武功配置嚟講，金庸邊個主角最屈？

原本8個係: 段喬虛，加埋慕容游(唔長但叫做有獨立篇幅)? 仲有邊3個...王語阿朱阿紫?

黃衫女子屌打眾人就知咩料

九陽神功毒抗100% 唔會中生死符
牌面計張無忌完全全方位剋住虛竹

都有可能, 不過可能真係要吸左先知

金庸本身內功系統其實唔係好嚴謹
本身照字面解
九陽神功睇描述就係加爆MP回復速度
北冥神功就加自己MP上限同時扣人MP上限
咁計如果九陽神功MP上限俾人扣到零係咪就冇用?

虛竹係咪有好多女手下？

如果張三豐係天花板，咁個range都係郭靖同楊過果個LV, 仲要張三豐記憶中嘅楊過只係36歲嘅楊過

仲有Kimochi

你要睇下果個年代(天龍)其他外功, 六脈神劍係外掛, 天山折梅手可以化天下間所有武學為已用, 北轉星移可以轉傷
蕭峰所學的"降龍掌"係第三版仲要改為"降龍廿八掌", 進一步弱化, 要靠蕭峰同虛竹合力優化成"降龍十八掌"先會有後世射雕的高光時刻

老金咁改寫明顯係想進一步突顯蕭峰手上的武學都唔係頂級貨式
至於你話掃地僧講"天下第一掌法", 你諗清楚D, 佢意思係降龍十八掌係天下第一掌法, 定蕭峰使出黎的降龍十八掌係天下第一掌法?

虛竹/段譽啦
齋計內力呢兩條友150年起跳
邊撚個夠佢地多

計埋武功熟練度咁一定係張無忌

唔理就段譽，遠攻六脈，埋身北冥吸到你變人干，仲有走佬最強凌波，但熟練度真係無眼睇。

北冥去到笑傲慘變吸星練左有後遺症

身懷無崖子，李秋水，童老，坐底到200年內力修為

同埋北冥嚟緊個時，對方係會癱瘓郁唔到，唔知仲可唔可以同時用六脈射對方

獨孤九劍最後係無劍，係指用任何一樣野都可以當成劍去打。風清揚教令狐沖果時都有提過，令狐冲唔識掌法，咪叫佢當自己隻手係把劍，照用獨孤九劍既招式囉。

首先佢唔係100%抗毒，係島上已經中毒搞到俾周芷若殺蛛兒偷刀
其次生死符唔係毒黎

笑傲嘅吸星好大機會係化功大法演變出嚟多過係北冥神功演化

正解，就算唔計生死符，虛竹都屌打張無忌

我好似記得話係用大理段氏內功鑽研出嚟，成本北冥一早碎晒，應該係段譽識d唔識d 攪出嚟。成個天龍都只係得丁春秋化功大法，阿紫又死埋，所以我覺得唔會係化功

生死符除左避，擋係無用

同六脈一樣，根本無解

張無忌老母就話，女人信唔過

睇嚟男同女都覺得另一方係信唔過

如果有條件去計，只要有人殺左姑姑，個一刻楊過會變最強

不如講講有咩掌法高級過廿八掌

你講果個"無劍", 但只係用住肉掌頂住先
"無劍勝有劍", 首要係"勝", 你認為令狐沖又或者風清揚用肉掌可唔可以超越渣劍的自己?
退一步諗, 當佢地練"肉掌劍"練到極致, 超越到渣劍的自己
咁打唔打得過玄劍重劍劍法?

真正的"無劍"應該係類六脈神劍的無形劍氣, 按上一階段玄劍重劍劍法就極注重內力, 而去到無劍階段應該就係練到內力可以外放成劍氣, 唔再需要載體(玄鐵劍, 草木), 而且無劍比六脈神劍更強大, 因為佢身為劍魔最終武學, 必定為"無招"武學

另一方面獨孤九劍對內力完全無提及, 而劍魔由第三階段(玄鐵劍劍法 )起就極注重內重修為, 所以合理的推測獨孤九劍只可以係劍魔第一或第二階段使用的武學。

黯然銷魂掌？