對段譽
乾坤大挪移可以轉移內力, 但唔知轉唔轉移到六脈神劍的劍氣,
九陽神功近乎無限的內力剛好應了北冥神功上所寫的大忌"海水倒灌而入江河", 未知段譽吸起上黎會唔會奶野
咁睇有懸念, 張無忌有一戰之力, 分分鐘拖到入持久戰
而段譽武學常識缺失同基本功不穩, 久戰必定會霧出破綻
對虛竹
虛竹的天山折梅手, 天山六陽掌都係一等一武功, 不過對上太極拳未必可以佔上風, 我諗都係打個平手
生死符應該係致勝關鍵, 但唔知打唔打得中, 就算中左, 面對九陽神功+lv max醫疫又有冇效, 如果又中又有效, 咁無效, 咁我諗都係五五波
對蕭峰
蕭峰, 若只論武功, 其實無乜料到, 降龍十八掌(or廿八掌)係神功無數的天龍毫無亮點, 甚至是否神功都成問題。
無神功級的內力(書中甚至無講佢練的內力的名堂, 大概係"少林內功"), 無神奇的輕功(少林輕功)。
雖然出現過嚇呆風波惡的擒龍功, 但感覺係亮一亮眼, 後來印象無用過。
若只拚學的武學, 應該輸張無忌, 同其他天龍二子一大截,
不過, 蕭峰係戰神, 全書從無一敗。無論幾艱苦的戰鬥, 絕望的戰局, 佢從來無輸過!
佢代表一種不屈的精神, 英雄同俠的極緻, 我諗已經超越武學的範疇, 所以只要戰場係金庸的筆下, 基本上張無忌係必敗無異。