免費online vet consultation在線等

FB group見到有隻狗肝有腫瘤，
想幫手問下，有冇方法緩和治療

一年前發現狗狗身上有呢個似粒，佢而家9歲
睇過醫生，話切咗先知道良性定惡性，摸落去冇連住其他組織，有慢慢變大跡象
因為年紀都唔細，佢好似冇唔舒服，唔想佢無啦啦捱一刀
之前都試過嘴唇有粒嘢，但因為係嘴比較高危，又驚變大咗到去食嘢，所以有切到，最後係良性嘅
有冇咩建議可以俾我？thanks Ching

你好樓主
11個月貓貓間中都打乞嗤同有黃綠色鼻涕
睇過獸醫食藥，好咗幾日而家又係咁
精神同食量一直都正常，好活潑
應該等佢自然好定睇多次獸醫？
另外佢有貓癬，獸醫都開咗專用既沖涼液
如果有貓傷風/感冒係咪唔沖得涼住？
唔該

5個月大英短 一直都餵緊罐罐同埋乾糧長放 d屎都係接近黑色 咁係咪正常？

有屎 慎入

食咗抗生素Cat flu嘅病徵清曬
但滴曬14日眼藥水都仲係keep住眼角膜發炎
一隻眼矇左大半同埋少少紅
獸醫建議睇眼專科，話可能要刮走眼啲嘢係咪真係要手術先搞到
領養前義工話佢角膜炎到眼開唔到都好得返
可以嘅話都唔想佢做手術
再俾佢滴抗生素眼藥水會唔會有問題

我隻貓咪六個月大，對上兩個月領養返嚟嘅
今日無啦啦發現佢眼上面少咗執毛，唔知係咪貓癬？

保濕cream或者類似既產品 上網搵應該都有好多

貓血尿一般係三個原因 crystal/bacteria/stress
長期有問題或者成日翻發既話考慮會唔會有石或者cancer等等

以我認知黎講就高蛋白飲食對貓唔會有明顯短期變化,
長期黎講會對腸胃既菌群有影響繼而有機會影響腸道同個腎
一般主要考慮要素係有冇腎病, which一般常見於老貓
而腎有事而出現血尿既情況遠比膀胱炎少
所以可能係我識得唔夠多 未太明白蛋白質會唔會同血尿有直接關係
或者係驗血驗尿report入面有多d clues?
但我個人就冇點聽過依套講法

如果你個隻係健康成年貓既話
一般糧應該都係30-45% protein

醫生角度: no quality of life -> euthanasia
肝腎都有問題既話 d毒素點分解點排
先唔講佢個腎同肺
肝有事但係指數冇升高通常係兩個情況
一係cancer
一係末期肝病已經纖維化左
肺積水加肝腎有事既情況可能心都有事
類似情況可以係heart base cancer擴散左去肝腎

就咁睇血同clinical signs黎講
我建議佢諗下唔選擇安樂死係為左自己定係為左隻狗先

老狗生依d通常唔洗理
除非爆開/隻狗開始會咬會奶/感染

正常會自己好 但都有機會變成慢性發炎就難斷尾
生癬都係 唔沖都至少要搽藥膏

兩樣都係抵抗力低/環境唔乾淨就易出現既問題
最好日日做清潔

黑到個黑膠袋咁先係黑
食訓玩正常既話唔認為有問題

有冇做過fluorescent staining睇係有冇潰瘍
simple ulcer既話正常幾日就好
indolent ulcer/melting ulcer就眼科手術搞 如果唔係唔識好
我睇唔到你而家咩情況
但你cat flu既話我假設係melting, 唔搞會盲

其次如果唔係ulcer 朦左就一般係corneal edema
眼發炎導致
但你醫生講得要做手術搞既話我諗都係ulcer多, 因為正常都會做個staining test睇
不過都有少數可能朦左係因為form左scar tissue

依個程度靠眼睇既話唔知
睇下會唔會變大變多變黑結焦先

明白，我再留意吓先！唔該晒你

當時有做staining test睇，佢就開咗Tobramycin眼藥水同角膜gel搽，醫生話如果之後都唔好，驚刮到佢眼就揾專科做手術清除
我平日返工特登返一轉屋企一日都係滴得2-3次(醫生寫一日4次)
最後滴左14日隻眼都係差唔多，中間有好轉少少又差返
咁我都係揾專科搞佢唔會再靠藥好得返？

多謝Ching

我屋企有隻14歲poodle已經確診心臟病已經去到c甚至可能d，再加腎衰，有長期食藥控制，之前試過幾次肺積水但及時發現，住院之後依家用口服藥控制。佢腎臟BUN同CRE指數轉食renal處方糧之後雖然都係紅色但係已經接近黑色位算在控制到。心臟一到兩星期會覆診照超音波睇心臟壓力，依家兩樣野都算係穩定。

但係佢積水之外後腳明顯差左好多，企得都唔係好穩，醫生話心臟病既狗仔會伴隨慢性肌肉流失，佢又真係明顯瘦左好多，摸落去全部都係骨，想問下呢種情況既老狗有冇機會或者方法可以幫到下佢補充肌肉？因為佢腎臟問題我唔敢俾高蛋白質既食物俾佢，但佢又不停瘦

通常要好就已經好左 眼角膜係復原速度好快既野
眼依d問題suppose要三日就recheck一次
我最初出嚟做個時都試過叫人兩個星期之後覆診，跟住比眼科話

search cardiac cachexia睇下
不過都冇得點搞
通常心臟病同cancer後期都會見到依個情況
生老病死一環

明白，謝謝你
咁我約眼科同佢睇咗先唔知睇邊間好

屋企隻狗呢幾日眼屎定分泌物突然多左
食野同活動方便又無咩問題
需唔需要帶去check下

我隻貓貓絕完育之後 成日r到流晒血
又不停咁舔毛 舔到有啲位冇毛或者損咗
睇咗五個醫生 食抗生素 類固醇都唔好
帶頭罩 都舔到有d地方又損又冇毛
買到費洛蒙佢聞都冇用
我想問吓有冇啲咩方法可以幫到佢
得佢一隻貓

有個醫生話係情緒問題
另一個又話係異位性皮膚炎
有一個話要切少少皮膚去驗

你好樓主 英短男仔貓貓2歲大 未絕育 前幾日都胃口好好
依一兩日突然食慾不振 水都唔太肯飲
但係開罐罐又好肯飲晒啲水
大便就比平時少左 始終食少左乾糧
玩都會肯玩
想問下依啲情況使唔使太擔心或者仲可以睇多幾日先去求醫

你好, 我上週領養嘅五月大緬因貓, 我係昨日幫貓貓清潔耳仔嘅時候, 發現外耳一小處紅腫. 請問係咪要帶去獸醫度做手術, 定係有其他辦法消腫?