武功配置嚟講，金庸邊個主角最屈？

道家係講大道至簡，而九劍一招幾百個變化，內容極之繁複，明顯仲未到道家嗰種level。之前風清陽叫令狐沖暫時背曬佢先之後先慢慢理解到（仲要講唔知用幾多年時間）咁都反映到； 講最高級嘅應該係太極劍嗰一種，張三豐係咁咦show下啲劍招，仲要問無忌唔記得啲招式，唔記得先叫高手。

唔會，北冥係大海，只係吸撚到世界末日都未必得到勝負

你識破咪一動手就破左啦
咪大道至簡囉。

背後原理好唔同。我當用考試做例子，九劍就好似操咗好多pass paper，識曬所有題型咁，所以考試見到啲題目就可以好快咁答到出嚟（甚至連題目都唔使睇曬，睇到一半已經知佢想問乜）；以太極劍就真係識咗背後個深層次知識，所以一見到題目就用自己嘅理解去答出嚟咁。

仲有，點解一出手就破咗就叫大道至簡？簡係簡單個簡，係唔多嘢嗰種簡，獨孤九劍分分鍾有成萬字，咁都叫簡？

重劍就係重劍無鋒，大巧不工
對付任何兵器武功都係呢8隻字
9劍對劍就要用破劍式，對刀就用破刀
我都唔知9劍點簡過重劍

呢位巴打思路清晰

要有讀寫障礙先學到

楊過香港叫外賣最屈

道生一 一生二 二生三 三生萬物
易有太極，是生兩儀，兩儀生四象，四象生八卦

道係講緊天秤
但最後所有野本源都係一個點黎

就係因為道係講一個原點，而獨孤九劍只係羅列曬呢個點所顯伸出嚟嘅所有嘢（四象八卦咁），咁正正反映九件劍未去到道嘅境界。調返轉咁講，如果糾九劍真係去到道嘅境界，咁就唔會一開頭分咩破劍式破槍式破氣式咁，應該全部歸於一式，而唔會分九式。

對楊過嚟講，理得你揸乜嘢，總之一直一橫就搞掂你

所以重劍其實係佢中後期而唔係後期

後期無劍之境(草木水石)皆可為劍
一聽就知係天人合一

直接引用原文，咁都覺得九劍簡？

草木皆劍因為盡破，出手破招，
先可以放低重劍。走去另一個境界。
楊過未識盡破，打金輪仲諗緊要把玄鐵劍贏金輪。

正如四絕/郭靖周伯通，佢哋要打好多招，冇人絕對贏到對方。
楊過係內成大成，但只靠力，都贏唔到同力量既人。

但破招唔同，出手即破，以弱秒強。同內力修為否加易贏。


求敗既生涯
30前 有招有式>靠屈內力差距（重劍）>破招（九劍）。

一生經驗總結， 點樣唔簡
完全預知你未來，下下直中要害都唔簡？

九劍重點，係睇破綻，唔係用破劍式打你。
破劍式唔係招式，係預知你招式方位。

你都冇理解過

北宋時 段家皇親都識一陽指，絕學係六脈神劍
去到南未初，一陽指已經變成絕學，仲要一用就大耗真元

九劍就係破招心得 講融會貫通，講靈活應變
你識用可以當暗器一鳩插盲14對眼。
唔通又要破眼式咩

蕭峰

咁多本書，唯一一個主角冇奇遇 冇外力加持灌頂，純靠自己練功

基本上九劍做到嘅嘢玄鐵劍法都做到，但玄鐵劍法做到嘅九劍就做唔到

你錯晒
係睇破綻就唔使咁多破咩式啦
一招就夠
分開九式明顯就唔係簡

唔係咁比

楊過係屈內力差距，同內力就會輸/贏唔到
九劍係遇到同內力必勝法門

對方內力比自己高
玄鐵劍唔夠撞=輸
九劍=可以一戰/差距少也可以勝

對方內力相若
玄鐵劍係打和/佔優
九劍=秒殺

對方內力較自己低
玄鐵劍=秒
九劍=秒

你錯晒，不嬲都講九劍唔係招，而係破招，預知對方既法門