【海菲】《病港ＩＩ》（７９）

好想知結局，又好唔想個故完

Push

「無紅點，但有紅疹。」我留意到其腰側佈滿紅疹，情況與赤泥坪村的裸男同樣。

「係咪咩新型病毒？」蹲著身的劉吉忽發奇想。

「話唔定喺獼猴身上傳播。」

「點解咁講？」劉吉抬頭望來。

「你唔覺得佢哋行為，好似動作馬騮咁？」

我拍手發出響亮的掌聲，赤裸男子驚震地張望，發現我們後害怕得遁入草叢去。

經過短暫休息，我們選擇到一片空曠的塘畔草地上辦事。

野生的獼猴不怕人，但也不會輕易讓人類接觸，牠們危險程度不亞於病者，因為牠們通常帶有猴疱疹病毒，主要症狀為噁心、發燒、神經系統問題，感染者致死率約七成。

我和劉吉為免發生上述情況，衣物都包裹住全身。

要吸引野生動物很簡單，只要拿出食物就行。

劉吉從背包拿出幾片生菜扔到地上，頓時吸引周圍的獼猴目光。

開始不到三分鐘，第一隻獼猴上釣。

當牠衝過來且開始啃食生菜時，我毫不猶豫地抓住牠，並用空針扎其手臂。

這些獼猴體重約五至七公斤，從每隻身上抽取大約二百毫升血液並不過份。

被我抓住的獼猴拼命掙扎，凌厲地尖叫。

等我強行抽掉足夠的血液，我才會放牠離開，接著換下隻沉迷食物的獼猴身上抽血，抽出來的血液我會注射到空的塑膠瓶中儲存。

面對帶有強烈攻擊性的獼猴，我會用拳頭直接將牠揍死，然後抽光其身上的血液。

這樣的抽血過程將近一小時，我們一管接一管的接，針筒都斷了兩支，幸好我有備數支更換。

每隻被抽血後的獼猴都不會久留，像蒙受上心理陰影。

「會長，兩點鐘方向。」劉吉無故提醒。

「嗯？」我眼梢朝他說的方向瞟去。

一名穿著工裝馬甲背心和貨褲的男子，手持相機對我們拍攝著。

被我們發現後，他非但沒有逃跑，反而主動走近。

我和劉吉停低手上工作，默默看著走來的他。

「你哋係大學人？」不明男子問。

「你呢？」我反問。

「我係中大校刊嘅攝影師，施品清，負責野生動物，今日出嚟影下相。」

「自己一個？」

「係，你哋呢，你哋做緊咩？」

「做實驗要血液樣本，嚟採集。」

「喔……我見啲獼猴好辛苦咁，諗緊發生咩事。」

「我哋抽血唔會係致死量。」劉吉說。

「但地上依啲死咗嘅……」

劉吉攤攤手：「純粹不幸，佢哋攻擊我哋，我哋都要自衛下。」

「明白。」施品清垂低相機：「介唔介意我喺隔離休息下，難得遇到同校嘅人。」

我猶豫一下：「隨便你。」

「你自己一個出去唔怕遇到病者？」劉吉跟他談話應付著。

「哦，山頭地方通常無咩病者，都唔係話好驚。」施品清瞥了露營工具一眼：「你哋打算喺到過夜？」

「未決定，睇情況。」劉吉答。

抽血持續兩小時，塑膠瓶盛載滿滿幾瓶鮮血。

附近出沒的獼猴漸漸不敢靠近，就算草地上擺放著食物。

「睇嚟大家都開始識驚。」施品清環看周圍。

「應該差唔多要換下地點。」劉吉伸展一下自己的老腰骨。

「你影開咩野生動物？」我好奇問起施品清。

「昆蟲、鳥類都有，但今日嚟得金山，主要都係影獼猴，以前依一帶有隻惡霸猴王叫魯尼，中大研究院動物學追蹤關注咗好耐……可惜，有日我哋發現佢慘死。」

「點慘死？」劉吉接著問。

「俾唔知咩嘢殘暴咁殺死，雖然唔見佢屍體，但佢屋企妻兒都死哂，估計魯尼都凶多吉少。」施品清無奈地搖了搖頭，眼中飽含苦澀：「唉，佢擺明係被人為殺害。」

「……」我不言不語。

「死一兩隻應該無咩所謂？本身金山嘅獼猴都多到控制唔到，一路向外擴展。」

「死其他獼猴可以，但死魯尼……」施品清沉下臉色：「就好麻煩。」

沉默多時的我開腔：「點解咁講？」他說得我好像生出什麼麻煩。

「你試諗諗，一個龐大嘅部落社會無咗首領會發生咩事？」

「民主投票，一猴一票投個新老大出嚟？」劉吉見我們沒反應，補充說：「你哋應該知係笑話嚟？」

「打嚟打去？」我說出真正答案。

「係，獼猴係群居生物，佢哋會拉邦結派，爭奪猴王個位，引發一場漫長嘅戰爭。」

「佢哋都係遵循生物本能，無咩唔妥。」我說。

「互相廝殺只會對成個族群不利，好鬥嘅獼猴會經常神緊緊張，見人就襲擊！我有小道消息近排已經唔少獵戶俾獼猴襲擊，不過佢哋都係抵死……佢哋做得出狩獵野生動物嘅行為，都係天理循環嘅報應……」施品清目光越發凶狠。

我和劉吉不約而同，互相瞄了彼此一眼。

「我哋喺到抽猴血，有冇令你唔愉快？」劉吉直問。

「多多少少都有啲……」施品清輕輕地摩挲手指，嘴角微微下垂：「但人類嘛！為咗科學研究，就注定係要犧牲動物嘅福祉。」

「聽聞最近山上出現咗狒狒。」我換個話題。

「你哋想搵佢？」施品眼睛一亮，眉毛挑起。

「唔係，只係好奇下。」

「我可以帶你哋去見下，我之前喺某個位置發現到佢，哈哈哈……如果你哋有興趣嘅話。」

如果真的是狒狒，那麼就可以炮製傳說中能醫百病的藥物──天印霜。

聽說天印霜蘊藏著不可估量的營養，帶給海菲吸收說不定會有意外功效。

「會唔會麻煩你？」我站起身拍拍褲子的泥屑。

「唔會，都係舉手之勞。」施品清點點頭。

自然L一定有伏

補200正評

我們收拾好東西，跟隨施品清身後。

「你一路嚟嗰陣，有冇見過一啲唔著衫嘅人？」劉吉偶爾想起，順便詢問。

「啊，你講緊野人。」施品清一副很了解的語氣：「只要唔對佢哋抱太大敵意，擅闖佢哋地盤，正常嚟講都唔會有事。」

施品清向著西北面朝大帽山上走，眼睛不停左右觀望，最後來到一個懸崖前。

「今日天氣真係好……」施品清一隻手插著腰，一隻手拿出相機：「依到個景都好靚，幫你哋影幅相？我親自操刀唔係人人有機會嫁。」

「都真係幾靚。」劉吉放眼遠眺山下的一片綠油油：「真係困喺倖存區太耐。」

「嚟啊，埋位，幫你哋影張。」施品清手指懸崖前。

我無動於衷：「我想睇狒狒。」

施品清輕笑一聲：「其實我特登嚟依個位，都係因為依個位可以直接望到隻狒狒嘅地盤。」

「嗯？」

「要拎相機聚焦當望遠鏡。」施品清把相機遞給我。

「我自問視力都唔差，大約喺咩位置……」我靠著肉眼努力尋找狒狒的蹤影，彷彿玩著《威利在哪裡？》。

「唔係好見唔到喎。」劉吉瞇著眼：「有咩喺隔離？」

「俾部相機你睇清楚啲。」施品清把相機轉為給予劉吉。

「唔該……」劉吉接過相機。

施品清指向遠方樹林，悄然走近我背後：「嗰到你見唔見到……唔留低張遺照，真係可惜。」說罷，施品清雙掌用力對我背部一推。

預先鎖身紮步的我，抵受了施品清的推擊，猛地轉頭瞪向他。

我一早就猜疑著，他到底會不會有古惑。

因為他早前評論獼猴的時候，激進的口吻有點像病者保護團體的人。

「噫！」施品清瞪目一怔，立即轉移目標。

施品清企圖敗露，樣子變得猙獰，不惜全身力氣推我下崖。

我一記過肩摔，反讓施品清給摔落崖下。

「呀呀呀呀──」

沉沉的墜地聲。

劉吉呆若木雞：「嗰條友……」

「佢一直搵緊機會推我哋落山。」我沒半點愧疚，純粹自衛。

劉吉探頭望落崖底：「我都覺得條友可能有少少唔鐘意我哋，但無諗過會想殺埋我哋……」

「去到大自然嘅地方，唔好低估人嘅惡意。」

「即係條友吹水，唔知狒狒喺邊。」

相機仍在劉吉的手，他翻查其拍下的照片：「佢應該唔係病者保護團體嘅人，但肯定係極度熱愛野生動物嘅人……要唔耍幫佢執屍？咦，等等……佢喺同一個位，幫人影過唔少相。」

我湊近一看，果見施品清在相同的懸崖位置前，給不同的人拍照留念。

數量不多，但都有四五個人。

「唔……」其中一張照片讓歷年的劉吉驚呆。

照片中，一隻強壯的狒狒抱著個人類頭顱啃咬，施品清從一個偷窺角度，偷偷拍攝著牠。

「原來佢真係見過隻狒狒……隻狒狒抱住個頭，好似啱啱其中一個懸崖相嘅男人。」劉吉聯想到些不好的事情。

每個陽光底下行走的人，多多少少都有黑暗深藏的一面。

而末日後的環境，就是這些陰暗面的催化劑。

「落去睇下，佢身上可能仲帶住有價值嘅嘢，順便抽血，份量應該多獼猴唔少。」作為現實主義者，我甚至不會浪費時間給他埋葬。

我和劉吉繞路落到崖底，大約十五至二十分鐘左右，可下去後卻發生一件匪夷所思的事。

「佢個頭去咗邊？」劉吉的疑問，也是我想知道的事。

當我們下去懸崖底部，施品清的屍體缺失了頭顱。

「跌個陣衝擊力太大，整甩咗個頭？」劉吉抬頭仰望崖頂。

「唔係……」我蹲著身檢查傷口的斷口：「斷口邊緣唔平整，周圍組織出現撕裂，係俾人暴力扯斷。」

「得病者有依種力量，獼猴同人類都好難喺幾十分鐘內咁做。」劉吉給屍體抽著血液。

「又或者就係嗰隻狒狒做。」我說出很大可能的答案。

「但應該搵唔到佢……」劉吉檢查地上沒多少的血跡：「留低嘅線索唔多。」

我集中思緒，嗅著空氣殘留的異味：「劉吉，你留喺到抽血。」

一股專屬野生動物的體味和血味，漸漸於空氣中匯聚成一條軌跡引導我尋覓。

我沿著氣味走，走到一個洞穴入口外。

如果我嗅覺沒有失靈，那麼氣味的源頭應該就在裡面。

正當我想邁步踏入洞穴，裡頭有東西劃破空氣飛來，我本能地側身一閃，施品清給啃掉半塊的頭顱竟給飛擲掠過。

洞穴內一股凶光亮起，內裡生物的臉部特徵非常醒目。它擁有一副寬大的臉盤，厚重的眉骨突出，下垂的眼瞼下藏著一雙炯炯有神的眼睛，這雙眼睛閃爍著警惕而狡猾的光芒，其次鼻子扁平而寬闊，鼻孔大而向上翹，顯得格外凶猛，如同一張黑暗中冒出的鬼臉。

最引人注目的是它那一排鋒利的牙齒，尤其是突出的犬齒，適合撕裂各種活物。

眼前狒狒的體毛粗糙而密集，主要呈黑色，背部的毛髮略長，有時在脊背形成一道鬃毛。

能在末日單獨活下，甚至攀山涉水來到香港的狒狒，肯定非一般的強，牠的體重我估至少三十公斤，站立時高度可能超過兩米。

「嗷嗷嗷！！！！！」狒狒發出可怕的吼叫，緊接撲了上來。

我迅速低身揮出左拳向其盆骨，此乃中國古法拳中的──虎落。

「呯」狒狒給彈回洞穴中。

狒狒瘋了似的，握著兩把不知哪裡得來的錘子和鐮刀，癲狂地對著空氣揮砍，其間不斷出擬人的怪笑聲。

我保持後退拉開距離，因為野生動物的動作很難預計。

防守和迴避有著它的意義，下下盲目出拳，只會像我眼前的狒狒一樣……展露疲憊。

機會！

我箭步上前打出令牠無法招架的快拳，並以昇龍拳作终結，狠狠粉碎其下顎。

狒狒憤怒哮叫，旋即起身將兩把武器飛擲過來。

我側頭閃開錘子，另一把鐮刀擲到肚皮的位置，但沒能割傷堅韌的皮膚。

狒狒攻勢未完，爬到我腳下如野狗般亂咬。

我緊緊抓住狒狒的身體，將牠向旁邊的樹木猛力一拋。

狒狒撞上樹幹後摔倒，導致樹葉紛紛飄落。

Witcher + rdr2

加更

打你拂拂

乜又係你

牠的體重我估至少三十公斤

30公斤會唔會太weak?

狒狒唔同猩猩喎我一開始都係咁諗，但上網睇完發覺30kg狒狒都幾重

但2m
成件事個數值好崩壞

可能超多兩米都算帶左頭盔
可能手長腳長好似hunter第一場跑步考試入面識扮人個隻野咁

攞住嗰兩把野都注定無啖好食

狒狒兩手抓起一巴泥土，瞄準我臉部投擲過去。

我利用鐘擺身法閃躲，狒狒見狀即時欺近。

我屹立不動，一記筆直的高腳踢化解攻勢，再次重創狒狒下顎，緊接腳跟向下壓擊打其臉部。

承受二重擊的狒狒陷入昏厥，身體搖搖欲墜，是終結的好機會。

為免破壞天印霜原材料，我沒對狒狒的頭部下手。

豎直兩指剛猛地戳向牠胸部，衝擊力度直接撼動心臟。

狒狒身子立馬僵直倒地，是心臟停頓的徵兆。

我拾起地上鐮刀，揪起狒狒的頭，準備割下天印霜。

狒狒眼皮微張，發出咽嗚。

「霍──」狒狒頭部給乾淨俐落地切下。

我拿起狒狒的頭部端詳，牠看起來死不瞑目。

天印霜要盡快帶回倖存區，不然會腐爛。

我返回劉吉所在，其時施品清身上的血液都抽得七七八八。

「搞掂？」劉吉聚焦狒狒頭顱上。

「唔洗過夜，直接返倖存區。」

要攜帶違禁品入倖存區，需要有點門路。

我們的門路，就是依靠長梯子翻牆。

回到倖存區要立即處理材料，劉吉借用蝦蝦蝦餐廳廚房，扭開蓋子把一瓶瓶血液傾倒到鍋裡，然後開火加熱至沸騰，以凝固血中的蛋白質，其間需要不停攪拌免得燒焦。下個步驟需要把固體物質過濾出來，去除多餘的水份，將那些固體物質進行乾燥處理，放在陽光底下曬乾。

天印霜也是需要烹煮處理，這方面我請來富林比比幫忙。

處理方式是黑燒，簡單而言就是把狒狒頭燒成焦炭般。

「依樣嘢真係擺得落口？」劉吉對天印霜不帶有期望。

單是狒狒那張死不瞑目，卻能依稀辨認的輪廓，就讓人提不起食慾。

「不過反正唔係我食。」劉吉行開到一旁。

三十分鐘後，富林比比正式宣佈天印霜製作完成。

那漆黑無比的焦炭表面，感覺吃一口都會立馬生癌。

我們再等血粉完全乾燥後，將它碎成細分狀，這就是血粉誕生的過程。

事成後我和劉吉帶著兩樣補品，前往海菲的所在。

一樣地，見面時我們會打開黑幕讓光照灑入。

我讓劉吉在門外等待，畢竟可能會有危險。

「海菲。」我呼叫。

懷抱著賴桑沉睡的海菲，睜開右眼瞥來。

我扭開保溫壺蓋子，裡面堆著滿滿的血粉。

我抓起一小巴展示給它看：「可能你會有興趣。」

海菲把身子伸前來，細瞧我掌心的血粉：「我無消化系統，液態以外營養需要由宿主攝取。」

「要人食？」我擔憂血粉裡含有細菌和病毒。

海菲似乎明白我的疑慮：「我哋已經同化，佢可以適應。」

「好……」

當我讓劉吉拿著水瓶和餵食器走進來時候，他的目光緊緊地鎖定在海菲身上，仿佛怕錯過任何一個細節。對於這位非人生物的誕生，他仍然有些難以置信，超出了平常的認知範圍。

我把血粉混進水裡，並輕輕托著賴桑的嘴巴，小心翼翼將血粉混水倒落他的口中。

海菲居高臨下俯視著我們，彷如無形的威脅。

當血粉進入賴桑胃部後，海菲不經意展示出舒暢的表情。

「喺樹鄉第六空間底下嗰個都係你嚟？你同外表同佢一樣，只係佢綁喺樹到，而你寄生咗喺賴桑身上。」

「我係佢，亦唔係佢。」

「咩意思？」

「為擴展自己生存空間同影響範圍，我利用植物遺傳機制將自身遺傳信息注入到生命種子。」海菲毫不隱瞞，直接告訴我：「我會喺吞食種子嘅生物上寄生乃至成長，實現間接移動能力。」

「所以……你哋喺樹鄉執行「綠化」，要揚昇大師吞種子變成同真菌結合嘅變體，就係為咗測試真菌生物寄生到人體上面嘅變化同影響？」

「你可以咁去理解。」海菲眼神冷冰冰不帶感情：「但我最後寄生咗落一個瀕死嘅人身上，為咗維持佢生命保存自己，我要將種子本身蘊含絕大部份營養提供俾佢。」

也許，當初真菌之神願意給予生命種子，是以為我會吞食，打算寄生到我身上。

「恢復咗你會做咩？」

「為下次進化再做準備，直到我可以以個體形式，喺地面上行走。」

「植物可以擁有自我意識已經好勁，奢求再多，世界唔會如你所願。」

「粉狀物體來源係血？」海菲轉問我。

「係，用血整成，去除咗雜質，你就當係血液嘅精華。」

「營養成份比起直接攝取血源高。」

「如果你真係吸夠，賴桑真係會醒？」我再確認一次。

「就算醒唔醒，你都無得揀。」

海菲把我和劉吉辛苦得來的血粉都吸收後，身上的菌絲和藤蔓結構變得更蓬勃，可是賴桑依然未醒。

「遠遠未夠。」海菲需索無度。

「呼。」我手搭在放有天印霜的木箱上。

看樣子，天印霜是最後的機會。

麥霸time