人想拆咗我間屋。」

「關我咩事？」

「可唔可以幫個手？我有預感準備會俾人拆屋……」

「點解？」

「病毒爆發前我哋已經有個末日準備者嘅同好會團體，所有人都有安全屋同糧食儲備，都會周不時用數字對講機聯絡下大家，但近幾年嚟差唔多每隔幾個月，就會發生強拆入侵嘅事件，有班人好似挖寶藏咁，針對性搶掠我哋準備者嘅物資。」

「你講到有段摩斯密碼標記緊我座標，我懷疑自己係下一個目標。」

「你對自己安全屋有冇信心？」

「緊係有，你知唔知我洗咗幾多錢設計？」

「你有冇諗過一樣嘢？」

「咩？」

「如果想拆你屋嘅人，就係設計你間安全屋嗰個人。」

「唔會呱？」

我給準備者分析情勢：「你都識講，已經有幾個準備者嘅安全屋俾人拆咗？證明對方唔係一般嘅莽夫，係有備而嚟嘅人，而且唔會係一兩個人做到，至少係個團體，仲要有能力鑿破安全屋嘅牆……講緊係鋼筋混凝土、軟鋼板、同其他複合材料，佢哋肯定對建築好有研究。」