儲值卡 / 上台資訊區 (35)

聽講入錢買plan 有效期先加一年
利申：同你一樣

So sim正常入到呀

依家(21:17)都係正常登入的。

valuegb 越嚟越屄差 𨳒smartone老母

有冇人試過luckysim唔見sim卡,俾錢補完卡之後成5日個no.仲未active

SmarTone依家唔比轉自由雀?
以前可以架喎

當我冇講過

我記得依家自由鳥係某d 優惠唔受smartone轉黎既客玩
但無限制唔比SmarTone轉入

絲打一年通話量有幾多？我都係用3萬做通話咭，一年大概3000 分鐘，一張 3萬新開得2000 分鐘，計過係會唔夠，同你情況好似

用完迎新嗰2000 分鐘，如果再打電話就要增值入錢，逐分鐘扣，咁得兩個方法，一係入錢一係轉台走。一張年咭當你$50 買返嚟，迎新有2000分鐘，就係 $0.025/分鐘，如果增值入錢俾佢逐分鐘扣，一定無新開咭咁抵 (如果你要打好多好多電話，開完$65 plan都平過 $0.025/分鐘，或者好需要 volte，咁就另計，呢度你要自己計下數)

我而家打算用到無分鐘就 mnp 轉去 valuegb (到時張咭未夠一年但係會照轉)，valuegb新咭又係有 2000 分鐘，又係到用完時就轉返嚟3萬。一張咭預用大概 2/3 年，即係大概8個月，但係而家 COVID 完咗會報復式旅行，所以好多時間唔喺香港，可能用得多過 8 個月先至要轉台，咁就會賺多咗(除返開每年年費再平咗，因為遲咗轉台)

至於外遊返港(或者離港)嗰一程，我係會直接開呢張通話咭年咭嘅 data嚟用。通常年咭最平嗰張都包5GB定8GB for頭一年，我就係會喺旅行頭尾嗰日來往機場同屋企呢兩程車嚟用埋佢，返到屋企先換咭。一程車啫，用到嘅 data 好有限，通常啱啱落飛機，上車都係瞓覺多。不過我唔知你 data 用量，咁條數你要自己計。講緊電話上唔到網都係一樣，我會開 mobile data switching，等我講電話時轉用通話咭嘅 data，不過因為我冇買 volte plan，上網會得3G

sosim出左附屬卡，但$28/得30日有限期，
=廢

完全諗唔到有乜情況會用
點解唔直接開張卡 市面咁多plan

我諗我一年通話量2000-3000分鐘左右，因為我唔似你不斷將主號mnp去不同卡，所以靠增值100蚊我只係得1000分鐘，同埋無data如果唔開data plan。所以我唔夠分鐘係直接開65蚊通話plan任打，如果再要data又要開多8+4 data plan，咁樣一年至少要入兩張100蚊增值券。

我最初有諗過你嘅方法，就係1年2000分鐘啱啱唔夠駛，喺計算緊轉去3萬/3DIY 定 valuegb 抵啲嘅時候就諗到用呢個方法，不斷mnp食迎新好似抵過買券入錢

原本仲有另一個擔憂係如果我唔開volte會唔會講電話質素好差

我都係啱啱先開始試呢個方法，而家我轉咗去3萬用咗幾個月(未夠第一次8個月)，未開 volte plan，暫時講電話嘅質素我覺得都OK，所以我都應該無需要用到 volte，咁即係無需要開$65 plan亦冇需要留喺3台(因為如果轉去valuegb 會無 volte選項)

有冇巴打用過lucky2 5g速度係點?

用過東九+港島出末
同vaulegb 4g 差唔多速度

我用左兩個月,有時收爆都係空氣
不過我係後備用

係咪得上台先有5g速度

我係要5G 覆蓋多d

屋企收爆但得52M download 42 M upload

萬能卡想用esim係咪要買張實體卡先，再用app轉esim?

好似而家 有得直接app轉esim $28

想問下clubsim是咪揀上台卡

WhatsApp 直銷中心好似有得直接買 esim，咁就唔使買完實體再俾一舊錢去轉實體做 esim

clubsim 個 nature 應該算儲值卡 下話？行入 7-11 隨時都買到喎

想問下

自由鳥 so sim club sim 邊款打到長途IDD